ఓనమాలు (Onamaalu)

  నానేటిసేతు బుక్కెడు బువ్వకు నాను దిక్కులు సూత్తుంటేను చుక్కలనే తెస్తాను ఓటెయ్-అంటడు దొర .......... గుక్కెడు నీళ్ళకు నాను తొక్కిసలాటలో పడితే చెక్కులు ఇప్పిస్తా ఎంచక్కా ఓటెయ్-అంటడు దొర ........... బొక్కలన్నీ ఇరిగి నాను బిక్కమొగముతో నుంటి చక్కనైన ఇల్లు నీకు ఓటెయ్-అంటడు దొర ............ అయ్యయ్యో పెయ్యేమో సలసలమని కాగుతుంటే కారు తెస్త,తోలుకెల్త ఓటెయ్-అంటడు దొర ............ పాపాలలోకమున నాను పాలుపోక కూసుంటే కొలువిప్పిస్త గంద ఓటెయ్-అంటడు దొర .......... దొరతనము దిగివచ్చిన ఓటెంత గనము మరి బాంచెన్ నే మొక్కుతా నా (హ) అక్కును తొక్కొద్దు దొర. Posted  23rd June 2017  by  Vimala Kowtha 0   Add a comment

 శతమానం భవతి.సహస్ర చిత్ర సంగీత సామ్రాట్  రాగం-తాలం-పల్లవి  అనురాగపు పల్లవమై  కోటి కోటి రాగాలను  మీటి మనల మురిపించగ  తరలెనేమో తాన్సేను  తానై జ్ఞానదేశికను ........  శుభమయ ముఖ కమలమునకు  శృతిలయలు మధుపములుగ  వేణువులు అణువణువణువులుగ  జాణ వీణలు మృదుపాణులుగ  మువ్వలసడి చిరునవ్వులుగ  శ్వాస కోశములు నాదస్వరముగ  శాసనములు వ్రాయసాగె...ఆ బ్రహ్మ.  జాణ వీణలు మృదుపాణులుగ  మువ్వలసడి చిరునవ్వులుగ  శ్వాసకోసములు నాదస్వరముగ  శాసనములు వ్రాయసాగె..ఆ బ్రహ్మ.  ............  "పంచ ముఖ" రాగ సృష్టికర్తగా   ప్రపంచ స్వర సంధాన కర్తగా   చినతాయమ్మాళ్ రామస్వామికి   అవతరించెను డానియల్ రసయ్య   పన్నైపురం పులకించెనయ్య.   .......   కలివిడి కనపడి   స్వరముల సరములు అతుకగ ముడిపడి   అందపు పొందుగ మరందము చిందగ   నాదములన్నీ విందులుచేయగ   ........   మిఠాయిగా మారెను గిటారు తాను   రాజా బాజా కాజా చేరెను   బాదుషా ...

ఆహా! ఆవ రుచి, అనమా మైమరచి మాటవరసకునైనా..మనగలమా నిను విడిచి ఆరు రుచులతో చవులూరు ఆవకాయ అయినావమ్మ ఆబాలగోపాల శ్లాఘనీయ మామిడిపై దండెత్తి మరుమాటలేక చేసి ఉప్పుకారముల తగుపాళ్ళు చొప్పింప చేసి తగిన దినుసులు తైలము చెలిమి చేసి ఆవ ఘాటుతో వాటిని చాటుచేసి ఆవకాయ అను పేరుకు పెద్ద పీట వేసి ఉర్రూతలూగించు ఊరగాయ మన ఆవకాయ. పింగాణి జాడిలో సింగారముగా పోతపోసి వాసెన అను మేలిముసుగు సిగపైన వేసి విస్తరిలోని ఆథరువులను తోసివేసి వాసికెక్కినావమ్మా వైద్యునిగ ఆవకాయ బోసినవ్వుల పాపాయి పోటి ముసలివారితోటి దోసమెంచకు దొడ్డరుచికి నీకునీవే సాటి అగ్రతాంబూలముతో అభినందనలు కోటి ఆవకాయ !!!! నిన్ను పొగడ నేను ఏపాటి.

