ఓనమాలు (Onamaalu)

    తనోతు నః శివః శివం-17     *******************  " వాగర్థావివ సంపృక్తౌ వాగర్థ ప్రతిపత్తయే    జగతః పితరం వందే పార్వతీ పరమేశ్వరౌ"      మహాదేవుని కరుణను మరింత స్పష్టము చేస్తూ నీలపంకజకాంతులు  ముచ్చతగొలుపుతున్నాయి తమ చల్లదనముతో.అంటే స్వామి గళమున నల్లగా అమరియున్నది కాలకూట విషమనుకున్న రావణుడు ఇప్పుడు ఆ నల్లతనమును చల్లదనమునందించుచున్న నల్లకలువల మాలగా దర్శించగలుగుతున్నాడు.  " ఇప్పటి దాకా నీ-నా సంబంధము    ఎప్పటిదో చెప్పలేనుగానీ"      ఓ పరమేశ్వరా! నీ కరుణను  " కప్పిన అజ్ఞానంబున కాంచలేనిదిది(ఈ ఉపాధి)    ఇప్పటికైనను ఎరుకను ఈయరాద ఏమి?"      అని అడిగిన రావణుని భాగ్యమే భాగ్యము.   స్వామి అనుగ్రహము నిత్యానిత్య వివేకమును కలిగిస్తున్నది విశ్వదర్శనమును చేయిస్తున్నది ఒక నాటక రంగస్థలమై.  1. ఆ జీవితనాటక రంగస్థలము నందు ప్రారంభముగా వచ్చాడు . స్మరుడు(మన్మథుడు).తన పంచబాణ ప్రయోగముతో ప్రపంచమనే వేదికను సృష్టించాడు.వసంత ఋతువు మామిడి చిగుల్లతో-కోకిలారవములతో,పచ్చదనముతో పరవశింపచేస్తున్నది ప్...