పదిశక్తుల పరమార్థము- ఎనిమిదవశక్తి-బగలముఖి **************************************** అమ్మ దయతో ఈరోజు మనము ఎనిమిదవ మహాశక్తియైన బగళాముఖి తత్త్వమును తెలిసికొనుటకు ప్రయత్నిద్దాము.తల్లిరూపములో మనము చూడగలిగిన పీతవర్ణము-ఎడమచేతిలోని అసురశిరము-తల్లి తాడుతో వాని వాగ్శక్తిని బంధించుట తల్లి మనకు అందిస్తున్న దృశ్య సహకారములుగా,ఎందరో జ్ఞానులు నొక్కివక్కాణించిన స్తోత్రనిధులు మరింత సహకార పరికరములుగా,పరమేశ్వరి ప్రసాదములుగా మనము స్వీకరించగలిగినపుడు అమ్ములోని మూడు ప్రత్యేకతలను మనము చూడకలుగుతాము.(మనసుతో) అవి వాణిరూపమైన తల్లి వాగ్బంధనశక్తి.సిధ్ధిప్రదాత్వము ఆ రెండింటిద్వారా పరోక్షప్రీతికారిణిగా ప్రసిద్ధికెక్కుట. వాక్బంధనము దండనాథా పురస్కృతా గా తల్లి కీర్తింపబడుచున్నది.దండించినది దేనిని? దేవీపురాణకథనము ప్రకారము దుర్గముని (అసురుడు) కుమారుడైన రురు తన సైన్యముతో తల్లిపై దండెత్తినాడు.ఇది బాహ్యము.ఉదాహరణకు అధిక వర్షముల వలన జలప్రవాహము హద్దులుదాటి ఉద్రిక్తతతో విలయమునకు కారణమవుతుంటే దానిని ఆపవలసినదే కదా.ఇక్కడ మన సమస్య జలముతో కాదు.ఆ సమయమున దానికున్న ఉద్రి...