 వందనాలు చంద్రయ్యా *******************************  ఆబాలగోపాలము చందమామను రమ్మనగా  మాబాలచందురుడు ఇలకే దిగివచ్చెనుగా  అరుదైన ప్రతిభతో తన ఆరంగేట్రముతో  పూవాసనలందించాడు పున్నాగమన్నన్  చిత్రసీమ దర్శకులకు కొత్త కొత్త అర్థాలుగా  నాశరహిత కీర్తులకు నాలుగుగోడలుగా  ఆకలిమంటలను ఆర్పిన సర్వర్ సుందరముగా  అంటరానితనము ఆర్పు రుద్రవీణ సూర్యంగా  స్త్రీలు స్వతంత్రులన్న సిద్ధాంతపు అబద్ధముగా  వింతవైన అంతులేని కథల నిలువుటద్దములా  ఇంతుల ఆంతర్యాల తెరలు రాసిన కవితలా  పవిత్ర ప్రవృత్తి గల మా ఊరి పతివ్రతలా  అక్రమాలను అణచగలుగు మేజర్ చంద్ర కాంతులా  సినిమా.టెలివిజను  నీ ఇంటికి రెండు గుమ్మాలుగా  తారాగణమును అందించిన కమ్మనైన అమ్మలా  రహమాను జయహోల కులుకు కోకిలమ్మలా  ప్రతిభా ప్రశంసలకు నూట్రికి నూరుగా  పద్మశ్రీ -,ఫాల్కే పలుకరించిన దర్శకత్వ దాదాగా  కైలాసమే విలాసమన్న మా బాలచందురిడివి  చిరంజీవివయ్యా నీవు చిత్రసీమలోన

" నమస్సవిత్రే జగదేక చక్షుసే జగత్ప్రసూతి స్థితి నాశహేతవే త్రయీమయాయ త్రిగుణాత్మ ధారిణే విరించి నారాయణ శంకరాత్మనే " రథ సప్తమి ********* రథమునకు సప్తమికి కల సంబంధము ఏమిటి? అంతగొప్పదా ఆ రథము అను ప్రశ్నకనుక వేసుకుంటే అద్భుత సమాధానాలు ఆవిష్కరింప బడుతాయి.ఈ రథము చక్కతో నిర్మించినదికాని లోహములతో నిర్మించినది కాని మృచ్చకటకములో ముచ్చటించినట్లు మట్టితో నిర్మించినది కాని కాదు.ఏ విధముగా వేదములు అపౌరుషేయములో అదే విధముగా ,సమస్త జీవరాశుల మనోరథమునుతీర్చుటకు అనవరతము శ్రమించు కర్మసాక్షి రథము.అందరిని ఆదరించు అరదము. " యద్భావం తద్భవతి" ఆర్యోక్తి.ఎందరో మహానుభావులు తమతమదృక్కోణముల ద్వారా దర్శించి ,పరిశీలించి ప్రస్తుతించినారు. మానవ శరీరము రథమునకు సూక్ష్మ రూపము.జ్ఞానమే చక్రము.కామక్రోధాది అరిషడ్వరగములే ఆకులు.శుభేచ్చ-విచారణ-తను మనసి-సత్వాపత్తి-సంసక్తి-పదార్థభావన-తురీయము అను సప్తజ్ఞానభూమికలే ఏడుగుఱ్ఱాలు.మనసే పగ్గాలు.బుద్ధియే సారధి.హృదయమే పరమాత్మ ఆసనము.జీవుని ప్రయాణ సాధనము శరీరము. ఇదియే సూర్య రథము. స్థూలభావముగా గోచరించిన వారికి విశ్వమే ఒక రథము.కాలమే చక్రము.ఉత్పత్తి-స్థితి-పరిణామము-వృ...

