ఓనమాలు (Onamaalu)

శ్రీచక్ర పంచమావరణదేవతాః సర్వసిద్ధిప్రదే, సర్వసంపత్ప్రదే, సర్వప్రియంకరీ, సర్వమంగళకారిణీ, సర్వకామప్రదే, సర్వదుఃఖవిమోచనీ, సర్వమృత్యుప్రశమని, సర్వవిఘ్ననివారిణీ, సర్వాంగసుందరీ, సర్వసౌభాగ్యదాయినీ, సర్వార్థసాధక చక్రస్వామినీ, కులోత్తీర్ణయోగినీ,  సర్వార్థసాధక చక్రము-05  ********************  "" కులం శక్తిః ఇతి ప్రోక్తం అకులం శివ ఉచ్యతే"  బహిర్దశార చక్ర పరివారదేవతలైన ఐదవ ఆవరనములో విలసిల్లుతూ,సధకునికి ఋజుమార్గ పయనమునకు సహాయపడు పదిశక్తులు కులయోగినులు.   అగ్నికి విస్పులింగములవలె పరమేశ్వరికన్న భిన్నముకాని ,పరమేశ్వరిచే విస్తరింపబడీ శక్తులు.    మరికొందరు వీరినే దశవాయువులుగాను,నారాయణుని దశావతారములుగాను కీర్తిస్తారు.    పది త్రికోణమూగా పదిశక్తులు ప్రకటితమయే ఊహాచతురస్రము.  అనంతశక్తులను దాటి,సర్వము తామై విలసిల్లే సర్వశక్తుల అనుగ్రహముతో సాధకుడు తన లక్ష్యమును సులభముచేసుకొనుచున్నాడు.  వారే,  1.సర్వసిద్ధిప్రదే  2.సర్వ సంపత్ప్రదే  3.సర్వ ప్రియంకరీ  4.సర్వ మంగళకారిణీ  5.సర్వకామ/కాయ ప్రదే  6.సర్వ దుఖః విమోచనీ  7.సర్వమృత్యుప్...

శ్రీచక్ర చతుర్థావరణదేవతాః సర్వసంక్షోభిణీ, సర్వవిద్రావినీ, సర్వాకర్షిణీ, సర్వహ్లాదినీ, సర్వసమ్మోహినీ, సర్వస్తంభినీ, సర్వజృంభిణీ, సర్వవశంకరీ, సర్వరంజనీ, సర్వోన్మాదినీ, సర్వార్థసాధికే, సర్వసంపత్తిపూరిణీ, సర్వమంత్రమయీ, సర్వద్వంద్వక్షయంకరీ, సర్వసౌభాగ్యదాయక చక్రస్వామినీ, సంప్రదాయయోగినీ,  సర్వార్థసాధక చక్రము-04  *****************************   పదునాలుగు శక్తుల అంతర్ చతుర్దశారము.సమ్యక్ప్రాదాన స్థానము.అదే సంప్రదాయ యోగినుల అనుగ్రహభావనము.   మనము నవావరన గమనమును మూడుభాగములుగా కనుక వర్గీకరించుకుంటే మనము మొదటి భాగమైన మూడు ఆవరనములను సందర్షించి యోగినిశక్తుల అనుగ్రహమునకు పాత్రులమైనట్లే.త్రైలోక్యమోహనచక్రములోని 28 యోగినులు,దర్వాశాపరిపూరకములోని 16 యోగినులు,సర్వసంక్షోభన చక్రములోని 8 యోగినులు రేకులుగా మార్గమధ్య బిందువులుగా మనకు సూచింపబడినారు    ఈ విభాగము మనకు త్రికోణ సంకేతములతో,ఒక ఊహావృత్తము చుట్టు ఉన్న 14 త్రికోనములను పరిచయము చేస్తున్నది.ఇకమీదట మనకు త్రికోణములే శక్తులకు ప్రతీకగా వివరింపబడతాయి.సూక్ష్మత్వమునకు ప్రతీకలుగా నాలుగు త్రికోణములు ఊర్థ్వముఖముగాను,స్థూలత్వమునకు సంకేతముగా ఐ...

