SAUNDARYA LAHARI-71
సౌందర్య లహరి-మహిషాసుర మర్దిని పరమపావనమైన నీ పాదరజ కణము పతిత పాలకమైన పరమాత్మ స్వరూపము మధుకైటభులను సంహరించితివి మాధవ సోదరి భండాసురుని వధించి భువన భాండము రక్షించితివి రక్తబీజుని అంతమొందించిన శక్తిస్వరూపిణివి విషంగ విశుక్రులం విషమును అరికట్టితివి మహిషాసురుని మర్దించిన మహిమాన్వితవి అవనీ పాలనకై ఎన్నో అవతారములెత్తితివి అంతః-బహిర్ముఖములలో చింతలను కలిగించు అసుర సంహారమే నీకు అమితానందమైన వేళ నీ మ్రోలనేనున్న నా కేలు విడనాడకమ్మా,నా మానస విహారి ఓ సౌందర్య లహరి. " జయజయహే మహిషాసుర మర్దిని" పై వాక్యములో ధర్మమునకు ప్రతిరూపమైన అమ్మవారు-అధర్మమే ఊపిరి యైన రంబ పుత్రుడు మహిషుడు ,ధర్మమునకు లభించిన జయము దాగియున్నవి. సకలదేవతా శక్తుల సమాహారమునకు-సకల దేవతలు అనుగ్రహించిన ఆయుధములు తోడై'రిపవోపి శస్త్రపూతా" (తల్లి ఆయుధముల స్పర్శ వలన శత్రువులు పునీతులగుదురు) అన్నట్లు మహిషాసుర సంహారమునందు ఆయుధము-వాహనము అరివీర భయంకరములైనవి. 1.ఆయుధము. మహిషునిలోని అజ్ఞానము అను చీక...