ఓనమాలు (Onamaalu)

 చిదానందరూపా-బాణ భద్రుడు  ********************************  కలయనుకొందునా  నిటలాక్షుడు కలడనుకొందునా  కలవరమనుకొందునా  కటాక్షించిన వరమనుకొందునా  మీనాక్షి-సుందరేశ్వర  మధుర నివాసి బాణ భద్రుడు  సుందరత్వముతో కూడిన మథుర కీర్తనా శివభక్తుడు  సంగీతముతో పరమాద్భుతములే చేసెను హేమనాథ భాగవతారు  అంగరంగ వైభవకీర్తికి ఆశగ అరుదెంచెను పాండ్యదేశము  రాజసభావము నిండిన మదితో రాజ్యములె పందెము వేసెను  యోగముగా బాణభడ్రుడు పోటిచేయగ నియమితుడాయెగ  గట్టెంకించగ భక్తుని కట్టెలమ్ము వానిగ స్వామి కదిలెగ  పట్టిన పాద సన్నిధి చేరగ సంకీర్తనలే కారణమాయెగ  చిత్రముగాక  ఏమిటిది చిదానందుని లీలలు గాక  చిత్తముచేయు  శివోహం జపంబు చింతలు తీర్చును గాక.  మీనాక్షి-సుందరేశ్వర విరాజితమైన మధుర క్షేత్రములో పాండ్యరాజుల కాలమున సంగీత సాహిత్య నృత్యములకు ఆలవాలమై అప్రతిహతముగా అలరారుచుండెడిది.ఆ నగరములో అననవరతము ఆ సుందరేశుని తన అంతరంగముననిలుపుకొని కీర్తనలను స్వయముగా వ్రాయుచు,భక్తి పరవశముతో కీర్తించుచుండెడి వాడు బాణభద్రుడు.అతనిసమకాల...