ఓనమాలు (Onamaalu)

  ఓం నమః శివాయ-38   *********************  అంతా ప్రకాశమే నేనంటూ ఆర్భాటము చేస్తావు  అభిషేకములు జరిగేవి అంతంత మాత్రమేగ  ఋషుల తపోశక్తులను సర్పములుగా మలిచావు  నాగాభరణుడనంటు సాగదీస్తు ఉంటావు  ఋషిపత్నులపై శంకవేస్తు పులిని పుట్టించావు  వ్యాఘ్రేశ్వరుడను అంటు గుడిని కట్టించావు  పసిడిబిల్వహారములతో పరిచయము అవుతావు  తెరచాటుగ కథలను దొంతెరలుగ నడుపుతావు  కొమ్ములున్న వారమంటు నెమ్మది తీసేస్తావు  కాళ్ళులేని వాడివంటు ముళ్ళు గుచ్చమంటావు  నిన్ను కొలుచు పతంజలికి నిలువెల్ల పరీక్షలని  మొక్కుటెందుకటర నిన్ను ఓ తిక్కశంకరా.  ఆ-సమస్తాత్- ఆ అంటే అంతట.కాశము-వెలుగు.అంతట వెలుగుతో నిండినది ఆకాశము.శివుడు అది నేనే అని గొప్పలు చెప్పుకుంటాడు కాని అక్కడ తనకు (మూలవిరాట్) రోజు అభిషేకము చేయరని మాత్రము చెప్పుకోడు.ఋషుల యజ్ఞ ఫలమును సర్పములుగా మార్చునట్లు వారిచే చేయించి,వాటిని తాను ఆభరణములుగా ధరిస్తాడు.ఋషిపత్నులపై ఋషులకు అనుమానమును కలిగించి వారిచే ఒక పులిని సృష్టింపచేసి,దాని తోలుతో ఒక వస్త్రమును-ఆసనమును చేసుకొన్...

  ఓం  నమః శివాయ-39  ********************* గుట్టలిచ్చు ఆసనమున కుదురుగ కూర్చుంటావు చెట్లు చేయు అభిషేకము చెలిమితో స్వీకరిస్తావు మిణుగురుల కదలికలను దీపములనుకుంటావు పూలగాలి తాకగానే పరవశించిపోతావు షట్పదీ ఝంకారము స్తోత్రములని అంటావు షడక్షరీ మంత్రమంటు సంతసించి పోతావు పిట్ట పారివేయు పండు ప్రీతి నైవేద్యమంటావు ఉట్టి చేయి చూపిస్తే సుగంధతాంబూలము అంటావు అడవిలో నెమలి నాట్యము మదర్పితము అంటావు ఉప్పుమూటలాడుతుంటే గొప్పవాహనమంటావు షోడశోపచారములా ఇవి నిషేధ అపచారములని గ్రక్కున  ప్రశ్నించవేరా? ఓ తిక్క శంకరా.  శివుడు పధ్ధతి లేని పనులను తనకు చేయు షోడశోపచారములని భ్రమపడుతుంటాడు.రాళ్ళతో కఠినముగా నున్న శిలను చూపించి ఇది నీకు ఆసనమనగానే,సరేనని కుదురుగా దానిమీద కూర్చుంటాడు.రాళ్ళుగుచ్చుకుంటాయని అనడు.చెట్టు తనపై బడిన మంచును దులుపుకుంటు చమత్కారముగా వృక్షరూపమున నున్న శివా! నీకు నేను అభిషేకము చేస్తున్నాను అంటే,నిజమనుకుంటాడు.మినుకుమినుకుమనుచున్న మిణుగురులను చూసి అవి తమకు దీపసేవ చేస్తున్నాయని భ్రమపడతాడు.పూలసువాసన గాలివాటమునకు వస్తే,అగరుధూపమును వేసాయంటాడు.మకరందమునకు పూవున...

 ఓం నమ@ శివాయ-96  ***************  కొంతమంది రుద్రులుగా భూమిమీద సంచరిస్తూ  తినకూడని ఆహారము తినిపించేస్తుంటావు  మరికొంతమంది రుద్రులుగా గాలిలో విహరిస్తూ  ఆయాసము-ఉబ్బసము విజృంభింప చేస్తావు  ఇంకొంతమంది రుద్రులుగా నీటిలోన చేరుతూ  క్రిమికీటక జలములతో వ్యాధులు పెంచేస్తావు  కొంతమంది రుద్రులతో గగనములో దాగుతూ  అతివృష్టి-అనావృష్టి నష్టము చేస్తుంటావు  ఆయుధమవసరములోని యుధ్ధమని అంటావు  అపచారము సవరించే పరిహారము అంటావు  సకలమును సన్స్కరించు పధ్ధతి యేనా ఇది? టక్కరి కొక్కెరవటర నీవు ఓ తిక్క శంకరా.  .  భువనం నమః శివాయ-గగనం నమః శివాయ  దండన నమః శివాయ-దండము నమః శివాయ.   శంకరుడు అనేకానేక రూపములను తనలాగ ఉండువారిని సృష్టించి,వారిని నింగి-నేల-జలము మొదలగు పంచభూతములనే ఆయుధములుగా మలచుకొని,వాటి ప్రభావము చేతనే జనులను సదాచార పరులను చేయమంటున్నాడు.ఈ ప్రణాళికలో జనులు వ్యాధిపీడితులుగా,ఆకలి బాధితులు గా మారి,పశ్చాత్తపడి సన్మార్గమున నడిచేవారిని,క్షమిస్తూ,పధ్ధతి మార్చుకోని వారికి ముగింపు తెస్తు,నిర్దాక్షిణ్యముగా శివుడు ...

