SAUNDARYA LAHARI-77

సౌందర్య లహరి

పరమ పావనమైన నీ పాదరజ కణము
పతిత పాలకమైన పరమాత్మ స్వరూపము
మంచి పనులు చేయుచున్న ఇంద్రియములు ఐదు

వానికి సంకేతములు ఇచ్చుచున్న ఇంద్రియములు ఐదు
సప్త ధాతువులు మనసు ఎనిమిది కలిసి
అష్టాదశ పీఠముల నా హృదయ మందిరము
నిశ్చల భక్తిని నిన్ను గొలువ నిష్ఠను చేరినదమ్మా
మనో వాక్కాయ కర్మలు అను ముగ్గురు మిత్రులతో
ఏమని వర్ణించను ఏ నోము ఫలితమో ఇది
నా శరీరము పావన శక్తి పీఠముగా మారుచున్న వేళ
నీ మ్రోలనే నున్న నా కేలు విడనాడకమ్మా,నా
మానస విహారి ఓ సౌందర్య లహరి.
భావము
నా మనసనే తోటలో విహరించుచున్న తల్లీ.చెవి,కన్ను,ముక్కు,నాలుక,చర్మము అను జ్ఞానేంద్రియములు,పాణి,పాద,పాయు,ఉపస్థ,వాక్కు అను ఐదు కర్మేంద్రియములు,రస,రక్త,మాంస,మేధ,అస్థి,నుజ్జు,శుక్ర అను ఏడు ధాతువులు,మనసు కలిసి ఎనిమిది ఉన్న నా హృదయము ,మనస్సు,మాట,పని అను ముగ్గురు మిత్రులతో నిన్ను సేవించ నిష్ఠను చేరుటకు బయలు దేరినది.నా శరీరము పావన శక్తి పీఠముగా మారుటకు ప్రయత్నించుట ఎంతటి అదృష్టము.ఈ శుభ సమయములో నీ చెంతనే నున్న నా వేలిని విడిచి పెట్టకమ్మా.అనేక వందనములు.

SAUNDARYA LAHARI-76

సౌందర్య లహరి- తెప్పోత్సవము-70

పరమ పావనమైన నీ పాదరజ కణము
పతిత పాలకమైన పరమాత్మ స్వరూపము

భయ నివారణమైన అభయహస్తపు ముద్ర
వర ప్రదాయకమైన వరద హస్తపు ముద్ర

నీ మూర్తిలో కానరాకున్న యేమి?
కామితార్థములన్ని నీ కాలి ధూళి ఈయగ

నీ చేతిలో ముద్రలు చేరుట సాహసమేగ
నేను అగాథ జలధి మునిగిన నీ అవ్యాజ కరుణ

 భక్తి కర్మనధిగమించి భవతారకమగురీతిగ
ఉప్పొంగుచు సాగుచున్న తెప్పోత్సవమైన వేళ

నీ మ్రోలనేనున్న నా కేలు విడనాడకమ్మా,నా
మానస విహారి ఓ సౌందర్య లహరి
భావము
నా మనసనే తోటలో విహరించుచున్న తల్లీ.నీ పావన పాదధూళికణము అభయములు,వరములు ఇచ్చుచున్న సమయములో నీ చేతులలో అభయ ముద్రను,వరద ముద్రను ధరించవలసిన పని ఏమి?

  అసుర సంహారము చేసి ఆదిశక్తి అలిసిపోయిన వేళ,ఆహ్లాదమును కలిగించుటకు ఆనందముతో భక్తులు ఆమ్మను పిలిచి,అమ్మతో కలిసి సర్వాలంకృతమైన తెప్పలో పుష్కరిణిలో చేసే ఉత్సవమే తెప్పోత్సవము.ఆ తెప్ప హంస వలెనున్నది.ఉండుటకాదు అది నిజముగా జ్ఞాన ప్రతీకయైన హంస.ఆ తెప్పకు సరంగు జగన్మాత.కనుక అలల అలజడి దానికి లేదు.భక్తి మునకలు తెడ్డులై నడుపుచున్నవి.భవబంధములు ఆ తెప్పను పట్టుకొనలేవు.జీవులను జన్మలను రేవుల నుండి జన్మరాహిత్యమునకు చేర్చుటయే దానిపని.



