CHIDAANAMDAROOPAA-KALAYA NAAYANAARU

 చిదానందరూపా-13

 కలయనుకొందునా  నిటలాక్షుడు కలడనుకొందునా
 కలవరమనుకొందునా కటాక్షించిన వరమనుకొందునా

 తైలపు వ్యాపారియైన ఆ కాలపు నాయనారు
 జ్యోతుల ప్రజ్వలనమే పరంజ్యోతి సేవనమనుకొను

 కాలపుతీరు మారి తైలము కొన పైకము లేకపోయె
 కూలియు చేయబోవ అనుకూలము కాకయు పోయె

 ఆలిని అమ్ముట చేతగాక ఆ పై చేయునదేమిలేక
 కటకట శివపూజకు తైలము నేనెటు సేకరింతునని

 రక్త తైల దీపారాధనమొనరించగ సిద్ధము గాగ
 మహత్తును చూపించగ కత్తిరించు కుత్తుక కారణమాయెగ

 చిత్రముగాక ఏమిటిది చిదానందుని లీలలు గాక
 చిత్తముచేయు శివోహం జపంబు నా చింతలు తీర్చు గాక.