 ఓం  నమ: శివాయ-32   ******************** కాళ్ళుజారతాయని చూడకుండ నీళ్ళూ పోస్తుంటావు తుడిచేందుకు బట్ట వేస్తే దానిని తడిపేస్తావు  ఏనుగులు కొలిచాయాని బాగానే చెబుతావు  ప్రత్యక్షపూజ కోరితే వృక్షము కమ్మంటావు  అప్పులింగేశ్వరుడనంటు గొప్పలెన్నో చెబుతావు  పప్పన్నానికి మాత్రము ఒప్పుకోను అంటావు  గురువును నేను నీకు అంటు గౌరితో అంటావు  అమ్మ శక్తిని కుదించి అఖిలాండేశ్వరి అంటావు   నీళ్లమడుగుపైన కన్నులపండుగగా వెలిసావు   తుళ్ళుచున్న ఆశలపై.నీళ్ళుజల్లుతుంటావు  నీళ్ళదొరని నేనంటు భక్తుల పెళ్ళికి అనుమతించని  ముక్కంటివి నీవటర ఓ తిక్కశంకరా.   నీళ్ళమడుగులో నుండి( కావేరి జలము) ప్రకటింపబడిన శివుడు నీళ్ళతో ఆడుతు వాఈఇని కింద పారపోస్తుంటాడు.భక్తుల కాలుజారి పడతారని ఆలోచించడు.ఏనుగులు ఈ క్షేత్రములో తనను పూజించాయని గొప్పలుచెప్పుకుంటాడు.శంభుడు అను యోగి ప్రత్యక్షపూజానుగ్రహమును కోరగా నేరేడు చెట్టుగా మారి తనను పూజించమన్నాడు.గౌరీదేవికి తాను గురువునని కనుక ఆమెను పెండ్లిచేసుకోనని చెప్పాడు.తాను చేసుకోపోతే మానె,ఎవరైన ఉత్సాహంగా పెళ్ళిముచ...

   ఓం  నమః  శివాయ-28    **********************  సారూప్యము-సామీప్యము సాంగత్యమునకు ఆశపడి  నిర్హేతుక కృపనీదని నిన్ను సేవించాలని  కొంచము అటు జరుగమంటే చోటులేదు అంటావు  పోనీలే ఇటు జరుగమంటే వీలుకాదు అంటావు  ఎటు కుదిరితే అటు జరుగమంటే గుటకలు మింగుతావు  స్థపతిని నేనైనా స్థలమునకు అవస్థలంటావు  నాలాంటాడొకడు నన్ను కదలనీయడంటావు  బేలతనము చూపిస్తు జాలిలేక ఉంటావు  ఇబ్బందులు పడుతూనే ఇరుకున కిక్కురు మనవు  సిబ్బందులు చూస్తారని ఇసుమంత సిగ్గుపడవు  సర్వ వ్యాపివన్న సాకుతో నొక్కుతున్న వానిని  తొక్కివేయమేమిరా ఓ తిక్క శంకరా.  శివుడు తను సర్వస్వతంత్రుడనని-సర్వవ్యాపినని చెప్పుకుంటాడు కాని నిజమునకు అటు-ఇటు కొంచమైనను కదలలేనివాడు.పక్కకు తిరగగానే శివునిలాగానే ఉండే మరో మూర్తి శివుని అటు-ఇటు కదలకు అని మందలిస్తుంటాడు.స్థపతి-అన్నిటిని స్థాపించువాడు అని పిలువబడుతున్నప్పటికిని,కొంచం స్థలమును నేను కూర్చునుటకు సంపాదించలేనివాడు.చేసేదేమి లేక తన పక్కనున్నవాడు ఏమిచెప్తే సర్దుకుంటూఇరుకులో ఇబ్బందిపడుతుంటాడుకాని వాణ...

  ఓం  నమః శివాయ-29   *******************  పాఠము నేర్పిస్తానంటు గూడుపుఠాణి చేస్తుంటావు  ఒకరికొకరిమీది నుండి ఒకరి ఒద్దిక తీసేస్తావు  బుధ్ధులు మారుస్తావు యుధ్ధము చేయిస్తావు  బ్రహ్మ-విష్ణాదులను సైతము బరిలో దించుతావు  అస్త్రముపై అస్త్రముతో ఆటలాడిస్తావు  అవనీతలమును బొంగరముగ తిప్పుతుంటావు  మార్తాండుని సైతము మరుగున దాచేస్తావు  విస్పుటలింగములను ప్రస్పుటింపచేస్తావు  అఖిలజగములను అతలాకుతలము చేస్తావు  ఏమయ్యా! ఏమిటిది? అంటే శివమాయ అంటావు  అగ్నిస్తంభముగా నీవు ఆవిష్కరింపబడుట,వారి  రెక్కల కష్టమేరా ఓ తిక్క శంకరా. ఎటుచూసిన తననె జగములు స్తుతించుటలో తానొక్కడే ముజ్జగములకు మూర్ధాభిషిక్తుడననుకున్నాడు.అహంకారముతో నిండిన ఆనందముతో సంచరించుచుండగా క్షీరసముద్రములో అనంత శయనుడైన మరో వ్యక్తి కనిపించాడి.తనకు నమస్కరించలేదని వాదనకు దిగాడు బ్రహ్మ అతనితిఎ.నేను నీ తండ్రిని అని హరి అంటే కాదు నేనే నీ తండ్రిని అని బ్రహ్మ హుంకరించాడు.వారి వాదన యుధ్ధమునకు దారి తీసి ముజ్జగములను గజగజలాడించింది.సకల దేవతలు సదా శివుని ప్రార్థించగా ప్రపంచ స...

  ఓం  నమః  శివాయ-92   ******************  రూపులేని గాలిని అన్ని రూపులలో నింపుతావు  అలసట లేకుందా కదులుతునే ఉండాలంటావు  కల్పవృక్షాలనైన కాళ్ళతో నీళ్ళుతాగమంటావు  కాస్తంత బంధించి కొమ్మలను కదుపుతుంటావు  భూమాతను సైతము కాళ్ళతో తాడిస్తుంటావు  కనికరము లేకుండా కదులుతుండాలంటావు  ఆకాశము నేను చూడమంటు హడావిడి చేస్తావు  వ్యోమకేశుడనని తాకుతునే ఉంటావు  గలగలల జలము మీద జాలిలేక ఉంటావు  గంగను బంధించి చుక్కచుక్క తాగుతావు  పంచభూతములని చూడవు-పంచమంటుంటావు  తక్కువేమైనదిర నీకు ఓ తిక్క శంకరా.

