ఓనమాలు (Onamaalu)

 చిదానందరూపా-13  కలయనుకొందునా  నిటలాక్షుడు కలడనుకొందునా  కలవరమనుకొందునా కటాక్షించిన వరమనుకొందునా  తైలపు వ్యాపారియైన ఆ కాలపు నాయనారు  జ్యోతుల ప్రజ్వలనమే పరంజ్యోతి సేవనమనుకొను  కాలపుతీరు మారి తైలము కొన పైకము లేకపోయె  కూలియు చేయబోవ అనుకూలము కాకయు పోయె  ఆలిని అమ్ముట చేతగాక ఆ పై చేయునదేమిలేక  కటకట శివపూజకు తైలము నేనెటు సేకరింతునని  రక్త తైల దీపారాధనమొనరించగ సిద్ధము గాగ  మహత్తును చూపించగ కత్తిరించు కుత్తుక కారణమాయెగ  చిత్రముగాక ఏమిటిది చిదానందుని లీలలు గాక  చిత్తముచేయు శివోహం జపంబు నా చింతలు తీర్చు గాక.

 చిదానందరూపా-12  కలయనుకొందునా నిటలాక్షుడు కలడనుకొందునా  కలవరమనుకొందునా నిటలాక్షుని వరమనుకొందునా  నామనంది అడిగళ్ అడ్డనామాలవాని  భక్తుడు  తిరురారూరు సామికి దొడ్డసేవానురక్తుడు  ఆరాధన భాగముగా ప్రదోష దీపారాధనమును తలిచాడు  ఆదిదేవుని దీపములకు ఊరివారిని ఆజ్యమును అడిగాడు  అది శాపమో-పాపమో శివ వ్యతిరేకులు  వారు  నెత్తిమీది గంగమ్మతో దీపాలు పెట్టమన్నారు  నీటిని-నిప్పును సమముగ నిక్షిప్తము చేసుకొన్నవాడు  నిర్వాణమునిచ్చుటకు  నీటిదీపములే కారణమాయెగ  చిత్రముగాక ఏమిటిది చిదానందుని లీలలు గాక  చిత్తముచేయు  శివోహం జపంబు నా చింతలు తీర్చును గాక. కఠిన పరీక్ష-కరుణా కటాక్షము, కైవల్యమను నాణెమునకు రెండువైపులు.మనము ఏ భావమును స్వీకరించిన అదియేగోచరమగును.శివభక్తుల చరితలందు కటాక్షమునకు పొందుటకు ఎక్కవలసిన మెట్టు కఠిన పరీక్షయే. "సర్వజ్ఞానప్రదం దీపం సర్వ సంపత్ శుభావహం దీపం దానం ప్రదాస్యామి శాంతిరస్తు సదా మమ". దీపము సర్వజ్ఞాన దాయకము.సమస్త సంపత్ప్రదాయకము.శివ లీలగా రోజు ఏమాపెరూరు గ్రామము నుండి తిరువారూరుకు రెం...

" పుష్ప మూలే వసేత్ బ్రహ్మ మధ్యేచ కేశవ పుష్పాగ్రేచ మహాదేవ సర్వదేవ స్థితో దళే"     చిదానందరూపా-11  కలయనుకొందునా  నిటలాక్షుడు కలడనుకొందునా  కలవరమనుకొందునా కటాక్షించిన వరమనుకొందునా  స్థిరమగు భక్తియను తిరువిరులను మాలగ తాను అల్లు  సమర్పణమును చేసి ,సాష్టాంగము మోకరిల్లు  కామేశుని ఆన కాన కాదనలేని విధంబున  కదిలిరి రాజుయు-రాణియు  కథ నడిపించు పథంబున  లీలగ,పూమాలల సుగంధము బంధము వేయగ  హేలగ చేతబూని  వాసనచూసెను రాణి నాసిక  అపరాధము చేసెననుచు నాసిక కోసెను సెరుత్తనాయి  ముక్తిని పొందగ రాణి ముక్కును కోయుట కారణమాయెగ  చిత్రముగాక ఏమిటిది చిదానందుని లీలలు గాక  చిత్తము చేయు శివోహం  జపంబు నా చింతలు తీర్చును గాక.  భగవంతుడు పుష్పములలో నిండి,కరుణతో వాటిని వికసింపచేయుచు,చూసి సంతసించుటను ఆధారము చేసుకొని పుష్పముల ద్వారా మనకు అర్థము-సౌఖ్యము-సాక్షాత్కారము అను మూడు దివ్య మహిమలకు శివుని చేతినున్న త్రిశూలములోని మూడు విభాగములను ప్రతీకగా కొలుస్తారు.భక్తులు.అతి స్వల్పకాలములో మనకు జగతి సృష్టి-స్థితి-లయములను ...