శ్రీచక్ర తృతీయావరణదేవతాః అనంగకుసుమే, అనంగమేఖలే, అనంగమదనే, అనంగమదనాతురే, అనంగరేఖే, అనంగవేగినీ, అనంగాంకుశే, అనంగమాలినీ, సర్వసంక్షోభణచక్రస్వామినీ, గుప్తతరయోగినీ,  త్రైలోక్యమోహన చక్రములోని ప్రకటయోగినులలోని మాతృకాశక్తులు సిద్ధశక్తులను ముద్రాశక్తులను అనుసంధిస్తూ,సాధకుని గమనమును సర్వాశాపరిపూరకచక్రము అదే రెండవ ఆవరనము దగ్గరకు చేర్చుటకు కారణమైనాయి.రెండవఆవరనములో నున్న పదహారు రేకుల రూపసంకేతముగా నున్న గుప్తయోగినులు సాధకునకు పంచభూతములను,పంచేంద్రియములను,జ్ఞాన-కర్మ లతో పాటుగా మనసు యొక్క పరిమానమును వివరిస్తూ,చైతన్యపరుస్తూ సద్గతికి అనుకూలమైన మూడవ ఆవరణమునకు అదే సర్వ సంక్షోభచక్రమునకు చేరుటకు సహాయపదతాయి.  సర్వాశాపూరక చక్రమువలె ఈ ఆవరణము సైతము వృత్తాకారముగా ఊహించుకొనుచున్నప్పటికి,రేకుల విషయము ఎనిమిదిగా ఎనిమిది శక్తులు అనంతత్త్వమును పరిచయము చేస్తున్నాయి.  వీటినే గుప్త తర యోగినులు అని కూడా కీర్తిస్తారు.    అసలు యోగము అంటే ఏమిటే అర్థమయితే దానిని అనుగ్రహించే శక్తియే యోగినిగా గుర్తించవచ్చును.    జీవునియొక్క పరమాత్మ సంయోగ విషయమే కదా యోగము.ఏకత్వమునకు చేరువా కావాలంటే అనేకత్వమునకు దూ...

శ్రీచక్ర ద్వితీయావరణదేవతాః కామాకర్షిణీ, బుద్ధ్యాకర్షిణీ, అహంకారాకర్షిణీ, శబ్దాకర్షిణీ, స్పర్శాకర్షిణీ, రూపాకర్షిణీ, రసాకర్షిణీ, గంధాకర్షిణీ, చిత్తాకర్షిణీ, ధైర్యాకర్షిణీ, స్మృత్యాకర్షిణీ, నామాకర్షిణీ, బీజాకర్షిణీ, ఆత్మాకర్షిణీ, అమృతాకర్షిణీ, శరీరాకర్షిణీ, సర్వాశాపరిపూరక చక్రస్వామినీ, గుప్తయోగినీ,  సర్వాశాపరిపూరకము  ****************  'మనోబుద్ధయహంకారచిత్తాను" అంటూ ఆదిశంకరులు చిత్తవృత్తులను చిదానందముగా విపులీకరించారు.    " కంజాక్షునకు గాని కాయంబు కాయమే" అంటూ ప్రహ్లాదుని ద్వారా అదే సత్యమును నొక్కివక్కాణించారు.    షోడశదళపద్మముగా తన శక్తులను 16 విభాగములు చేసి,తనకుతాను పలుమారులు ఆవృత్తమగుచు జీవులను తమకుతాము స్వయంసమృద్ధులుగా భావింపచేస్తోంది అడ్డుగా నిలిచిన మాయ.  ప్రతి మనిషి తన పంచేంద్రియములద్వారా,పంచభూతముల సహాయముతో,పంచతన్మాత్ర పరంపరతో ప్రకటింపబడుట వెనుక దాగిన పరమరహస్యమే,అజ్ఞాతముగా దాగి,ఆసరగా నిలబడుచున్న పదహారుశక్తుల ప్రస్తావనము.   ఈ శక్తులను గుప్తయోగినులు/ఆకర్షణశక్తులగాను  భావిస్తారు.  చిత్తమనే భరిణెలో మనస్సు-బుద్ధి-అహంకారము మొదలగు చిత్తవృత...