  ఓం  నమః  శివాయ-33   ******************  ఎడమకాలి చెప్పు కుంచె ఎంతో నచ్చేసిందా  ఎరుకలవానిని వింతగ నెత్తికెక్కించుకున్నావు  నాయనారు నిర్లక్ష్యమునకు కోపము వచ్చేసిందా  పాతగోచి కోసము ఎంతో పేచీ పెట్టావు  లింగధారుల నియమములు సాంతం కట్టేసాయా  కుంచము నీవనగానే మంచిది అనుకున్నావు  వంకర పరీక్ష చేయాలను తలపొచ్చిందా  వంకయ్య గొడ్డుటావు పాలకు అడ్డుచెప్పకున్నావు  తిలకవ్వకు తికమకలు చూపాలనిపించిందా  కౌగిలించుకొనగానే  మగవానిగా మార్చావు  మిక్కిలి ప్రేమయని మక్కువ చూపిస్తానంటు  చిక్కులుపెడుతుంటావురా ఓ తిక్కశంకరా.   ఎడమకాలి చెప్పును చీపురుచేసి,శివలింగార్చిత పత్రిని తోసివేసిన కన్ననికి శ్రీకాళహస్తి కొండమీద,గుడిని కట్టించి తన నెత్తిమీదుంచుకున్నాడు ( పెరియ పురాణం)  .పాతగోచీ ముక్క కోసం అమరనీతి నాయనారుతో ఎన్నో వింత పేచీలు పెట్టినాడు.(బసవ పురాణ భక్తులు)ఒక లింగధారుల గుంపు దూర ప్రయాణమును చేయుచు,పూజా సమయమైనందున ఒక చోట ఆగి,శివలింగమునకై వెతుకగా వారికి కనపడలేదు.పూజా సమయము మించుతున్నదని వారు,వారు తెచ్చ...

    ఓం  నమః  శివాయ-40     ********************  ఎప్పుడేమి అనిపిస్తే అప్పుడది చేస్తావు  తప్పొప్పులు గమనించక పప్పులో కాలేస్తావు  అంబ రెందు కన్నులను  ఆటగా మూసావు  అంధకారములోనుండి  అంధకాసురుడుదయించాడు  మూడో  కంటి అగ్గిని జలధిలో  దాచావు  ఆ జలధిలో నుండి జలంధరడుదయించాదు  కపాలమును గిల్లుటుకై గట్టిగ హుంకరించావు  అతిభయంకరముగ కాలభైరవుడుదయించాడు.  కుడి-ఎడమని చూడకుండ జటను విసిరికొట్టావు  భద్రతనే మరిచిన వీరభద్రుడుదయించాడు  హద్దు అదుపులేనివారి పనులను వద్దనవు నీవని  ఒక్కటే నిష్ఠూరములుర ఓ తిక్కశంకరా.  శివుడు తనకు ఏ పనిచేయాలనిపిస్తే దానిని ఆలోచించకుండా చేసే తొందరపాటు స్వభావము కలవాడు.కనుకనే అంధకాసురుడు-జలంధరుడు-కాలభైరవుడు-వీరభద్రుడు జన్మించారు.వారు యుక్తాయుక్తములను మరచి హింసాప్రవృత్తితో ముజ్జగములను గడగడలాడించారు.తిరిగి శాంతిని నెలకొల్పుటకు అంధకుని-జలంధరుని అంతమొందించవలసినది.మిక్కిలి కష్టముతో వీరభద్రుని-కాల భైరవుని శాంతింపచేసినారు.ఇదంతా శివుని నిర్వాకమే-నింద.  జ...

  ఓం నమః శివాయ-26   ****************  ప్రళయము చూస్తుంటావు-ప్రణవము చేస్తుంటావు  అదృశ్యము చేస్తావు-పంచకృత్యమని అంటావు  అల్లుడిని కానంటావు-ఇల్లరికము ఉంటావు  సన్యాసిని అంటావు-సంసారిగ  ఉంటావు  దయనీయుడనంటావు-దహించివేస్తుంటావు  ఎవ్వడు వాడంటావు-ఎదిరించలేడనంటావు  ఎడమకాలితో తన్నుతావు-మడమతిప్పనంటావు  ఎడమకాలు ఎవరిదంటే-తడబడుతుంటావు  నీవు చేయని శిక్షణను-నీవే చేసానంటావు  అమ్మ చేయుచున్న రక్షణను-అంతా దాచేస్తావు  మక్కువ అంటూనే అమ్మను-నువ్వు తక్కువగా భావించే  కక్కూర్తి వాడవటర  నీవు  !     ఓ తిక్కశంకరా.  శివుడు జగములు జలమున మునిగిపోతుంటే చేతకానివాడై కళ్ళుమూసుకొని జపము చేసుకుంటాడు.దక్షుడికి నేను ఇప్పుడు అల్లుడిని కానని,నమస్కరించకుండా,ఎప్పుడు కైలాసములోనే ఇల్లరికము ఉంటాడు.దయార్ద్రహృదయుడనని అంటూనే దహించివేస్తుంటాడు. ఎడమకాలితో శత్రువులను తరిమికొడుతు,మడమతిప్పని ధైర్యము కలవాడనని అంటాడు.సర్వము సతి చేస్తుంటే,దానిని చెప్పకుండా అంతా తానేచేస్తున్నానని చెప్పుకుంటాడు.ఎడమకాలి ప్రసక్తి వస్తే త...

  ఓం నమః శివాయ-88   ********************  ఉమ్మిపూసి మందు అనిన కిమ్మనక ఉంటాడు  గుగ్గిలపు వాసనలకు ఉబ్బితబ్బిబవుతుంటాడు  కుంటి గాడిదమీద కులుకుతు కూర్చుంటాడు  మట్టిముంతకోసమని గట్టివాదులాడువాడు  చెన్నప్పవ్వ బొంతను కప్పుకుని రోతగా ఉంటాడు  రంగులు మారుస్తు ఎంతో పొంగిపోతు ఉంటాడు  రాళ్ళు రువ్విన వాని ఆరళ్ళను తీరుస్తాడు  బాణపుదెబ్బలను తింటు బాగుబాగు అంటాడు  క్లేశహారిని అంటు కేశములను కోరుతాడు,  కళ్యాణప్రదాతనని కళ్యాణము కానీయడు  నవ్వులపాలవుతున్నా నవ్వుతూనే ఉంటాడని  వెక్కిరిస్తున్నారురా ఓ తిక్క శంకరా.  సాలీడు పాకిన చోటంతా శివలింగమునకు పొక్కులు వస్తే,నక్క నాయనారు భార్య ఉమ్మివేసి అదే దానికి మందని అంటే ఆనందంగా స్వీకరించాడు.కలశ నాయనారు భార్య మంగళసూత్రమును తాకట్టు పెట్టి గ్రాసము తీసుకురావటానికి వెళుతుంటే సాంబ్రాణిని దానికి బదులుగా ఇచ్చాడు.చాకలి నాయనారు తన కుంటిగాడిదమీద మాసిన బట్టల మూతతో పాటు కూర్చోపెడితే వాహనపూజ అంటు వాహ్వా అన్నాడు.నీలకంఠ నాయనారుకు మట్టిముంతను దాచిపెట్టమని,అది చాలా మహిమాన్వితమైనదని,మాయమాటలు...

