IDAVA MAJILEE-SARVAARTHASAADHAKA CHAKRAMU AMTE?
" దశముద్ర సమారాధ్యా త్రిపురాశ్రీ వశంకరీ జ్ఞాన ముద్ర జ్ఞానగమ్యా జ్ఞాజ్ఞేయ స్వరూపిణీ" అని స్తుతిస్తిస్తున్నది పరమేశ్వరిని లలితరహస్య సహస్రనామ స్తోత్రము. ఇంకొక మెట్టిఎక్కిన సాధకునకు వృత్తాకారముగా బయటకు కనపడుచున్న వికసిత పది దళములుగల ఆవరణము అత్యంత మనోహరముగా కనిపించింది.పదిమందిమాతృమూర్తులు పరమవాత్సల్యముతో స్వాగతిస్తున్నారు.వారితో పాటుగా "వశిత్వసిద్ధి" మాత,సర్వోన్మాదిని ముద్రా మాత ధైర్యమునిస్తూ నడిపిస్తున్నారు.ఆ పదిమంది స్త్రీమూర్తులను కులోత్తీర్ణ యోగినులు అని గౌరవిస్తారట. కులము అన్న శబ్దమునకు సమూహము,వర్ణము అన్నార్థములే కాకుండా,జ్ఞానము అని కూడా భావిస్తారట.మనము ఏ విధముగా ఒకపరీక్షలో నెగ్గిన తరువాత అంతకుమించిన దానిని నేర్చుకునే అర్హతను సంపాదిస్తామో,అదేవిధముగా ఈ పదిమంది మాతలు జ్ఞాన ఉత్తీర్ణతకు/విస్తరణకు మరింతనేర్చుకొనుటకు సహాయపడతారట. ఈ అద్భుత ఆవరణమును బహిర్దశారము/సర్వార్థసాధక చక్రము అనిపిలుస్తారట.సర్వము అనగా తురీయ పురుషార్థమైన మోక్షము అన్నమాట.ధర్మ-అర్థ-కామ అవస్థలను దాటిన ఉపాధికి లభించేది. మాత సర్వో...