 భక్తి కర్మాచరణము నుండి జ్ఞాన భక్తిగా మారుతూ,అసలు విషయమును అవగతము చేస్తుంది.అమ్మతో పాటుగా తెప్పలో ఉన్నామన్న భ్రమ తొలగి,అసలు అమ్మ ఎపుడు మనలను విడిచిపెట్టి ఉంది కనుక అను భావన కలుగుతుంది.అమ్మ అలిసిపోయి ఉన్నదన్న విషయము హాస్యాస్పదమనిపిస్తుంది.అసురులు-ప్రదేశములు-యుద్ధములు అన్నీ అమ్మగురించి తెలుసుకొనే బోధనోపకరణములు అని అనిపిస్తుంది.అమ్మ స్థూలము-నేను సూక్ష్మము అను భావము బలపడితే భవసాగరములెక్కడివి? అవి ఎప్పుడో సుధాసాగరములుగా మారినవి.ఆ సుధాసాగర మధ్యస్థ అయినతల్లితో నేను చేయుచున్న ప్రయాణము గొప్పగా తోచుచున్న సమయమున చెంతనే నున్న నా చేతిని విడిచిపెట్టకమ్మా.అనేక నమస్కారములు.

SAUNDARYA LAHARI-SRNKHALAADEVI-75

 సౌందర్యలహరి-శృంఖలాదేవి-75

 పరమపావనమైన నీపాద రజకణము
 పతిత పాలకమైన  పరమాత్మ స్వరూపము

 దూర్వాసుడు  పరీక్షించె  రుక్మిణీ-వాసుదేవులను
 పర్యవసానమే వారికి ద్వారక బహిష్కరణము

 తల్లి ప్రద్యుమ్నుని ప్రసవించె-నడికట్టుతో కనిపించె
 సంకెల నడుముకు ఉన్న శృంఖలదేవిగ తోచె

 వంగదేశమపుడు పొందె  ప్రద్యుమ్నుని  నామము
 ఋష్యశృంగముని అచట అయినాడొక పర్వతము

 మాయాసతి  ఉదరమే  మహిమాన్వితమూర్తిగ
 శృంఖలాదేవి మా సంకెలను తెంచువేళ

 నీ మ్రోలనే నున్న నా కేలు విడనాడకమ్మా,నా
 మానస విహారి ! ఓ సౌందర్య లహరి.

  " ప్రద్యుమ్నే వంగరాజ్యాయాం శృంఖల నామ భూషితే
    విశ్వ విమోహితే దేవి శృంఖల బంధనాశిని"

   వంగదేశములోని  ప్రద్యుమ్న నగరములో పడిన మాయా సతి పొట్ట భాగము "శృంఖలాదేవి" గా ఆరాధింపబడుతున్నడి.ఈ తల్లిని" శృంగలాదేవి","సింహళాదేవి" అని కూడా ఆరాధిస్తారు.

  సింహళ అనే శబ్దమునకు సంకెల -బాలెంత నడుము కట్టు అని కూడా వ్యవహారములో ఉంది.స్థలపురాణము ప్రకారము ఈ ప్రదేశములో ఋష్యశృంగ మహాముని అమ్మవారిని ప్రసన్నురాలిని చేసుకొనెనట.ఇక్కడ మనకు "ఋష్యశృంగము" అను పెద్ద కొండ ఆ ముని గుర్తుగా మనకు దర్శనమిస్తుంది.అతడు అమ్మతో సహా కర్ణాటక లోని  శృంగేరీ పీఠమును దర్శించి తిరిగివచ్చి ఈ స్థలములో అమ్మ శక్తిని ప్రతిపాదితము చేశారట.భక్తానుగ్రహముతో తల్లి శృంగలాదేవి నామముతో ఆరాధింపబడుతుందట.రుక్మిణీమాత సుతుడైన ప్రద్యుమ్నుని గౌరవముగా ఆ క్షేత్రము ప్రద్యుమ్నే నామముతో పవిత్రమైనది.
   ఎవ్వరు బంధించలేని "విశృంఖలాదేవి" మాతృ వాత్సల్యముతో పచ్చి బాలెంత గా మనకొరకు నిత్య పథ్యమును చేస్తూ,"జగద్రక్షణా బాధ్యత" నడికట్టును తనకు తాను బిగించుకున్నది ఆ తల్లి.