  ఓం  నమః శివాయ-37  **********************  సూర్యరశ్మి తాకిడికి పారిపోయిన నాచు  జారినాడులే అంటూ చేరుతోంది చెరువులోకి  చుట్టివేసి ఉందని ముట్టుకోలేననిన నీరు  పరిచారులే పదమంటూ చేరుకుంది చాపకిందికి  .పరిక్రమ సమయమని..ఆక్రమించలేనన్న చీకటి   మళ్ళీ మామూలేగా అంటు ఆవరించింది మనసులోకి   విబుధగోష్టి వేళయని బంధనాలనిన వికృతి  .వివరము తెలియలేదంటువిస్తరించిందిమనిషిలోకి   పిశాచాలతో ఆడే పిచ్చివాడు శివుడని,పునరావృత   మాయను పూర్తిగా మాయము చేయలేనివాడని కచ్చగా వచ్చి మమ్ము గుచ్చుతుంటే  హెచ్చరించలేవని నిన్ను తక్కువ చేస్తున్నారురా ఓ తిక్కశంకరా శివుడు పూర్తిగా దేనిని తొలగించలేడు.కనుకనే నాచు మరల నీటిలోనికి ప్రవేశించగలుగుతోంది.మాయ చాపకింది నీటిలా మనకు తెలియకుండానే మన దరిచేరుతుంది.ధ్యానము ధ్యాసను కుదురుగా ఉండనీయదు.మనసును చలించేలా చేస్తుంది.సద్గోష్ఠి ముగియగానే విపరీత భావనలు సమయము చూసి స్వాధీనము చేసుకుంటుంది.వీటన్నికి కారణము శివుని అసమర్థతే.-నింద.  ప్రకృతి  నమః శివాయ-వికృతి నమః శివాయ  రాకయు నమః శివాయ...

 ఓం నమః శివాయ-86  **************  గణపతిని శిక్షించగ గజముతలను పెట్టావు  అంధకుని  రక్షించగ భృంగిగా మార్చావు  దక్షుని జీవింపచేయ మేకతలను పెట్టావు  బ్రహ్మ తలలు పడగొడుతు భిక్షపాత్రలంటావు  నరసింహుని శాంతింపగ పక్షితలతో వెళతావు  వ్యాఘ్రపాదుడంటు కాళ్ళకు పులిపాదములతికిస్తావు  తలరాతల మార్పులంటు తలలనే మారుస్తుంటావు  వెతలను తీరుస్తానంటు కతలనే రాస్తావు  నా కతవినిపించానంటే నా తల మారుస్తావేమో  తలమానికము నేనంటు తలల మార్పుచేర్పులతో  తలకొక మాదిరిగ తరియింపచేయువాడనంటు,వారిపై  ఉక్కుపాదమెందుకురా ఓ తిక్కశంకరా.  శివుడు తాను తలరాతలను మారుస్తానంటూ,చేతకాక వారి తలను తీసి వేరొక తలను అతికిస్తుంటాడు.అంతటితో ఆగకుండా కాళ్లకు పులిపాదములను అతికిస్తాడు.భ్రింగికి మూడుకాళ్ళు కలిగిన వికృత రూపమునిచ్చాడు.బ్రహ్మకల్పము ముగుసిన వెంటనే వాని తలలను దండగా గుచ్చుకొని వేసుకొని మురిసిపోతు,నేను తలమానికమైన వాడినని గొప్పలు చెప్పుకుంటాడు.-నింద.  కతలు నమః శివాయ-వెతలు నమః శివాయ  శర్భం నమః శివాయ-శర్వుడు నమః శివాయ నమః శివాయ నమః శ...

  ఓం  నమః శివాయ-85   ********************** గట్టిగానే వారు నిన్ను ప్రార్థించారనుకుంటు,అందరిని నెట్టుకుంటు వచ్చినీవు మట్టిలింగమవుతావు  సుతిమెత్తని బాలుడని వెతలను తొలగించాలంటు,అద్భుత  కతలను అందీయగ వచ్చినీవు సైకతలింగమవుతావు  అఖిలజగములకు మేము అమ్మా-నాన్నలమంటు,చక్కని  వలపుచాట వచ్చినీవు తెలుపు-నలుపు లింగమవుతావు  ఆకలిదప్పులతో నున్నారని-పాలధారలివ్వాలని,ఆగని  ఆతురతతో వచ్చినీవు అమృతలింగమవుతావు  హుటాహుటిని హడావిడిగా హనుమ పట్టుకొచ్చాడని,భళిరే  మెచ్చుకుంటు వచ్చినీవు అనేక లింగములవుతావు  లింగము అంటే గుర్తు అని-బెంగ తీరుస్తుందని వస్తే  ఒక్క గుర్తునుండవురా ఓ తిక్క శంకరా.  సివుడికి తొందర ఎక్కువ తన రూపమును గురించి,దానికి సంబంధించిన సంకేతమైన లింగము గురించి ఒక నిర్దిష్టమైన ప్రకటనమును చేయలేనివాడు.కనుకనే ప్రార్థనలకు ఉబ్బి తబ్బిబ్బై, అందరిని నెట్టుకుంటు వచ్చి మట్టిలింగముగా వెలిసినాడు.ఆ విషమును గమనించకుండ మార్కండేయుని అనుగ్రహించుటకై ఇసుకలింగముగా మారి పూజలందుకునే వాడు.ద్రాక్షారామ భీమేశ్వరుని భక్తుడు నీలో మీ ఇద్దరిని చూడ...