శ్రీ తనికెళ్ళ భరణిగారికి నమస్కృతులతో. నీలోన శివుడు గలడు-----దాగి నెనరు దీవించగలడు. 1."ఎందరో మహానుభావులు" నిన్ను, అందరిలో ఒకరిగా అందించాడు వందనీయ రామలింగేశ్వరుడు. 2."నక్షత్రము" నీవని,"నక్షత్ర దర్శనము"ను చేయిస్తావని "దశ భరణి" అని నామకరణమును చేశాడు ఆ నాగాభరణుడు. 3.మిక్కుటమగు ప్రేమతో చిక్కులను విడదీస్తు "కుక్కుటేశ్వరుడు" దాగి "కొక్కొరోకో" అన్నాడు. 4."శ్రీ రాళ్ళబండి" రూపములో రాళ్ళుతాకు బాట అను "గ్రహణము" విడిపించాడు అనుగ్రహము కలవాడు. 5."స్త్రీ దుస్తుల దర్జీ" గా "పరికిణి" నువు కుడుతున్నప్పుడు సున్నితపు సూదియైనాడు ఆ బూదిపూతలవాడు. 6."శివ" అని వినబడగానే శుభములు అందించుటకు ఘంటము తాను ఐనాడు కంట మంటలున్నవాడు. 7."అర్థనారీశ్వరపు ఒద్దిక" అను "మిథునము" నకు తోడై నడిపించాడు నిన్ను ఆ మూడుకన్నుల వాడు. 8."గార్దభ అండమును"కోరు మాయను మర్దింపచేసి ఆర్ద్రత నిలిపాడు నీలో "ఆట కదరా శివా" అని అంటూ 9."యాస" ఉన్న బాసలో "శభాష్ శంకరా" అనబడ్తివి నీ రంధిన...

  విశిష్ట వినయ విద్వత్తుకు మోకరిల్లుతూ   ******************************* నిత్య కళ్యాణమైన ఆ,సత్యలోకమునందు దివ్యసుతుని కోరె వాణి చతురతతో చతుర్ముఖుడు చేసినాడు వీణ్ణి ........................ గణనాథుని కనికట్టుతో ఘనత కట్టబెట్టగా సరసిజాక్షి,సరస్వతి సరసను కూర్చుండబెట్టుకుని సారస్వతామృతమును వరుసగ తినబెట్టెనేమొ .............. ఆనందపు ఆలినిగని,సుతు దరిచేరె, విరించి నాడు గారపు ఆలింగనతో వేదసారము గ్రహియించె వీడు .......... అపహరణము నేరమనుచు మందలించె అమ్మ నాడు భవతరణము అనుచు *మాటల నాంది* వేసినాడు నాడే చూడు. .......... వీని కులుకు పలుకు నేర్వ తన చిలుకనంపె చదువులమ్మ,దాని *అభినయనము*ను దోచె వినయముగా...ఒద్దికగా .......... వల్లమాలిన వలపుతో నీ నీ దరిచేరింది వాణి వల్లకి నిను గెలుచుట వల్లకాక,మోసింది నీ సాహిత్యపు పల్లకి ........... క్షీర,నీర నీతి చేరిన ఆ హంసను ఏమార్చి నీ ప్రశంసగా మార్చావు .............. నీ అల్లరి భరించలేక నిను చల్లని కొండకు పంపగా *శభాష్..శంకరా*అని ఆనందివై ఆ నందిని ఏమార్చావు ........ గురుతెరిగి గరుడుడు రయముగా పరుగులిడె ....... ఇవి..నీ..లిపి..ప...

 కేరళ(లో)కేరింతలు  మొదటి భాగము *******************************************  పంచామృత ధారలలో,పంచభూత సంగమములో, పంచేంద్రియ పరిష్వంగమును అనుభవించిన వారిదే భాగ్యము.చూడని వారికి సున్నాలు కాకూడదనే నా ఈ చిన్ని ప్రయత్నము."సర్వేంద్రియాణాం నయనం ప్రధానం".దాని వినయమేగా నాకందించ గలిగినది సౌందర్య నిధానము."కన కన రుచి(కాంతి)రా అన్నట్లు అన్నివయసుల వారి మనసులను కొల్లగొట్టినది కేరళ కుట్టి. అమ్మా అవనీ నేలతల్లీ అని ఎన్నిసార్లు పిలిచినా తనివితీరదెందుకో..  బాపూ గీతలా బాపురే అనిపించే మెలికల కులుకులతో,బండరాయిని కాను నేను,నిండుమనసున్న నీ అండను అనిపించే ఘాట్రోడ్లు కంటికి ఇంపుగా వంపులతో మురిపిస్తుంటే,చిరుగాలుల సవ్వడులు వీనులకు విందును చేస్తూ పయనిస్తున్నప్పుడు ఆనందడోలికలను ఊగిస్తుంటే,లెక్కలేనన్ని సుందర పుష్పాల సువాసనలతో పిలాగాలి తెమ్మెరలు అల్లరిచేస్తుంటే చర్మము తన ధర్మముగా నిక్కపొడిచి చూస్తుంటే,ముక్కు మనమదిలో పదిలముగా చెక్కుతోంది.చిన్నబుచ్చుకుందపు డు చిత్రాల నాలుక (నాలుగు) తనను వెనుకకు పడేసి గోలచేస్తున్నయని.అది గుర్తించిన ఆ నేల "నాలుకా నీకు నాపై అలుకా"వద్దమ్మా అంటూ "ఆచార్...

