GAM GAM GANESHA-2024
మహా గణపతిం మనసా స్మరామి ******************************** నలుగురి మేలును కోరి,నలుగు ముద్దతో గౌరి, పరమ శివుని స్మరియిస్తూ,"వరపుత్రుని" చేసినది. సమరమైన చేయగలుగు సామర్థ్యపు కాపరి, కర్తవ్యము శుభకర " కరివదనుని" చేసినది. తల్లిని,తండ్రిని భక్తితో చుట్టిన బాలుని వైఖరి, అగణిత వాత్సల్యముతో "గణనాథుని" చేసినది. అహంకరించు అసురునిపై మోగించిన యుద్ధభేరి, "ఏకదంతుని," "మూషిక వాహనుని" చేసింది. మేరు పలకపై దంతపు ఘంటపు వ్రాత మహా కావ్య నాటకాది ప్రియునిగా కీర్తించినది పార్వతీ పరమేశ్వర పరిపూర్ణత్వము విఘ్నములను తొలగించు వినాయకుని చేసినది. అపహాస్యము చేసిన ఆ చంద్రుని తిక్క కుదిరి, "భాద్రపద శుద్ధ చవితి" బహుళ ప్రాచుర్యము పొందినది. ................. మట్టి ముద్దలో దప్పిక తీర్చు జలము, జలములో దాగినది జ్వలనము అగు అనలము, అనలమునకు సహాయము అనువైన అనిలము, అనిలముపై ఆధారము సకల ప్రాణి జీవనము, అలలతో ఆడునది ఆ పున్నమి ఆకాశము, స్థూల,సూక్ష్మ తత్వముతో-భక్త సులభ వశత్వముతో, పంచ భూతాత్మకముగా మా మంచిని కోరుచున్న, మట్టి ముద్దతో ముద్దుగా మమేకమైనది నీ రూపు నేడు. .....................