  ఓం నమః శివాయ-84   ****************  నీ చేతల మంచి-చెడులు నీ నిర్ణయమని అంటుంటే  నిరపరాధులను నీవు బాధిస్తున్నావంటున్నవి  శిలను శిల్పముగా మలచే స్థపతి అని నీవంటే  తప్పుచేయకున్నను తప్పవు ఉలిదెబ్బలు అంటున్నది శిల  నీటిని నివ్వెరపరచే నిషాదుడను అని నీవంటే  తప్పుచేయకున్నను తప్పదు వలకాటు అంటున్నది చేప  అడవిని సంరక్షించే మృగయుదను అని నీవంటే  తప్పుచేయకున్నను తప్పదు శరమువేటు అంటున్నది మృగము  ప్రళయమునే చూడగలుగు ప్రబుద్దుడను అని నీవంటే  ముంచుతున్న ఆపదను రక్షించలేని సాక్షివి అంటున్నది ప్రళయము  నిర్దయతో హింసిస్తు నిష్కళంకుడను అని నీవంటే  నిక్కమనుకోరురా ఒక్కరైన ఓ తిక్కశంకరా.  శివుడు తాను శిల్పినంటు-జాలరినంటు-వేటగాని నంటు-ప్రళయసాక్షినంటు చెప్పుకుంటు ఎన్నో ఎందరినో నిరపరాధులను అమాయకులను శిక్షిస్తున్నాడు.-నింద.  శరము నమః శివాయ-శరణము నమః శివాయ  జననము నమః శివాయ-మరణము నమః శివాయ  నమః శివాయ నమః శివాయ ఓం నమః శివాయ " యోగక్షేమ ధురంధరస్య సకలశ్రేయః ప్రదోద్యోగినో   దృష్ట్వాదృష్ట్వామతో...

   ఓం నమః శివాయ-83   ********************  విర్రవీగు వారిపై వెర్రిప్రేమచూపుతావు  స్వార్థపు అభ్యర్థనలను ప్రార్థనలని అంటావు  అహంకార తపములకు సహకారమవుతావు  ప్రీతిపాత్రములుగ అపాత్రవరములిస్తావు  ఆలోచనన్నదిలేక అసురత్వమునాదరిస్తుంటావు  నిర్లక్ష్యము కూడదంటు ప్రత్యక్షము అవుతావు  అడిగినాడు అంటావు-అడుసు తొక్కుతుంటావు  అదునుచూసి వారు అదుపుతప్పుతారు అనుకోవు  గతితప్పిన ఫలితములతో గాబరపడుతుంటావు  మేకను జయించావు-పులిని జయించావు  మేకవన్నెపులులతో  తికమకపడుతుంటావు  నక్కవినయములేరా అవి ఓ తిక్కశంకరా. శివుడు తనను గురించి తపము చేశారని,ప్రత్యక్షమై,వారికి వరములను అనుగ్రహించవలెననుకుంటాదు.కాని వారు రావణుని వలె అహంకారముతో తపమాచరించుచున్నారో,స్వార్థముతో అనుగ్రహమును కోరుతున్నారో,లేక తానిచ్చిన వర ప్రభావమును తన పైననే పరీక్స్గితారో,వారి నిజ స్వభావమెటువంటిదో ఆలోచించలేడు-నింద.  అసురులు నమః శివాయ-అమరులు నమః శివాయ  వరములు నమః శివాయ-వగచుట నమః శీవాయ  నమః శివాయ నమః శివాయ ఓం నమః శివాయ

  ఓం నమః శివాయ-53   ******************  వైభవమను పేరజరుగు ప్రలోభములు నీ సేవలు   నెత్తిన పోసిన నీటిని నాదని గంగ తాగేస్తోంది  భక్తితో పోసిన పాలను పాములు కానిచ్చేస్తున్నవి  చక్కెర-తేనెల తీపిని చీమలు పట్టేస్తున్నవి  చందన ధారలు మొత్తము జాబిలి దాచేస్తున్నది  జర్రున జారిన నేతిని విషము జుర్రుకుంటున్నది  కురిసిన పూలకుప్పలను భ్రమరము కప్పేస్తున్నది  రాలిన బూడిదరాశులకై లొల్లి వల్లకాడు చేస్తున్నది  ఆరురుచుల ఆరగింపు నంది తనది అంటున్నది  దొంగతనము నేర్పించిన దొంగలదొర,నీ సన్నిధి  నిమిషములో నామనసు దొంగగ మారుతున్నది  చక్కదము ఇదేనురా ఓ తిక్కశంకరా.    శివునికి అభిషేకము చేయు ద్రవ్యములను గంగ,పాములు,జాబిలి,చీమలు,విషము,తుమ్మెదలు,శ్మశానము,నంది అవి శివుని అర్పణము అని తెలిసినను పెద్దలోభమునకు వశులై తాము తీసుకుంటూ,స్వామి స్వామికి అందకుండ చేస్తున్నది.ఒక విధముగా ఇది చోరత్వమే.వాటి చోర స్వభావమునకు కారణము అవితస్కరపతి దగ్గర ఉండటమే.అంతేకాదు,శివుడు తనను సమీపించిన భక్తుని మనసులో కూడ చోరత్వమును ప్రవేశపెడుతున్నాడు.--...

 ఓం నమః శివాయ-54  ***************  నీలిమేఘమే  నీవనుకొని నే చాతకమై చూశానురా  నీలిగరళము నన్ను చూసి గేలిచేసినదిరా  "సూర్యాయ-దక్షాధ్వర" అన విని చక్రవాకమై కదిలారా   మంచుకొండ నన్నుచూసి గేలి చేసినదిరా  చంద్రశేఖరుడవని నేను చకోరమై కదిలానురా  వెన్నెల్లిక్కడెక్కడిదని మూడోకన్ను గేలి చేసినదిరా  నటరాజువి నీవని నే నెమలిగా చేరానురా  భృంగి కన్ను నన్నుచూసి గేలిచేసినదిరా  శుభకరుడవు నీవని నే గరుడినిగా వాలానురా  కంచిగరుడ సేవకు సమయము మించిదన్నారురా  భ్రమలను తొలగించలేని భ్రమరాంబికాపతి,ఈ  ఇక్కట్లేమిటిరా నాకు ఓ తిక్కశంకరా  శివుడు తనదగ్గర మేఘము-వేడి-వెన్నెల-నాట్యము-ప్రభుతవము అన్నీ ఉన్నాయని,అవి తాను చెప్పినట్లు నడుచుకుంటాయని అంటాడు.కాని చాతకమునకు మేఘమునుండి వర్షమును ఇవ్వలేడు.చక్రవాకమునకు వేడిని ఇవ్వలేడు.చకోరమునకు వెన్నెలను అందించలేడు.నమలికి నాట్య మెలకువలను చెప్పలేడు.గరుడుని సేవలను స్వీకరించలేడు.-నింద.  చాతకి నమః శివాయ-చకోరి నమః శివాయ  ఎండ నమః శివాయ-వాన నమః శివాయ  నమః శివాయ నమః శివాయ ఓం ...