 కేరళ కరింతలు-2  సంస్కారపు ఆకారము ఓంకారముగా,"భోజ్యేషు మాతగా'గా అందాల తనఒడిలో,అక్షయపాత్రనుంచుకుని ,పసందైన పాకశాకాలను,పళ్ళ పాయసాలను,మధురసాలను సిద్ధము చేసి,చక్కని సెలయేరులు మనపక్కగ మక్కువను కురిపిస్తుంటే,చల్లని చిరుగాలులు వీవనలు వీస్తుంటే,"మన గడపనున్నవారి కడుపు నింపమంటు"భారత భాగ్య విధాతను తలచుకుంటు,విందును-కనువిందును అందిస్తుంటే,ఆకలి చిరునామా అదృశ్యమైపోదా?వందలాది వందనాలు చిందులేస్తూ ముందుకురావా పోటీపడి[మూల్యము గురించి ఆలోచించి చిన్నబుచ్చకండి ఆ కన్నతల్లి ప్రేమను).    "శశకముతో సిం హమే జంటకడితే"అంతే ఇదేమేమో అంటూ {ఆకారము కాదు ముఖ్యం-అందులోని ఆ కారం}ఆకుపచ్చ ముత్యాల హారాల్లా,ఆలంబనగా నిలువెత్తు సంస్కారానికి ప్రతీకలుగా నింగినితాకేలానున మహావృక్షాలను చేసుకుని అందాలొలకపోసే మిరియాలతీగలను చూడగానే చిన్న పెద్ద తేడాలు చిన్నాభిన్నమైపోతాయి.    చూశారుగదండీ "అశ్విన్ టీ స్టాల్"బాషా ఇరానీ టీకి బాదుషాలము మేమంటూ తేయాకు మడులగడుల హడావిడులు.నీవెక్కడుంతే మేమక్కడంటూ పరిమళపు పలుకులతో మనలను పరవశింపచేయు సుగంధాల తోటలు .ఏ జన్మబంధమో మీతో మాది అని మోదముతో సేదతీర్చే తేనీరు.

   కేరళ కేరింతలు-3 _  సదాచారపాలన-సత్ప్రవర్తన ఉచ్చ్వాస-నిశ్వాసములుగా గల ఊయల కేరళ.పాండితీ ప్రకర్షకు,విజ్ఞాన విజయాలకు పట్టముగట్టే లక్షణము ఇక్కడి జగములోనే కాదు గజములలోను గోచరిస్తుంది.భర్తృహరి "సుభాషిత  త్రిశతి" తెలుగుచేసిన పాండితీ ప్రకర్ష రాజాదణను "గజారాహోణ"గా మార్చి పైడిపల్లి  లక్ష్మణకవికి "ఏనుగు లక్ష్మణకవి"గా నామకరణము కావించి,లబ్ధప్రతిష్ఠను ప్రసాదించినవి.చిన్నారులు కౌతాలు.శ్రీమను తమ ప్రతిభా పాటవములతో "పదముల రాణి"ని మెప్పించుటెరింగి వారిచే "గజారోహణమే" కాదండోయ్ వనప్రదక్షిణము చేయించాయి మలయాళ మత్తగజములు.(పెద్దలు మొహమాట  పడతారని  కాని వారూ ధన్యులే సుమండీ) మరిన్నీ!!! మంచిని సాధించాలని మరీ మరీ దీవించాయి.        "కళల పరిమళమే కేరళ" అనకుండా  ఉండగలమా! "కథాకళి"కలరి" ప్రదర్శనలనుచూశాక.నిర్జీవమైపోతున్న మనకళాప్రదర్శనలను పునరుద్ధరించాలని అనుకోకుండా ఉండగలమా.అవి ప్రదర్శనలు కావండీ" ప్రతిభా పురస్కారలకు ఆదర్శములు."   మదర్పిత చందన తాంబులాదులు స్వీకరించి,మమ్మానంద పరచమని(డబ్బు కడితేనే) మంగళ హారతులతో,మల్లెల మాలలతో మనసారా ఆహ...