   కోయజాతి జనులు తప్పెట్లతో-తాళాలతో తల్లికి జాతర చేయుచున్న సమయమున చెంతనే నున్న నాచేతిని విడిచిపెట్టకమ్మా.అనేక నమస్కారములు.

SAUNDARYA LAHARI-KAAMAAKSHI-74

  సౌందర్య లహరి-కామాక్షి-73

  పరమపావనమైన నీ పాదరజకణము
  పతిత పాలకమైన పరమాత్మ స్వరూపము

  చూత వృక్షముక్రింద  సైకతలింగమును ఉంచి
  చంద్రచూడుని ప్రార్థించె,తనను పెండ్లాడమనె

  అనవరతము  ప్రణవమే  ఆ భుజము మీది చిలుక
  అమాసలేని పున్నములే  ఆ అనందిలభట్టుకిక

 " క" కారమే సృష్టిగా-"మ" కారము స్థితి తత్త్వముగా
   మాయాసతి వీపు ఎంతో మహిమాన్విత మూర్తిగా

   పంచభూతాత్మికమైన  ఆ కాంచీ పట్టణములోన
   ఏకామ్రేశ్వరునితో-కామాక్షి,మమ్మేలుచున్న వేళ

   నీ మ్రోలనే  నున్న నా కేలు విడనాడకమ్మా,నా
   మానస విహారి  ఓ సౌందర్య లహరి.

 "అయోధ్యా మధురా మాయా కాశి కాంచి అవంతికా" అను భారత దేశములోగల సప్త మోక్ష పురములలో ఒకటి
  అమ్మవారు సైకత లింగ పరమేశ్వరుని మామిడిచెట్టుక్రింద నిలిపి, తపమాచరించి
పతిగా పొందినది.పంచభూతాత్మిక క్షేత్రముగా ప్రసిద్ధిచెందినది కంచీపురము." క" కారము సృష్టికి" మ" కారము పోషణకు ప్రతీకలుగా గుర్తిస్తారు.కామాక్షి విలాసము అను గ్రంధము ప్రకారము అమ్మ శక్తిని మన్మథుని యందు ఆవహింపచేస్తుందట.   ..ఇతిహాసకథల ప్రకారము అమ్మ భీకర రూపముతో రాత్రులందు నగరసంచారము చేయుచుండెడిదని,ప్రజలు భయభ్రాంతులయ్యేవారని ,ఆ సమయమున ఆదిశంకరాచార్యుల వారు గర్భగుడికి ఎదురుగా శ్రీచక్రమును ప్రతిష్ఠించారట.మరొక ప్రచారములోనున్న ఆనందిలభట్టు కథ.వారు నిరంతరము అమ్మధ్యాన సమాధిలో రాకాశశిబింబమును దర్శించుచు తరియించేవారట.ఒక అమావాస్య రోజున ధ్యానభగ్నుడైన ఆనందిల భట్టు ఆదేశరాజుగారితో ఆనాడు పూర్ణిమ తిథి అని చెప్పినాడట.అమ్మ భక్తానుగ్రహమేమో తనచేతి కంకణమును నింగికి విసిరి ఆ తల్లి పసిడి కాంతులను పండించుచున్న సమయమున,చెంతనే నున్న నా చేతిని విడిచిపెట్టకమ్మా.అనేక నమస్కారములు..

  .