 ఓం నమః శివాయ-56     *********   అవిముక్తము అంటాదు-అనురక్తము అంటాడు   అవసానము అంటాడు-ఆశ్రయము అంటాడు   చూస్తూనే ఉంటాడు-గస్తీ కాస్తుంటాడు   అదును చూసుకుంటాడు-అమ్మ ఒడిని ఇస్తాడు   పెద్దనిద్ర తెస్తాడు-వద్దనే కూర్చుంటాడు   మనిషి తోడు అంటాడు-మంత్రము వినిపిస్తాడు   ఉపచారము చేస్తాడు-ఉసురును తీసేస్తాడు   మరుజన్మలేదు అంటాడు-మమేకమే అంటాడు   పిసరంత దయలేనోడు-మసి చేసేస్తుంటాడు    మరుభూమిలో తిరుగుతాడు-మర్యాదస్తుడ వాడు  సదాచారమసలు లేని సంకర చేష్టల వాడంటే  కిక్కిరు మనవేమిరా ఓ తిక్కశంకరా.  శివుడు చెప్పేదొకటి చేసేదొకటి.కాశేఏక్షత్రము గొప్పదని నమ్మపలుకుతాడు.ఎవరు వస్తారా అని ఎదురుచూస్తుంటాడు.వచ్చిన వానిని(నమ్మి) తిన్నగా కాటికి పంపిస్తాడు దగ్గరుండి మరీను నిర్దాక్షిణ్యముగా.ఉపచారములు చేస్తున్నట్లు నటిస్తూ ఊపిరిని తీస్తాడు తన పేరు మృత్యుంజయుడని గొప్పలు చెప్పుకుంటూనే మృత్యువుకు జీవులను అప్పగిస్తుంటాడు.తల్లి చెప్పిందని ఎందరినో పునర్జ్జీవుతులను చేసాడు కాని ఇక్కడ మాత్రము కసిగా వారి పార్ధివశరీరములను కాటికాప...

 ఓం నమః శివాయ-78  *******************  " ఊర్క్చమే-మసురాశ్చమే " అని చమకము అడుగుతోంది నిన్ను   నేలలోనున్న కలిని శూలముతో తరిమేయమని  చంద్రును అమృతధారలను చెలిమి కురిపించమని  చక్కని సాగుబడికి సలిలమును ప్రవహించమని  చరచర పాకుచు పాములను చేనును రక్షించమని  అగ్గివేడి హరితమై ఆహారముగా మార్చమని  ప్రమథగణమును ప్రమదముతో పంటలు పండించమని  ఆదరముతో అమ్మను అన్నపూర్నగా తరలమని  కలుపును అణిచివేసి పులును అందించమని  ఆకలి అనేమాట పలాయనము చిత్తగించమని  పనిపెట్తమని తనగిట్టలకు పరమేశా నీ ఎద్దుని  దుక్కిదున్నమనవేరా ఓ తిక్కశంకరా. రుద్రనమకములో శివుడు తననితాను "ఊర్యాయచ" భూమిని నేనే నని,దానినుండి ఉద్భవించిన శుష్కాయచ-హరిత్యాయచ  ఎండిన చెట్లు-పచ్చని చెట్లు కూడా తానేనని,అంతేకాకుండ వాటికి ఆ స్థితిని కల్పించుటకు కూడా తానే వర్షముగా కొన్నిసార్లు-వర్షపు కొరత గా కొన్నిసార్లు ప్రకటింపబడుట అని,వర్షాయచావర్షాయచ అంటూ చెప్పుకున్నాడు.అంతటితో ఆగలేదు.ఇరిణ్యాచ-చవిటినేలను నేనే అన్నాడు.కిగుం శిలాయచ రాళ్ళనేలను కూడా నేనే అని గొప్పలుచెప్పుకున్నాడు.అ...

   ఓం నమః శివాయ-77    *********************   నిన్ని సొంతమని సేవిస్తే సుంతైనా కానరావు   ఎంతలేసి మాటలనిన సొంతమని అంటావు   నిన్నుచూడ తపియించగ నిరీక్షణే మిగుల్చుతావు   నెవ్వెంతవన్న ముందు ప్రత్యక్షము అవుతావు   కరుణించే వేళలలో కఠినముగా ఉంటావు   లెక్కలేదన్న వారిపై మక్కువ చూపుతావు   మనసును కట్టేయమంటే బెట్టెంతో చేస్తావు   కట్టుబాటు లేనివానిని కట్తిపడేస్తుంటావు   ముసలితనము వచ్చినా ముక్కిమూల్గమంటావు   పసికందుల హతమార్చి కసితీర్చుకుంటావు   నీ పనులప్రభావము నీకసలు తెలియదుగా   మక్కువలేదంటున్నారురా ఓ తిక్కశంకరా.   శివుడు నువ్వు లేవని,నిన్ను లెక్కచేయనని,మోసగాడివని,నీ అవసరము నాకు లేదని,నీకు ప్రీతికరమగు విధముగా నేనెందుకు ఉండాలని తర్కము చేసే వారిపై మక్కువ చూపిస్తాడు కాని భక్తితో కొలిచే వారికి,అనుగ్రహమునకై పరితపించే వారిపై నిర్లక్ష్యమును చూపుతు,సందభోచితము కాని పనులను చేస్తుంటాడునింద. ప్రత్యక్షము నమః శివాయ-పరోక్షము నమః శివాయ విరుధ్ధము నమః శివాయ-సన్నధ్ధము నమః శివాయ    నమః శివాయ నమః శివాయ...

  ఓం నమః శివాయ-51   ********************  నగుమోముతో నగములు నిన్ను బంధువు అంటున్నవి  సాలెపురుగు పాలె దోమ దయాసింధువు అంటున్నది  తుమ్మెద అమ్మమ్మ నిన్ను కమ్మని చుట్టము అంది  కరిరాజు పరివారము తమ సరివాడవు అంటున్నవి  ఎద్దుతరపు పెద్ద నిన్ను పెద్దయ్య అంటాడట  లేడి చేడియ నిన్ను తనవాడివి అంటున్నది  వ్యాళపతి వాసుకి నిన్ను చుట్టమని చుట్టుకుంది  తిన్నని కన్న అడవి కన్నతండృఇ అంటున్నది  హరి సంగతి సరేసరి అసలుచుట్టమంటాడు  ఇందరి చుట్టమైన నీవు నన్ను చుట్టుకోకుంటేను " నరత్వం-దేవత్వం-నగవన మృగత్వం" అన్న లహరి   లెక్కలోకి రాదురా  ఓ తిక్కశంకరా.       శివునికి చుట్టములు కొండలు-కీటకములు-జంతువులుఅడవి మొదలైనవే కాని సరివారు ఎవరులేరు కనుక నేను స్తుతిచేస్తుంటే నన్ను కరుణించుట లేదు--నింద.   శిల్పం నమః శివాయ-శిల్పి నమః శివాయ   వేట నమః శివాయ-వేటు నమః శివాయ( దెబ్బ)   నమః శివాయ నమః శివాయ ఓం నమః శివాయ " నరత్వం దేవత్వం నగవన మృగత్వం మశకతా   పశుత్వం కీటత్వం భవతు విహ...

