OM NAMA sIVAAYA-78

 ఓం నమః శివాయ-78
 *******************

 " ఊర్క్చమే-మసురాశ్చమే " అని చమకము అడుగుతోంది నిన్ను
  నేలలోనున్న కలిని శూలముతో తరిమేయమని

 చంద్రును అమృతధారలను చెలిమి కురిపించమని
 చక్కని సాగుబడికి సలిలమును ప్రవహించమని

 చరచర పాకుచు పాములను చేనును రక్షించమని
 అగ్గివేడి హరితమై ఆహారముగా మార్చమని

 ప్రమథగణమును ప్రమదముతో పంటలు పండించమని
 ఆదరముతో అమ్మను అన్నపూర్నగా తరలమని

 కలుపును అణిచివేసి పులును అందించమని
 ఆకలి అనేమాట పలాయనము చిత్తగించమని

 పనిపెట్తమని తనగిట్టలకు పరమేశా నీ ఎద్దుని
 దుక్కిదున్నమనవేరా ఓ తిక్కశంకరా.


రుద్రనమకములో శివుడు తననితాను "ఊర్యాయచ" భూమిని నేనే నని,దానినుండి ఉద్భవించిన శుష్కాయచ-హరిత్యాయచ  ఎండిన చెట్లు-పచ్చని చెట్లు కూడా తానేనని,అంతేకాకుండ వాటికి ఆ స్థితిని కల్పించుటకు కూడా తానే వర్షముగా కొన్నిసార్లు-వర్షపు కొరత గా కొన్నిసార్లు ప్రకటింపబడుట అని,వర్షాయచావర్షాయచ అంటూ చెప్పుకున్నాడు.అంతటితో ఆగలేదు.ఇరిణ్యాచ-చవిటినేలను నేనే అన్నాడు.కిగుం శిలాయచ రాళ్ళనేలను కూడా నేనే అని గొప్పలుచెప్పుకున్నాడు.అదంతా నిజమేననుకొని చమకములో సాధకుడు పరమేశ్వరా నా యజ్ఞమును సమర్థవంతము చేయుటకు నీవు అగ్ని-విష్ణు రూపములతో వచ్చి(స్థితికర్తలుగ)  "వాజశ్చమే" నాకు అన్నమును ప్రసాదింపుము అని ప్రార్థించినప్పటికిని,శివుడు తనదగ్గర నున్న వాటిని సిధ్ధపరచుటలో అసమర్థుడు కనుక మిన్నకున్నాడు.-నింద.

హరితం నమః శివాయ-శుష్కం నమః శివాయ
ఆకలి నమః శివాయ-అన్నము నమః శివాయ

 నమః శివాయ నమః శివాయ ఓం నమః శివాయ.

శివా నీవే కరుణతో "సీరంచమే" నాగలిని తత్సంబంధమైన పరికరములను అనుగ్రహించి,కృషిచేయునప్పుడు కలుగు (సాధన సమయములో) కలుగు అవరోధములను తొలగించి." ఊర్క్చమే" సామాన్యమైన అన్నమును,పయిశ్చమే-పాలను,ఘృతశ్చమే-నేతిని,మధుశ్చమే-తేనెను ఐంకా అవసరమైన వానిని అనుగ్రహించి,"అక్ష్త్-చమే" ఆకలిని లేకుండా,విషయవాసనలయందు అనురక్తిని తొలగించి,అనుగ్రహింపుము.అనేకానేక నమస్కారములు.-స్తుతి.

 ఏక బిల్వం శివార్పణం.