ఓనమాలు (Onamaalu)

   చింతామణి గృహాంతస్థా-శ్రీ మన్నగర నాయిక    *************************************    భగవత్ స్వరూపులారా!    నమస్కారములు. అమ్మలగన్నయమ్మ ముగురమ్మల మూలపుటమ్మ తన నిర్హేతుక కృపాకటాక్షముతో దేవీ శరన్నవరాత్రుల పుణ్యసమయమున ఏ మాత్రము పట్టులేని నా చేతిని పట్టుకొని తన విభవము గురించి వివరణ రూపముగ అందించిన ఆశీర్వచనములను అందుకొని పునీతులమగుదాము.దైవస్వరూపులు ఈ ప్రస్థానములో నా అహంకారము చొచ్చుకొని చేసిన అపరాధములను మన్నించెదరుగాక.   దుర్గ మాయమ్మ సర్వలోక సృష్టికార్యమును ప్రారంభించుటకు పూర్వము దానిని సూక్ష్మముగా తన సంకల్పముతో సృజించి తాను నివాసముండ తలచెనట.అదియే పరమ పవిత్రమైన చింతామణి గృహము.అందులో తల్లి విశ్వమును వివిధ శక్తులను నిక్షిప్తము చేసెనట.భావనా మాత్ర సంతుష్ట నిర్మిత బ్రహ్మా0డ చత్రమును  చూచుటకు, తత్త్వమును అర్థము చేసుకొనుటకు చర్మచక్షువులు-మానవ మేథ సరిపోదు.ఎందుకంటే అది కేవలము ప్రాకారములు,సరోవరములు,ఉద్యానవనములు శుకపిక కూజితములు మాత్రమే కాదు.సంకేతములు-సందేశములు.అంతర్ముఖ సమారాధ్యా-బహిర్ముఖ సుదుర్లభా.మనలోనే దాగియున్న తల్లిని మనము గుర్తించలేనిది మన అజ...

  శివనామాష్టకము  .కైలాస శిఖరమున శూలహస్తముదాల్చి పాలించుచున్నాడు   ఫాలభాగము పైన బాలేందురేఖతో,నిప్పు నేత్రము తెరచి   లీలగ మన్మథుని కుప్పకూల్చినవాడు అభయము తానైన   సదాశివుని దయ సంసార దుఃఖంబు సమసిపోవును గాక.  2.వామదేవుడు ప్రమథగణములచే కొలువబడుచున్నాడు   వామ భాగమున పార్వతీదేవితో, కనికరము కలవాడు   రామ సేవితుడు,మేరు వింటిని దాల్చి, త్రిపురములు కూల్చిన   సదాశివుని దయ సంసార దుఃఖము సమసిపోవును గాక. 3. నీలకంఠుడు వాడు,వృషభధ్వజముతో అలరారుచున్నాడు    పాలించి శేషుని కంకణముగ ధరించి,గౌరవించిన ధూర్జటి    కలవరము హరించి,ఎల్లవేళల ఐదు ముఖముల బ్రోచు    సదాశివుని దయ సంసార దుఃఖము సమసిపోవును గాక. 4.. కాలాతీతుడిగ కపాలమాలలను ధరియించుచున్నవాడు    అలంకారము చేయుచు భస్మము,దేహమంత ప్రకాశము    నీలాంబరమును తాకు కేశపాశములు స్థితికార్య సంకేతముగ    సదాశివుని దయ సంసార దుఃఖము సమసిపోవును గాక. 5. మూడు కన్నులతో ముల్లోకముల స్తుతులు అందుకొనుచున్నాడు    ఏడు లోకాలను ఏలేటి వాడు, ఎదురులేని ఏకైక సాక్షిగ...