ఓనమాలు (Onamaalu)

తరతరాలది కద తండ్రీ,తనయుల కథ, తీరములెరుగని మమతల ప్రవాహముల సుథ. అంకసీమకై ధ్రువుడు తారగ తరియించినాడు భూసురుడై రాముడు క్షాత్రము చూపించినాడు యెముక నిచ్చి దధీచి ధన్యుడైనాడు దశరథ తనయుడేమొ ఆదర్శం అయినాడు వయసునిచ్చె పురూరవుదు యయాతికి ఆనాడు సంసారమును ఇచ్చి శాంతనవుడు ప్రశంసాపాత్రుడైనాడు యేమని చెప్పగలము, యెందరో,మరి యెందరో

నిబ్బరం కుత్తుక కష్టాలతో మొత్తము నష్టాలతో బిత్తరున్న బిడ్డలకు ముత్తెములుగ మారి సత్తువ  నిత్తానంటూ వత్తావుంటే  నిన్ను ............. జిత్తులమారి  ఎలినో సిత్తుగ  తరిమేస్తున్నదా పుత్తడి నేలను చేరనీక చిత్తడిగ  మారనీక విత్తు  విరగ పండనీక కొత్తదనము  రానీయక .................. వత్తాసుగ  ముచ్చులాగ చెత్త  పెత్తనాలతో కత్తివేటు కచ్చగా మొత్తం దోచేసిందా పచ్చదనము..*పచ్చి* అనగా ఊపిరికే ఉచ్చులతో ............. కానరాని వాన  రాల్చు కన్నీళ్ళను తలదాల్చి జాలువారు  కన్నీళ్లను జాలితో  మేళవించి పొలంగట్టు  కూకున్న హలంపట్టు రైతన్నా ............. భూతాలాంతి వన్నీను మనకు భూతకాలమైపోవా నిబ్బరమే అబ్బురమే అద్భుతాలు జరుపగా నీ  ధైర్యమే  పెట్టుబడి నిలబడగ...వరిమడి. NI

  మైత్రి,సృష్టి వైచిత్రి   ***************** మధుర సృష్టి వైచిత్రి అరమరికలు లేని మైత్రి ....................... గాలితోటి ఇసుకమైత్రి గగనమునకు ఎగురుతుంది నీటి తోటి ఇసుకమైత్రి నేల కృంగి పోతుంది   మిత్రలాభ-మిత్ర భేద వైరుధ్యములది మైత్రి ........... అంగములన్నిటిలోను అంగరంగ మైత్రి చూపేమో రెండుకళ్ళ నిండుమైత్రి వినుటేమో రెండు చెవులమెండుమైత్రి పలుకేమో రెండు పెదవుల కులుకుమైత్రి నడకేమో రెండుకాళ్ళ విడని మైత్రి   ద్వైతములో  అద్వైతమును తెలుపు అద్వితీయ మైత్రి .............................................. ప్రాణభయము తరిమెను పావురముల మైత్రి పాములను చంపినది చీమతల్లుల మైత్రి కరులబాధ తొలగించెను కుందేళ్ళ మైత్రి రిపుల సంహరించెను కపివరుల మైత్రి .................................... జీవన సంజీవనిలో రాజీవము మైత్రి గమనమేమో రేయిపవల మైత్రి జననమేమో జననీజనకుల మైత్రి ఊపిరేమో శ్వాసనిశ్వాసముల మైత్రి మంచీ,చెడు మనసు,బుద్ధి మైత్రి .................. మాయదారి మరబ్రతుకులో మరుగున పడినది మైత్రి మరమ్మత్తు చేసుకుందాం దాని గమ్మత్తును తెలిసికుందాం.