   కేరళ కేరింతలు-4  వెనుకకు తిరుగు సరస్సుజలాల బలమేమో,మనసు వెనుకకు వెనుకకు పరుగిడుతుంటే దానిని  బంధించుటకు బుద్ధి బయలుదేరింది.వెంటనే..నేను ఇక్కడకు ఎలా రాగలిగాను?అవధులులేని నా ఆనందానికి కారకులెవరు?కళకళల కేరళ తలుపు తాళాన్ని నాకోసం తీసిందెవరు? అద్భుత ఆనందాల పల్లకీలో నేను కూర్చుంటే మోసిన బోయీలెవరు?మాకు కనువిప్పును కలిగించి మా అందరిమెప్పును శాలువగా కప్పుకున్న మేధావులెవరు?నాలో ప్రశ్నల పరంపరలు జవాబులను వెతికి...తల్లితండ్రులకు అద్భుత అనుభూతులనిచ్చిన వారిని(మనసులోనైన)మెచ్చుకోకుండా ఉండలేకపోయాను.వారికి వేయింతల ఆనందం కలగాలని...అది పుత్రొత్సాహమో,పౌత్రోత్సాహమో,నిత్యోత్సాహము కావాలని భగవంతుని ప్రార్థించాను.మనవరాళ్ళు,మనవడు అడుగడుగునా కనిపెట్టుకుని కంటిపాపలా చూసుకుంటేనే కదా ఇదిసాధ్యం.వియ్యమునొందిన నెయ్యము ఆత్మబంధువై కొత్త ఇంధనమును ఇస్తేనే గదా నేను కేరళ సౌధమున(సుధలుగలది)విహారముగావించినది.మందులే విందైన నాముందు అందాలసందడి చేయించిన ప్రతివారికి(వయసులో చిన్న-మనసులో మిన్న)మనసా,వచసా,శిరసా అంజలిస్తూ,మధురానుభూతులను మధించి,వ్యయ ప్రయాసలకు ఓర్చి మమ్మానందింప చేసిన ప్రతి ఒక్కరికి ,ఇంతై,ఇంతింతై,...

  మహా గణపతిం మనసా స్మరామి     ********************************   నలుగురి మేలును కోరి,నలుగు ముద్దతో గౌరి,   పరమ శివుని స్మరియిస్తూ,"వరపుత్రుని" చేసినది.   సమరమైన చేయగలుగు సామర్థ్యపు కాపరి,   కర్తవ్యము శుభకర " కరివదనుని" చేసినది.   తల్లిని,తండ్రిని భక్తితో చుట్టిన బాలుని వైఖరి,   అగణిత వాత్సల్యముతో "గణనాథుని" చేసినది.   అహంకరించు అసురునిపై మోగించిన యుద్ధభేరి,   "ఏకదంతుని," "మూషిక వాహనుని" చేసింది.   మేరు పలకపై దంతపు ఘంటపు వ్రాత   మహా కావ్య నాటకాది ప్రియునిగా కీర్తించినది   పార్వతీ పరమేశ్వర పరిపూర్ణత్వము   విఘ్నములను తొలగించు వినాయకుని  చేసినది.   అపహాస్యము చేసిన ఆ చంద్రుని తిక్క కుదిరి,   "భాద్రపద శుద్ధ చవితి" బహుళ ప్రాచుర్యము పొందినది.    .................   మట్టి ముద్దలో దప్పిక తీర్చు జలము,   జలములో దాగినది జ్వలనము అగు అనలము,   అనలమునకు సహాయము అనువైన అనిలము,   అనిలముపై ఆధారము సకల ప్రాణి జీవనము,   అలలతో ఆడునది ఆ పున్నమి ఆకాశము,   స...

