SIVA SANKALPAMU-56

 నిన్ను చూపించే ఈ కన్ను కన్ను మిన్ను కానకుంది
 మళ్ళీ చూపించమంటే  మళ్ళలేను అంటోంది

 నీ పేరును వినిపించే చెవి నన్ను చెవితి అని అంటోంది
 మళ్ళీ వినిపించమంటే  శంఖనాదమే  అంటోంది

 నీ పేరును పలికిన వాక్కు సన్నగా నొక్కుతోంది
 మళ్ళి పలికించమంటే కిక్కురుమనకంటుంది

 నీ దరి చేర్చిన కాలు నాపై కారాలు నూరుతోంది
 మళ్ళి నడిపించమంటె ఒంటికాలిపై లేస్తోంది

 నీకై వంచిన తల నన్ను అతలాకుతము చేస్తున్నది
 మళ్ళి వంచమంటే నన్ను అవతలకు పొమ్మంది

 శివుడికి నీవేమిచేసావని  చీకాకు పెడుతున్నవి
 కొక్కిరాయి పనులొద్దని చెప్పరా గట్టిగ ఓ తిక్క శంకరా!