ఓనమాలు (Onamaalu)

   కొల్ హాపురే  మహాలక్ష్మి    " స్థూల సూక్ష్మే మహారౌద్రే  మహాశక్తి ప్రదాయిని      మహాపాప హరేదేవి మహాలక్ష్మి నమోస్తుతే."      మహారాష్ట్ర పన్ హాల పర్వత సమీపమున,భోగవతి,తులసి,కుంభి,కసరి,దమని అను పంచ గంగా తీరమున మాయాసతి నేత్రద్వయము పడి మహాలక్ష్మి గా మనలను పరిపాలించుచున్నది.దేవీ భాగవత పురాణ దేవీగీతలో కొల్ హాపురి మహలక్ష్మి గురించి ప్రస్తుతించ బడినది.కొండజాతులచే ఈ తల్లి కొల్లమ్మ గా పూజింపబడుచున్నది.శిలాహార రాజుల ఇలవేల్పు మహాలక్ష్మి.        మహాలక్ష్మి పీఠము మణిద్వీప సమానము.వజ్రశిలారూపిణిగా  అనుగ్రహించుతల్లి ఒకచేత మదీఫలము,మరొక చేత గద,వేరొక చేత కేటకము అను ఆయుధము,నాల్గవచేత అక్ష్య పాత్రతో కాంతులీనుతుంటుంది.తలపై కుండలినీశక్తి ప్రతిరూపముగా పాము,సర్వజగతికి సంకేతముగా పానవట్ట్,త్రిశక్త్యాతగా లింగమును ధరించి యుండును.పద్మాసనమునకు మారు సిం హవాహినిగా చిద్విలాసముతో ఉంటూంది.శాంతలక్స్మి సంకేతములైన పద్మసనే పద్మకరే మహాలక్ష్మిదేవి రౌద్రరూపియై అసురత్వమును  అరికట్టుతుంటుంది.        షట్శక్తి క్షేత...