ఉగాది అనాదిగా ఆదిదైన అందమైన ఉగాది జయము జయము జయ మమ్మా విజయనామ ఉగాది అంగ రంగ వైభవముగా రంగవల్లులేసి మిడి మిడి తలపులు వదిలి మామిడులను కట్టి అభ్యంతరమును బాపే అభ్యంగానమాడుదాము నూతన విలువల కూడిన కొత్త వలువలనే కట్టి బంధు మిత్రులందరితో సందడి చేస్తుండగా … వచ్చిన ఆ ఉగాది తల్లికి జలధారలు జలాజాక్షిని జలకములాడించగా కోనసీమ పచ్చకోక ముచ్చట తీర్చింది వరమై పరవశమై గళ సరమాయెను కోయిల స్వరం తూరుపు కిరణము తల్లికి హారతులీయగ సాగె తృష్ణ తీర్చి కృష్ణానది మృష్టాన్నము లందించగా చల్లలైన పిల్లగాలి మెల్లగ డోలికనూపె ప్రవాసాంధ్ర హృదయాలను తన నివాసము చెయదలచివచ్చి …ఆ తల్లి ఉగాది పచ్చడి గురించి ఇలా అంది ఇది మమకారపు శ్రీకారము అని కారం అంటున్నది మెప్పులు ఉప్పొంగాలని ఉప్పు చెప్పు చున్నది ప్రీతిగా ఉండాలంటూ తీపి ప్రయాత్నిస్తున్నది వలపు తలపు పిలుపుకై పులుపు చూస్తున్నది చిగురు పొగరు అణచమని వగరు మనలను అంటున్నది విజ్ఞానం చేదు* అని చేదు బోధిస్తున్నది (చేదు* = తోడుకోవడం ) అరిశాద్వార్గాముల నణచ అమరెను షడ్రు చులు అరమరికలు లేక ఆరు రుచులను విందాము అని చెప్పెను అంత హాయిని గొలిపే ఆ సాయం సంధ్య యందు ఇది మా నవ వసంతమా లేక మానవ వసం...

(ఆ) రుతువులు చిత్రాలనుచూపించగచైత్రంకదలివచ్చింది  ఉగాదితోపాటుమనకుశ్రీరామునితెచ్చింది సఖ్యతగాఉండాలనివైశాఖంవచ్చింది అప్పన్నదయతోఅక్షయ త్రుతీయనుతెచ్చింది శ్రేష్ఠతచాటగ నేననిజేష్ఠం కదలివచ్చింది పటిష్ఠత,ప్రతిష్ఠలనుపెంచేమామిడినితెచ్చింది ఆషామాషీదానినినేకానంటూఆషాఢం వచ్చింది ఉషారైనతద్దినోములనుముద్దుగానుతెచ్చింది ప్రణవముతనదేనంటూశ్రావణమువచ్చింది శ్రీకృష్ణుని,వరలక్ష్మిని తీసుకునివచ్చింది శుభప్రధమైననవ్యభాద్రపదమువచ్చింది ఇభవక్త్రుండైనదివ్యగణనాధునితెచ్చింది ఆశీర్వచనములతోఆశ్వయుజమువచ్చింది అసురశక్తినిఅణచివేసేఆదిశక్తినితెచ్చింది సమస్యలనుతొలగించినఅమావాస్యవచ్చింది ఇదిచీకటికాదనిఅమవస్యముతెచ్చింది కీర్తినివ్యాపింపచేయుకార్తీకమువచ్చింది పాపాలనుతొలగించేదీపాలనుతెచ్చింది మార్గముచూపిస్తానంటూమార్గశిరమువచ్చింది తిరుపావనస్మరణతోతిరుమలేశునిచ్చింది పుష్యరాగకాంతులతోపుష్యమాసము వచ్చింది కర్షకులకుసంక్రాంతినికానుకగాతెచ్చింది అఘరహితులుకండనుచుమాఘంవచ్చేసింది శుభకరుడౌదినకరుని, శంభునితెచ్చింది సద్గుణశాలినిఇదిగోఅనిఫాల్గుణంవచ్చింది దుర్గుణహోళిక నణచిరంగులకేళినితెచ్చింది నిక్షేపంగామనలనుఉంచగసాక్షీభూతములై మరలమరలవస్తా...