  శ్రీచక్ర ప్రథమావరణదేవతాః అణిమాసిద్ధే, లఘిమాసిద్ధే, గరిమాసిద్ధే, మహిమాసిద్ధే, ఈశిత్వసిద్ధే, వశిత్వసిద్ధే, ప్రాకామ్యసిద్ధే, భుక్తిసిద్ధే, ఇచ్ఛాసిద్ధే, ప్రాప్తిసిద్ధే, సర్వకామసిద్ధే, బ్రాహ్మీ, మాహేశ్వరీ, కౌమారి, వైష్ణవీ, వారాహీ, మాహేంద్రీ, చాముండే, మహాలక్ష్మీ, సర్వసంక్షోభిణీ, సర్వవిద్రావిణీ, సర్వాకర్షిణీ, సర్వవశంకరీ, సర్వోన్మాదినీ, సర్వమహాంకుశే, సర్వఖేచరీ, సర్వబీజే, సర్వయోనే, సర్వత్రిఖండే, త్రైలోక్యమోహన చక్రస్వామినీ, ప్రకటయోగినీ,  త్రైలోక్యమోహన చక్రము  ******************  అతిసుందరమైన అమ్మ శ్రీమన్నగరానికి ప్రయాణం మొదలైనది అమ్మ ఆశీర్వచనముగా.నిక్షిప్తముగా నున్న అమ్మదయను ప్రక్షిప్తము చేఉకొనే స్తుతిమాలగా.అదే భవతిమిరములను తుంచివేసే ఖడ్గమాలగా.  బైందవాసన అయిన అమ్మను చేరాలంటే అన్ని మెలికలు తిరుగుతూ ఒకచోట ఒంగుతూ,మరొకచోట ముడుచుకుంటూ,వేరొక చోట ఆకర్షింపబడుతూ,ఇవి నిజమైనవికావని మనకు మనము గ్రహిస్తూ చేరొకోవాలంటే కొన్ని నియమములు,నిర్ణయములు తప్పనిసరియే.  ఇన్నిదారులు ఇంతకట్టడి  అనే సందేహము మనకు రావచ్చును.నది ఒకనిర్ణీత క్రమములో ప్రవహిస్తుంటే భూమి సస్యశ్యామలము.కట్టలు తెగి ని...

 సర్వానందమయ చక్రము  ******************  బైందవాసనా అని లలితసహస్రనామస్తోత్రము కీర్తించుచున్న బిందు స్థానము ఇది.శివశక్తులసమాగమ శక్తి యొక్క సూక్ష్మరూపమే ఈ బిందువు.నిక్షిప్తము చేయబడిన సర్వశక్తిమయము.  నాద-కళ-బిందువుగా మూడు విభాగముల వైభోగము.  అవ్యక్త శబ్దము నాదమైతే-దానితోపాటుగా సృష్టి విస్తరణను చేయాలన్న తలపే కల/కళ ఐతే-ఏకముగా నున్న శక్తి అనేకానేకములుగా ప్రకటితమగుటయే,దానికి అనుగుణముగా విస్తరించుకొనుటయే బిందు/బిందువుగా శాక్తేయులు భావిస్తారు.  అంతేకాదు,ప్రకాశము-విమర్శకముగా కూడా భావిస్తారు.మూలము నుండి విడివడిన శక్తి /శివ అనుకుంటే,విశ్వరచనగా ప్రకటింపబడిన శక్తిని విమర్శగా కీర్తిస్తారు.  విశ్వవిస్తృత చిచ్ఛక్తియే బిందువు.  శరీరపరముగా అన్వయించుకుంటే సహస్రారమే ఈ బిందువు.పరాత్పరరహస్య  యోగిని నివాసము. షోడశీ మంత్రము నాదము.షడంగదేవత విరాజితము.నిత్యానందరూపము   బిందువు సర్వావరణములకు ప్రతీక.సర్వశక్తిమిళితము.నవరసమయము  అద్వైత అమృతానందమయ అనుగ్రహము. .  