  ఓం నమః శివాయ-75   *******************  అగ్నికార్యఫలితములు అన్నీ ఇంద్రునికైతే  బృహస్పతి చేరాడు బుధ్ధితో ఇంద్రుని  సరస్వతి చేరింది బృహస్పతిని చూసి  వరుణుడు చేరాడు ఆదరణకై ఆ ఇంద్రుని  భూమికూడ చేరింది ఈవి కోరి ఆ ఇంద్రుని  గాలివీచసాగింది నేరుగా ఆ ఇంద్రుని  అవకాశము ఇది అని ఆకాశము చేరింది  ఆశ్వనీదేవతలు ఆశ్రయించారు ఇంద్రుని  పంచభూతములు కలిసి నిన్ను వంచించేస్తుంటే  పంచాల్సిన ఫలితమును అంతా దోచేస్తుంటే  స్వార్థమంత గుమికూడి అర్థేంద్రముగా మారింది  నిన్నొక్కడినే వేరుచేసి ఓ తిక్కశంకరా.  వేదశాస్త్ర ప్రకారము దేవతలు యజ్ఞకృత హవిస్సును ఆహారముగా స్వీకరిస్తారు.వారికి ఆ అవకాశమును  అనుశివుడేగ్రహించాడు.కాని వారు శివుని లెక్కచేయక,శివునికి తెలియకుండా,చెప్పకుండా,తామందరు కుమ్మక్కై ,శివుని యజ్ఞ హవిస్సులో సగభాగమును ఈయకుండా,తామే స్వీకరించాలని వెళ్ళిన శివుడు వారినేమి అనకుండా మౌనముగా చేతకాని వలె నున్నాడు-నింద.  యజ్ఞం నమః శివాయ-యజ్వ నమః శివాయ  కర్త నమః శివాయ-భోక్త నమః శివాయ  నమః శివాయ నమః శివాయ ఓం న...

  ఓం నమః శివాయ-74   ***************  వెండికొండ దేవుడవని వెండికొరకు నే వస్తే  దండిగా ఉన్న మంచు వెండివెండి నవ్వింది  మేరుకొండ విల్లుందని మేరువుకై నేవస్తే  చాటుగా ఉన్న విల్లు చిలిపిగా నవ్వింది  రాగిజటాజూటమని రాగికొరకు నేవస్తే  విరాగియైన జట మరీ విచిత్రముగా నవ్వింది  నీలలోహితుడవని ఇనుముకొరకు నేవస్తే  చాల్లే అంటూ విషము గేలిగా నవ్వింది  కుబేరుడు ముందున్నాడని ధనమునకై నేవస్తే  చేతులు కట్టుకున్నానని చేతకాక నవ్వాడు   ఎండమావులను నీళ్ళనుకుని కుండపట్టుకు వచ్చిన,    నా ఎక్కిళ్ళని ఆపవేర ఓ తిక్కశంకరా. ' రుద్రచమకములో శివుడు "హిరణ్యంచమే-సీసంచమే-త్రపుశ్చమే-శ్యామంచమే-లోహంచే ' అన్ని లోహములను పొందినవాడును-అనుగ్రహించగలిగిన వాడును అని చెప్పుకున్నాడని,భక్తుడు వాటికొరకు శివుని సమీపించి,ఘోరముగా పరాభవింపబడినను శివుడు చేతకాని వాడిలా కదలక మెదలక ఉన్నాడు.-నింద.   పసిడి నమః శివాయ-వెండి నమః శివాయ   రాగి నమః శివాయ -సీసము నమః శివాయ  నమః శివాయ నమః శివాయ ఓం నమః శివాయ.   రుద్రనమక-చమకముల అంతరార్థము అర్...

  ఓం నమః శివాయ-73   ******************  నీకన్న నీగుడులు నిరతము కిక్కిరిసి పోతుండగ  నీకన్న నీ బసవని అనయము కొనియాడుతుండగ  నీకన్న నీసిగశశి చాంద్రమానమగుచుండగ  నీకన్న నీజటలో గంగ నీరాజనములను పొందుచుండ  నీకన్న నీ కృత్తిక నిఖిలకీర్తినొందుచుండ  నీకన్న నీనామము నలుదెసల నర్తించుచుండ  నీకన్న నీ పరివారము ప్రస్తుతింపబడుచుండగ  నీకన్న నీభక్తుల కథలు మారుమ్రోగుచుండగ  నీకన్న నీ భోళాతనమే వేళాకోళమగుచుండగ నువు చూసి-చూడనట్లుగా-తెలిసి తెలియనట్లుగా  పోనీలే అంటుంటే-కానీలే అని మిన్నకుంటే  తొక్కేస్తారుర నిన్ను ఓ తిక్క శంకరా  శివుని కన్న శివుని గుడులు-బసవడు-చంద్రుడు-గంగ-కృత్తిక-నామము-ప్రమథగణములు-పరివారము మిక్కిలి ప్రశస్తిని గాంచినవి కాని శివుడు మాత్రము కిమ్మనకుండా ముక్కుమూసుకొని జపము చేస్తూ కూర్చుంటాడు కాని తన వైభవమును ప్రదర్శించుటకు సిధ్ధముకాడు-నింద.  చంద్రుడు నమః శివాయ-బసవడు నమః శివాయ  కృత్తిక నమః శివాయ-కృత్యము నమః శివాయ  నమః శివాయ నమః శివాయ ఓం నమః శివాయ.   " నిత్యానంద రసాలయం సురమునిస్వాంతా...

