తనొతు నః శివః శివం-16
*****************
"వాగర్థా వివ సంపృక్తౌ వాగర్థా ప్రతిపత్తయే
జగతః పితరం వందే పార్వతీ పరమేశ్వరౌ"
స్వామి అగ్నితత్త్వమును మనందరిచే దర్శింపచేసిన రావణుడు ప్రస్తుత శ్లోకములో స్వామి జలతత్త్వమును సంకీర్తించుతతో పాటుగా స్వామి అగ్నిసోమాత్మకమును హర్షాతిరేకముతో అందిపుచ్చుకుంటున్నాడు.
చరణము
*******
"
" నవీన మేఘమండలి నిరుద్ధ దుర్ధర స్ఫురత్
"కుహు నిశీధినీ" తమః ప్రబంధ బంధుశేఖరః
నిలింప నిర్ఝరీధరః తనోతు కృత్తి సింధురః
కళానిధాన బంధురః శ్రియం జగత్ దురంధరః"
మహాదేవుని మహిమలను మరింత భక్తితో సంకీర్తిస్తున్నాడు రావణ బ్రహ్మ.
స్వామి తనోతు శ్రియం-స్వామి క్షేమములను విస్తరింపచేయును గాక.
స్వామి తనోతు శ్రియం జగత్-జగములన్నింటి యందు స్వామి క్షేమములను విస్తరింపచేయును గాక.
పరమేవ్శ్వరుడు రెండు తమోగుణ సంకేతములచే తనను తాను బంధించుకొని యున్నాడు.(అలంకారములుగా )
1.స్థిరరేఖను సైతము కనబడనీయని కొత్తగా ప్రకటించుకొనుచునంబ నల్లని మేఘములు
అదియును ఒకటికాదు-రెండు కాదు-మూడు కాదు
మండలిని-లెక్కించలేనన్ని సమూహమును
కంథరః-కంఠసీమకు
ప్రబంధ-విడివడలేనంత గట్టిగా
బంధు-బంధించుకొని యున్నాడు.
తమః-చీకట్లను బంధు కంథరః-చీకట్లను కంఠమునకు గట్టిగా బంధించుకొని యున్నాడట.
2.ప్రబంధ బంధు కృత్తి సింధురః
కృత్తి-చర్మమును-సింధురః -ఏనుగు యొక్క
ఆ ఏనుగు తెల్లని ఐరావతము కాదు.
తమః కృత్తి-అజ్ఞానముతో కూడిన అహంకారముతో ప్రకాశమును గుర్తించలేనంత నల్లదనమును/చీకటిని కలిగియున్నది.
మహాదేవుని కంఠము నల్లమేఘముల సమూహముతో నిండియున్నది.పోనీ
వక్షస్థలమునైనా దర్శించుకుందామంటే దానిని సైతము
తమోగుణ సంకేతమైన ఏనుగు చర్మము ఉత్తరీయమై కప్పివేసియున్నది.
నాల్గవ చరణములో
మదాంధసింధుర త్వగుత్తరీయమును ప్రస్తావించిన రావణుడు ప్రస్తుత చరనములో
" పటికంపు చాయ మా సామి శంకరుడు '(సామవేదం వారి రచన) అంటున్నాడు."
" తొలుత తానే వెలిగి -ఆ తొలివెలుగు పలుకులనే నలువకు కైసేసిన తండ్రికి జోత" అంటూ
అగ్నిస్తంభముగా ప్రకటింపబడిన స్వామి-తన ప్రకాశ సక్తి అంసను బ్రహ్మకు అనుగ్రహింపగా ఈ నలుపు-తెలుపుల కలయిగా జగములు వెలుగుచున్నవంటున్నాడు.
తమో గునమును తుడిచివేయుటకు స్వామి మరో రెండింటిని అలంకారముగా గ్రహించాడు .అవే,
1.నిలింప నిర్ఝరీ-జీవనదియైన/అతిపవిత్రమైన గంగానది.ఆ గంగమ్మ తన అభిషేకముతో కాలకంఠుని గరలమును చల్లబరుస్తున్నది.
2.కలా నిధానము-చంద్రశేఖరతత్త్వము సుధావృష్టిని కురిపిస్తూ
త్మోగుణములను తరిమివేయును గాక.
" శివా అన్నంతనే చమరించు కనుదోయి
పొంగిపోవును ఎడద-పులకరించును ఎడద."
విశేషములు
*********
1. హరిహరాత్మకమొకటే అన్న భావన,
ఆండాళ్ తల్లి తిరుప్పావైలో 4 వ పాశురములో
"ఆళిమళై కణ్ణా! ఉలగనిల్ పెయిదిడాయ్" అంటూ నల్లని మేఘమువై వర్షించమని ప్రార్ర్థిస్తుంది.
2.రుద్రనమక 7 వ అనువాకము మహాదేవుని,
నమో మేఘ్యాయచ-విద్యుత్యాయచా
వర్షాయచ-అవర్షాయచ " స్వామికి నమస్కరిస్తుంది.
కదిలేది ప్రపంచము-కదలనిది పరమాత్మ
భజ శివమేవ నిరంతరం.
ఏక బిల్వం శివార్పణం.