అమ్మ మన అందరికీ అత్యంత ప్రత్యేకము,అవుతుంది మనతో అమ్మ మమేకము, చిట్టిపొట్టి నడకలతో,చిలుకతల్లి పలుకులతో అమ్మకు మన ఆరాధన అనవరతము తెలుపుదాము ఆకారము మాదైనా దాని శ్రీక ారము అమ్మ విరిబాలలు మేమైతే పరిమళములు అమ్మ పెదవివంపు అమ్మ ఐతే పదము తీపి అమ్మ కీర్తి శిఖరము యెక్కించే ప్రేమమూర్తి అమ్మ మిమ్ము నుతించ పూలదండలెందుకమ్మ కైదండలుండగ బహుమతులెందుకమ్మ సన్నుతులు ఉండగ ఆశయాలు,ఆశీసుల అండతో ఆచరణగా మారితే అవధిలేని ఆనందం భువిని పొంగిపొరిలితే అమ్మ పులకరిస్తుంది,ఆనందం పలకరిస్తుంది.

తిక్కదైన ఒక్కమాట సీతమ్మను మార్చినది లోకపావనిగా అక్కసైన ఒక్కమాట బాలుని మార్చినది ధృవతారగా పక్కమీది ఒక్కమాట భోగినే మార్చినది యోగివేమనగా కొంటెదైన ఒక్కమాట కొలుచుటనే కోరింది తులసీదాసుగా గట్టిదైన ఒక్కమాట గాంగేయుని చేసింది గౌరవనీయునిగా మక్కువైన ఒక్కమాట మాధవునే మార్చింది రథసారథిగా అవసానపు ఒక్కమాట అజామిళుని చేరింది అపూర్వ పుణ్యముగా తీయనైన ప్రతిమాట తెలుగును మెరిపిస్తుంది భూగోళపు వెలుగుగా. Like Show more reactions Comment Share Seen by 93 3 Vijay Sekhar Reddy, Ashwin Kowtha and 1 other Comments View 2 more comm

తెలుసుకో ============= కోటీశ్వరులకు నీవు పోటీగా ఎదగాలని సాటిలేనిదంటు దాని మేటితనము చాటుకుంటూ అమెరికా అభివృద్ధిని ఆదర్శము అని అంటూ సలాం అంటూ దానికి నీవయ్యావు గులాము,. ............................................................ అందమైన నయాగరా జలపాతం పరుగు చూడు మంచుకొండ అంచున పొంచియున్న ప్రభలు చూడు కల్పనాచతురతగల శిల్పకళల గుహలు చూడు చారెడు కన్నుల తోడ తారల వన్నెలు చూడు అందమైన ప్రకృతికి నీవయ్యావు బందీవి ................................. ఐఫోను,ఐపాడు,ఐ మాక్సు ఈమెయిలు,ఈచాటు,ఈవెబ్‌ పెండ్రైవు మరియెన్నో కనుగొన్నది టాలెంటు సాంకేతిక సౌరభమా,సమకాలీన సహవాసమా నీ ఘనత చాటుతానంటూ అయ్యావు బంటువి ............................................ అన్నావు నువు బెస్తని,ఎదిగావు ఎవరెస్టని ఎటుచూసినా నీదేగా లేటెస్టు హాట్‌ న్యూసని నీ నీడగా ఉంటున్న నిజమును తెలిసికోలేక విజయాల మత్తులో మునిగావు నీవు చిత్తుచేసినానంటూ మారినావు తొత్తుగా ........................................ ఒకటి,రెండు,మూడు చేసి ఓడించాననుకోకు పరమాత్మను కనుగొనని పరిశోధన ఫలితమేమి అన్నింట ఉన్నది అది,ఆనందపు వెల్లువ అది ఆత్మయను రెల్లు అది,అజ్ణానపు చెల్లు అది త...