  ఓం నమః శివాయ-66   **********  నీ రూపము చూపించే కన్ను కన్నుమిన్నుకానకుంది  మళ్ళీ చూప్[ఇంచమంటే మళ్లను నేను అంటున్నది  నీ నామము వినిపించే చెవి చెవిటివాడనని అంటోంది  మళ్లీ వినిపించమంటే శంఖమూదరని అంటున్నది  నీ నామము పలికించే వాక్కు నన్ను సన్నగా నొక్కుతోంది  మళ్ళీ పలికించమంటే కిక్కిరుమనకు అంటున్నది  నీ చుట్టు తిరుగుకాలు నాపై ఒంటికాలిపై లేస్తున్నది  మళ్ళీ తిరుగుదామంటే పనిలేదా అంటున్నది  నీ చెంత వంగు తల నన్ను అతలాకుతలము చేస్తున్నది  మళ్ళీ వంగమన్నానని అవతలకు పొమ్మని అంటున్నది  శివునికేమి చేయాలని చీకాకుపెడుతున్న వాని  కొక్కిరాయి పనులను ఆపవేర ఓ తిక్కశంకరా.  శివుడు సర్వము తన కనుసన్నలలోనే నడుస్తుందని గొప్పలు చెప్పుకుంటాడు కాని భక్టుడు తన ఇంద్రియములు తన మాట వినటములేదని మొరపెట్టుకుంటున్నా ,వాటిని మందలించి,సరిచేయలేని అసమర్థుడు-నింద.   కన్ను నమః శివాయ-కనుసన్న నమః శివాయ   కరుణ నమః శివాయ-కైవల్యము నమః శివాయ  నమః శివాయ నమః శివాయ ఓం నమః శివాయ.  " మనస్తే పాదాబ్జే నివసతుః వచః స్...

  ఓం నమః శివాయ-71   ********************  నిను గుర్తించిన శ్రీ-కరి-కాళములకు గుడినే కట్టించావు  గుడిగోపురమును చూసిన పాపనాశనము అన్నావు  గుడ్డితనమును పోగొట్టి చూపునిస్తుంటావు  గురువుగా మారి వారిని తరియింపచేస్తావు  గుడిలో కూర్చుని గురుతర పూజలందుకుంటావు  గుహుని తండ్రివి వారి అహమును తొలగిస్తావు  గుగ్గిల నాయనారు భక్తిని గుబాళింప చేస్తావు  గుణనిధిని కరుణించిగుండెలో దాచుకుంటావు  గుచ్చిన బాణమును చూపి పాశుపతమునిచ్చావు  గుర్తించని వారికి భక్తిగుళికలు అందిస్తావు  గుక్కతిప్పుకోకుండా ఎక్కిఎక్కి ఏద్చునన్ను,నీ  అక్కున చేర్చుకోవేమిరా ఓ తిక్క శంకరా.

  ఓం నమః శివాయ-70   ********************   ఎత్తైన కొండలలో భోగనందీశ్వరుడనని అంటావు   చేరలేనంత ఎత్తులో చార్ధాంలో ఉంటావు   లోయలలో హాయిగా త్రిసిల్లిరి మహాదేవుడనని అంటావు   దూరలేనంత గుహలలో అమరనాథుడివై ఉంటావు   కీకారణ్యములలో అమృతేశ్వరుడనని అంటావు   ఏదారులలో వేడుకగా అమృతేశ్వరుడనని అంటావు   కనుమల దగ్గర కామరూపకామాఖ్యుడనని అంటావు   జలపాతాల లోతులలో బాణేశ్వరుడనని అంటావు   భూగర్భమున దాగి హంపి విరూపాక్షుడినని అంటావు   ఈదలేనంత గంగఒడ్డున ఈశ్వరుడినంటావు   నామదిని వదిలేసావు దయలేక తెలియదుగా   నీకు ఎక్కడ ఉండాలో ఓ తిక్క శంకరా.  శివుడు ఎత్తైన కొండలలో-లోతైన లోయలలో-ఎడారులలో-కీకారణ్యములలో-ఎక్కడెక్కడో ఉంటాడు కాని నిత్యము నిర్మలభక్తితో కొలిచే భక్తుని మదిలో ఉండాలని తెలియనివాడు.-నింద.  ఎత్తు నమఃశివాయ-లోతు నమః శివాయ  అడవి నమః శివాయ -ఎడారి నమః శివాయ  నమః శివాయ నమః శివాయ ఓం నమః శివాయ " గుహాయాం గేహేవా బహిరపి వనేవాద్రి శిఖరే   జలేవా వహ్నౌవా వసతు వసతేః కిం వద ఫలం   సదా యస్త్యైవాంతహ్కరణమప...

  ఓం నమః శివాయ-49   ****************   రుద్రాక్షలు ఇష్టము-చిన్ముద్రలు ఇష్టము   అభిషేకము ఇష్టము-అవశేషము ఇష్టము   బిల్వములు ఇష్టము-బిలములు ఇష్టము   తుమ్మిపూలు ఇష్టము-తుమ్మెదలు ఇష్టము   తాండవము ఇష్టము-తాడనము ఇష్టము   అష్టోత్తరము ఇష్టము-నిష్ఠూరము ఇష్టము   చందనాలు ఇష్టము-వందనాలు ఇష్టము   కాల్చుటయు ఇష్టము-కాచుటయు ఇష్టము   లయగ ఆడుట ఇష్టము-లయముచేయుట ఇష్టము   మహన్యాసము ఇష్టము-మహాశివరాత్రి ఇష్టము   కష్టాలలోనున్న నాపై ఇష్టము చూపించకుండుట  నీ టక్కరితనమేరా ఓ తిక్కశంకరా.  శివుడు రుద్రాక్షలను-అభిషేకములను-తుమ్మిపూవులను,మారేడు దళములను-కొండగుహలను చందనములను ఇష్టమని ప్రకటించుకున్నాడు.ఇంతేనా ఇంకా ఏమైన వున్నాయా అని అడిగితే చిన్ముద్ర-అవశేషాలు-నాట్యములు-దండించుట-తుమ్మెదలు-నమస్కారములు కాల్చుట-కాచుట మహన్యాసములు ఇష్టమనినాడు.తనకు కావలిసిన సమాధానము రాలేదని ఇంకా ఏవైనా మరిచిపోయినావా శివా అని అడిగితే దరహాసం చేస్తాడు కాని తనపై దయ ఉందని మాత్రము అనడు-నింద.  బిలము నమః శివాయ-బిల్వము నమః శివాయ  కాల్చుట నమః శివాయ-...