ఓనమాలు (Onamaalu)

     శ్రీచక్రధారిణి-07-సర్వ రోగహరచక్రము    *****************************  ప్రార్థన  ******  " తాదృశం ఖడ్గమాప్నోతి యేనహస్తస్థితే నవై    అష్టాదశ మహాద్వీప సమ్రాడ్భోక్తా భవిష్యతి."  ఇంతకు ముందు  ***********  సర్వరక్షాకర చక్రములోని వహ్నికళలు అన్నమయకోశమును ఆవరించియుండి, 1.భక్య-భోజ్య-చోష్య-లేహ్య-పేయ      రూపములుగా నున్న ఆహారమును జీర్ణముచేసికి స్థితికి సహాయపడేవి.  భక్ష్యము-తినదగిన పదార్థము(జుర్రుకుని)   పంచామృతములు మనము జుర్రుకుంటాము.  భోజ్యము-నమిలి తినునది.(దంతముల ప్రాధాన్యము)   చోష్యము-కొరికి తినునది(దంతముల ప్రాధాన్యము-పిండివంటలు,పండ్లు,గింజలు మొదలగునవి)   లేహ్యములు-నాలుక సహాయముతో స్వీకరించు పదార్థములు   పేయము/పానీయములు-గొంతు సహాయముతో (తాగునవి)  మనము ఆహారసిద్ధి-ఆసన సిద్ధి         ఆసన సిద్ధి-అభీష్ట సిద్ధి అన్న మాటను వింటుంటాము.    క్రమేణా సాధకుడు ఈ పంచభక్ష్యముల పచనముతో సంబంధమూ లేకుండా,విశ్వము నుండి నేరుగా ఆహారమును  గ్రహించి పచనము చేసుకోగలుగుతాడు....