ఆ గాంధార కుమారులను ఆకలి కబళించుట .................. ఆ పాంచాలికి వరముగా చేలములు అందించుట అభిమానముతో సుధామ కుచేలునిగా మిగులుట .................. ఖాండవమును దహించమని అగ్నిని ఆదేశించుట అగ్ని భయము లక్క ఇల్లు పాండవులను తరలించుట ............... రక్కసుడని అక్కసుతో గాలి తీసివేయుట(వృతాసురుడు) వెదురుకు గాలినిడి వేణువుగా మలచుట ................. అలసట తీర్చగ వేల్పుల తులసిని చెట్టుగ చేయుట ముద్దు ముద్దు చష్టలతో మద్దులను మన్నించుట (నలకూబరులు) .................. సూర్యుడిని తరలించి కర్ణుని సృష్త్టించుట సూర్యుడిని మరలించి సైంధవుని వధించుట ........................ చేతివేలి చక్రముతో ఉత్తరను మాతను చేయుట చేతివేలి సంజ్ణ్లతో జరాసంధుని అంతము .......... తప్పులను లెక్కించి తలనే ఖండించుట (శిశుపాలుని) మా లెక్కలేని తప్పులను మక్కువతో మన్నించుట ............. నిజమేమో...కాదేమో...నైజమేమో...అవునేమో మనో నేత్రాలు తెరిచి నీ సిత్రాలను సూడనీ. Like Show more reactions Comment Share Seen by 91

...........లు ముత్తెము నేనౌతానని నవ్వింది స్వాతిచుక్క సత్తువనిస్తానంటు నవ్వింది కూరచుక్క ..................... రేయంతా మురుస్తూ నవ్వింది రేచుక్క చీకటితరిమేశానంటు నవ్వింది వేగుచుక్క ............ నమ్మకమును సృష్టిస్తూ నవ్వింది దిష్టిచుక్క కళ్ళుదించి పరవశిస్తూ నవ్వింది పెళ్ళిచుక్క ..................... అంగవైకల్యముచూసి నవ్వింది పోలియోచుక్క దప్పికను తరిమేస్తూ నవ్వింది నీటిచుక్క .................... కలవరమును కలిగిస్తూ నవ్వింది తోకచుక్క నవతరపు సారథిగా నవ్వింది రాధ చక్కనిచుక్క ఇంతలో............. వింతలు చూపిస్తానంటూ ఎంతో ఎదిగింది ఒకచుక్క ................... తళుకుబెళుకు తారలు తహతహలాడుచుండగా ............................ ఏలికను చూపింది వేలిమీదిచుక్క.

జై.బోలో.గణేష్.మహరాజకి.జై అభివందనం..గణపతి ఆదిపూజ్య.....గణపతి ఇక్షుదండ....గణపతి ఈశపుత్ర......గణపతి ఉత్సవరూప...గణపతి ఊహాతీత.....గణపతి ఋషిపూజ్య...గణపతి ఎలుకవాహన..గణపతి ఏకదంత......గణపతి ఐశ్వర్య......గణపతి ఒద్దికైన.....గణపతి ఓంకార.......గణపతి ఔదుంబర.....గణపతి అంబాసుత......గణపతి దు:ఖహర.....గణపతి ..............ఈ స్వరార్చనను గైకొనరా సర్వార్చనగా.గణపతి ............... కలుషహర....గణపతి ఖలవిదూర..గణపతి గణనాయక...గణపతి ఘన వరముల.గణపతి జ్ఞానదాత..గణపతి ........ చవితిపూజ్య.గణపతి చత్రధర...గణపతి జయమునీయ...గణపతి ఝషరూప....గనపతి విజ్ఞానము......గనపతి ......... టంకపు.ఓ.గణపతి హఠయోగప్రియ.గణపతి డమరుహస్త..గణపతి ఢంకా.నాద.గణపతి ప్రణవరూప....గణపతి .............. తరియించగ..గనపతి రథారూఢ..గనపతి హ..గణపతి   దయారూప..గణపతి ధర్మతేజ..గణపతి నగపౌత్ర.గణపతి ............ పండితశుభ.గణపతి ఫలదాయక..గణపతి బతుకునీయ..గణపతి భద్రతీయ..గణపతి మధురహాస.గణపతి ........... యతిసేవ్య.గణపతి రక్షకుడు.గణపతి లక్ష్మీపతి..గణపతి వక్రతుండ.గణపతి శత్రుహర..గణపతి షణ్ముఖ సోదర.గణపతి సకలము.శ్రీ.గణపతి హరిద్రా..గణపతి కళలధారి..గణపతి క్షమాహృదయ.గణపతి ఱ...