   "శివ ఏవ గురుః సాక్షాత్ గురుః ఏవ శివః స్వయం."  బిందువు,బిందువు చుట్టు ఊహాత్రికోనములో నిత్యాశక్తులు,ఆ త్రికోనముచుట్టునున్న ఊహా వృత్తమును గురుమండలముగా భావించి శాక్త్యేలు ఆరాధిస్తారు.   కొందరి అభిప్రాయము ప్రకారము గురుమండలము దక్షిణామూర్తితో ప్రారంభింపబడి నారాయణుడు,బ్రహ్మ,సాకాదులు,శంకరాచార్యులు శిష్యులతో అలరారుతుంది.  గురుప్రియ గురుమూర్తి రెండుతానై గురుమండలరూపిణిగా విరాజిల్లుతున్న సర్వశక్తియే దక్షిణ అవ్యక్త-మూర్తిగా వ్యక్త మూర్తిగా ఆరాధింపబడుతున్నది.  ఒకవిధముగా చెప్పాలంటే గురుసంప్రదాయమే గురుమండలము.గురుమూర్తి యొక్క ఇచ్చాశక్తియే గురుప్రియగా ప్రకటింపబడుతున్నది.  గురుమండలము దివౌఘ,సిధ్ధౌఘ,మానవైఘులుగా విభజింపబడి విరాజిల్లుచున్నది.  శాక్తేయ సంప్రదాయము ప్రకారము త్రిమూర్తులను దివౌఘులుగా,  "గురుబ్రహ్మ గురుర్విష్ణు గురుర్దేవో మహేశ్వరః అని సన్నుతిసున్నాము.   సనకాది మునులను సదా విరాజిల్లే గురువులుగా కీర్తిస్తున్నాము  పీఠాధిపతులైన గురువులను మానవౌఘ గురువులుగా దర్శించి సన్నుతిస్తున్నాము.  పైన వివరించిన మూడు వర్గముల గురువులు మార్గదర్శకులే.సాధకుని ...

    నిత్యామండలము  *************  ఉత్పత్తి-నాశనములేని లేని శక్తి నిత్య.స్థిరమైన/శాశ్వతమైన శక్తి.అటువంటి శక్తి తాను మాత్రము స్థిరముగా ఉంటూనే,తననుండి పదిహేను శక్తులను ప్రకటింపచేసి,వానిని చలింపచేస్తూ/సూర్యుని నుండి చంద్రుని దగ్గరకు,చంద్రుని నుండి సూర్యుని దగ్గరకు చేరుస్తూ,రోజులను,పక్షములను,మాసములను,సంవత్సరములను ఏర్పాటుచేస్తుంది.    ఈ పదిహేను శక్తులు బిందువు చుట్టు ఉన్న ఊహాత్రికోణములో,ఒక్కొక్క కోనమునకు ఐదు శక్తులు చొప్పున ఉంటాయి.అష్టమి శక్తి అయిన తవరితే మకుటముగా పైన ఉన్న అడ్దకోణము మధ్యలో ఉంటుంది.     కామేశ్వరి-భగమాలిని-నిత్యక్లిన్నే-భేరుండే-వహ్నివాసిని,మహావజ్రేశ్వరి,,శివదూతి,త్వరితే,కులసుందరేన్ నిత్యే,నీలపతాకే,విజయే,సర్వమంగళే,జ్వాలామాలిని,చిత్రే అను పదిహేను శక్తులు మూలశక్తి ఆజ్ఞానుసారముగా,పగటివేళ ప్రకాశముగా,రాత్రులందు విమర్శలుగా ,రాత్రులందు మధువును గ్రహిస్తూ,పగటివేళ మనందరిమీద ప్రసరిస్తూంటాయి.  మిక్కిలి వాత్సల్యముతో ఈ శక్తులు సూర్యచంద్రుల సమసప్తక స్థితికి,(పౌర్ణమి) సూర్యచంద్రుల సమాగమనమునకు (అమావాస్య)కు కారణమగుచున్నాయి.   ఈ పదహారుశక్త...

   ప్రజ్ఞానం బ్రహ్మ-తత్త్వమసి-అయం బ్రహ్మ-అహం బ్రహ్మ అని నాలుగు వేదములలోని మహావాక్యములను విన్నప్పుడు నాలుగింటిలో బ్రహ్మం అనే మాట ఉన్నది కదా  బ్రహ్మము అంటే ఏమిటి?అన్న సందేహము ను కలిగించి,నివృత్తికై ఖడ్గమాల అను స్తుతిమాలను జ్ఞప్తికి స్పురింపచసిన అమ్మకు అనేకానేక నమస్కారములు.ఖండించేది ఖడ్గము.  మనము తలచుకొనుచున్న ఖడ్గము లోహనిర్మితముకాదు.తుప్పుపట్టదు.విరిగిపోదు.కాల్చినంతనే కరిగిపోదు.  మంత్రబీజాక్షర మహిమాన్విత శక్తి.భాగ్యప్రదానము.భావనాతీతము.బహుశుభంకరము.అంతర్యాగ సాధనము.  పాంచభౌతిక శరీరమే నేను అను మాయను ఖండించి ప్రత్యగాత్మను పరిచయము చేసేందుకు అనుసంధానముచేసి,అహంబ్రహ్మాస్మి అనిపించే ఆలంబన అమ్మవారి ఖడ్గమాల స్తోత్రము..        

 ప్రకటయోగినులుగా 28 శక్తిదేవతలు కీర్తింపబడుతారు.వీరుండు స్థానమును త్రైలోక్యమోహనచక్రము అని అంటారు.మూడు ఊహా చతురస్త్రాకారాములుగా విభజింపబడినది.ఈ మూడు విభాగములను భూపురములు అంటారు.   మూడవ భూపురములో ప్రాప్తి-సర్వకామ అను రెండు ప్రత్యేకసిధ్ధులతోపాటుగా అణిమ-గరిమ-లఘిమ మొదలగు అష్టసిద్ధులు వెరసి 10 శక్తులు పరిపాలిస్తుంటాయి.   మూలాధారమునకు సంబంధించిన శక్తులు చర్మచక్షువులు గుర్తించగలవు.     రెండవ భూపురములో మహాలక్ష్మి అను ప్రత్యేక స్థితితోపాటుగా బ్రాహ్మీ-మాహేశ్వరి-కౌమారీ-వైష్ణవీ మొదలగు మానసిక స్థితులు కొలువై ఉంటాయి.   సాధకునకు తనయొక్క మూలమును తెలుసుకోవాలనే తపనను కలిగించి అనువైన అన్వేషణ మార్గమును చూపిస్తాయి.   వీరినే అరిషడ్వర్హ సమూహముగాను,సప్తధాతు సమాహారముగాను మరొక కోణములో భావిస్తారు.     మొదటి భూపురములో సంక్షోభిణి,విద్రావిణి,ఆకర్షిణి,వశంకరి మొదలైన ముద్రాశక్తులు సహాయపడి సాధకునిలోని జడత్వమును తొలగించి,చైతన్యవంతుని చేయుటకు తనను తాను తెలుసుకోవటానికి సర్వాశాపరిపూరక చక్రమును పరిచయము చేస్తాయి.   

   భావనామాత్ర సంతుష్టా-అతిరహస్యయోగినులు  ***************************  సర్వసిద్ధిప్రద చక్రముగా కీర్తింపబడు పాపిట స్థానములో నున్న నాలుగు ఆయుధశక్తులను,అవస్థలను నియంత్రించు మూడు శక్తులను అతిరహస్య యోగినులుగా ప్రస్తుతిస్తారు.ఊహా చతుర్స్రములో దాగిన  త్రికోణములోని   మూడు బిందువులను జాగ్రత్-స్వప్న-సుషుప్తులను సమన్వయ పరచి,సాధకునకు సహాయపడు మహాకామేశ్వరి-మహావజ్రేశ్వరి-మహాభగమాలిని నామములతో స్తుతిస్తారు.త్రికోణ మూడు కోణములలో నున్న బిందువులుగా భావిస్తారు.చతురస్ర నాలుగు బిందువులను చాపిని-బాణిని-పాశిని-అంకుశిని అను నాలుగు శక్తులుగా,వాటి స్థానములను చతురస్ర నాలుగు మూలల బిందువులుగాను భావిస్తారు.  సాధకుని మనసనే ధనువు సంధించే జ్ఞానేంద్రియ బాణములను కళ్ళెములు లేని గుర్రములవలె పరుగెత్తనీయకుండా పాశమనే సక్తిదయతో,అంకుశమనే విచక్షణను కలిగించి,జడత్వమును నిర్మూలించి శుద్ధచైతన్యము దర్శించు పాత్రతను కలిగించును. వీరినే అశ్వారూఢా,సింధురవ్రజా,వారాహి రూపములుగాను భావిస్తారు.ఇవన్నీ  ఆ శక్తుల సంకేత నామములు.సర్వశుభంకరములు.

   భావనామాత్ర సంతుష్టా-రహస్య యోగినులు *******************************  లలాటస్థాన నివాసినులైన వశిని మొదలగు ఎనిమిది సక్తులను రహస్య యోగినులుగా కీర్తిస్తారు.వీరినే వాగ్దేవతలని కూడా సంబోధిస్తారు.సనాతన ధర్మ ప్రకారము వీరిచే శ్రీలలితాసహస్రనామములు ప్రకటింపబడినవని విశ్వసిస్తారు.  వీరిలో వశిని-కామేశ్వరి అను రెండు శక్తులు శీతోష్ణములను సమన్వయపరుస్తు సాధకునికి సహకరిస్తుంటాయి.శబ్ద-స్పర్శలను సైతము నియంత్రిస్తుంటాయి.    మోదినీ విమల అను రెండు శక్తులను సుఖ-దుఃఖ దాయకములగాను భావిస్తారు.  జయిని కామేశ్వరి కౌళిని సత్వరజతమోగుణములను సమన్వయపరిచే శక్తులు.మనస్సును మనసులో జనించే రాగద్వేషములను సర్దుబాటు చస్తూ,మూడు అవస్థలలోను సాధకునికి చైతన్యప్రాప్తిని పొందుటకు సహాయపడుతుంటారు 

  భావనా మాత్ర సంతుష్టా-గుప్తతర యోగినులు  ********************************  సర్వాశాపరిపూరకచక్రములోని 16 గుప్తయోగినులు పంచేద్రియములను పంచభూతములతో కర్మేంద్రియములను పంచతన్మాత్రలతో అనుసంధానముచేసి ఆత్మసాక్షాత్కారమునకు సిధ్ధముచేస్తుంటే,మరికొంచము ముందుకు సాధకుని సాధనను జరుపుతూ,8 మంది గుప్తతర యోగినులు సర్వసంక్షోభచక్రములో అనంగులై మానసిక పరిపక్వతకై పాటుపడుతుంటారు.ఆకర్షణ శక్తులైన గుప్తయోగినులు ఉపాధిని సిధ్ధము చసిన తరువాత,అనంగ శక్తులు అనగా శరీరమునకు సంబంధములేని ,మనసుతో శరీరమును సైతము నియంత్రించగలిగిన మహిమాన్వితములు.  అనంగ కుసుమా  అనంగమేఖలా  అనంగ మదనా  అనంగ మదనాతురా  అనంగ రేఖా  అనగవేగినీ  అనంగాంకుశా    అను ఈ మానసికశక్తులు మంచిభావములను సాధకుని మనసులో కలుగచేస్తూ,ధర్మబధ్ధ ప్రవర్తనను పెంపొందింప చేస్తాయి.అనంగ వేగినీ కొత్త కొత్త ఆలోచనలకు ప్రవృత్తిగా,దురాలోచనలకు నివృత్తిగా అనంగాంకుసినీ శక్తి సహాయపడుతుంటే,అనంగమాలిని శక్తి తటస్థ భావమును కలిగిస్తూ,అనవసర భావనలకు దూరముగా ఉంచుతుంది.  అనంగదేవతలు సాధకుని అంతరంగములో కుసుమే ఒక సంకల్పమును పుష్పింపచేయుశక్...

   భావనామాత్ర సంతుష్టా-గుప్తయోగినులు  ***************************   త్రైలోక్య మోహన చక్రమును దాటిన తరువాత నున్న రెండవ ఆవరణమును "సర్వాశాపూరక చక్రము"గా కీర్తిస్తారు.ఇక్కడ పదహారు శక్తులు /ఆకర్షణ శక్తులు మనలను మనచుట్టునున్న ప్రకృతితో అనుసంధానమును చేసి సాధకుని ఇంద్రియములను శుభ్రపరుస్తుంటాయి.  కామాకర్షిణి,బుధ్ధ్యాకర్షిణి,శబ్దాకర్షిణి,రసాకర్షిణి,గంధాకర్ష్ణి,రూపాకర్షిణి,స్పర్శాకర్షిణి అను పంచతన్మాత్రలను,వాటికి మూలకారనమైన పంచభూతములను, మనలోని పంచ జ్ఞానేంద్రియ-కర్మేంద్రియములతో సమన్వయ పరచి మనకు సహాయపడుతుంటాయి.  మనకు  గుడ్డితనము,మూగతనము,అవిటితనము మొదలగు ఇంద్రియ రుగ్మతలను నివారించుచు మనలను కాపాడుతుంటాయి.   కామాకర్షిణి ధర్మబధ్ధమైన కోరిక సర్వేజనా సుఖినో భవంతు అనేలా బుధ్ధిని సన్మార్గమువైపు నడిపిస్తూ,ఆత్మతత్త్వమనే అహంకారమును వివరిస్తూ స్వయంప్రకాశమును దర్శింపచేయుటకు సహాయపడుతుంటాయి.   

   భావనామాత్ర సంతుష్టా-నిగర్భయోగినులు  ****************************  సర్వరక్షాకరచక్రములో ఉండే 10 అద్భుత శక్తులను "నిగర్భయోగినులు"గా కీర్తిస్తారు.  మనలను గర్భస్థశిశువులుగా ఉన్నప్పటినుంచి మనలను రక్షించుచున్న మహిమాన్వితశక్తులు వీరు.సర్వ ఉపసర్గతోకూడిన వీరిని, 1.సర్జే 2.సర్వశక్తే 3.సర్వైశ్వర్యప్రదాయిని 4.సర్వజ్ఞానమయి 5.సర్వవ్యాధివినాశిని 6.సర్వధారాస్వరూపే 7.సర్వపాపహరే 8.సర్వానందమయీ 9.సర్వరక్షాకరీ 10.సర్వఈప్సితఫలప్రదే    అను దివ్యనామములచే సంకీర్తింపబడతారు వీరు.  వీరు సర్వమునకు ఆధారభూతులు.అంతేకాదు శక్తిమంతులు.శక్తిని ఏవిధముగా ఉపయోగించుకోవాలో తెలియచేసే జ్ఞాన సంపన్నులు.కనుకనే మన కోరికలను తీరుస్తూ,మనకు ఆనందమును అందించగలుగుతున్నారు.అంటే మన కోరికలను ధర్మబధ్ధముగా ఉండేటట్లు విచక్షన అను సంపదను  ప్రసాదిస్తున్నారు.   ఆ సంపద మనలను సర్వవేళలను రక్షిస్తోంది.   శారీరక పరముగా అన్వయించుకుంటే నిగర్భయోగినులు జీర్ణవ్యవస్థను సక్రమముగా పనిచేయిస్తుంటారు.దానికి అవసరమైన పది వాయువులను సమపాళ్ళలో ప్రసరింపచేస్తుంటారు.  అంతర్దశార శక్తులైన వీరు భక్ష్య-భోజ్య-చోష్య-ల...