BHAJARE NAMDABALAM.
భజరె నంద బాలం"
****************
శ్రీ కృష్ణా,
పిల్లన గ్రోవిని ఊదుతు పులకించుటయా ఘనత?
పిల్లిమొగ్గలేయు నా మనసును మళ్ళించుటయే రమణీయత.
ఇంద్రుని యాగమును అడ్దగించుటయా ఘనత?
నా ఇంద్రియ రాగములను అడ్డుకొనుటయే ధీరత.
తులసిదళములతో సమముగ తూగుటయా ఘనత?
అతులిత మంగళములు అందచేయుటయే ఉదారత.
మన్నుతిన్న నోటను యశోదకు మాయచూపుటయా ఘనత?
కన్ను మిన్ను కానరాని నన్ను సవరించుటయే చతురత.
కురుక్షేత్రమున నరునికి గీతను అందించుటయా ఘనత?
మనసుకు సుశిక్షిత నడవడికను అందించుటయే ఆధ్యాత్మికత.
"మహా నందాంగనా డింభకుడు" అని మెప్పులను పొందుటయా ఘనత?
మదాంధకారయుత డింభకునికి కనువిప్పును కలిగించుటయే ఆర్ద్రత.
"శ్రీ కృష్ణం వందే జగద్గురుం"అంటూ పూజలందుకొనుటయా ఘనత?
నికృష్టపు మందబుద్ధిని పూజ్యము చేయుటయే పూజ్యత.
పరిహాస హాస వాసనలు నీ పాదము చేరుటయా ఘనత?
నే యమునాతీరమున రాసక్రీడల తేలుటయే భావుకత.
"అష్టాక్షరీ" ఆనందాబ్ధి ఓలలాడుటయా ఘనత?
దుష్టుడైన నన్ను నీ మ్రోల నిలబెట్టుటయే పరమార్థత.
నవవిధ భక్తుల జగములు నిన్ను కొలుచుట ఘనత,
**నే**
అనవతర భక్తిని "భజరె నంద బాలం" అనుటయె ధన్యత.
"శ్రీ కృష్ణ నిరవధిక కరుణామృత ప్రాప్తిరస్తు".
****************
శ్రీ కృష్ణా,
పిల్లన గ్రోవిని ఊదుతు పులకించుటయా ఘనత?
పిల్లిమొగ్గలేయు నా మనసును మళ్ళించుటయే రమణీయత.
ఇంద్రుని యాగమును అడ్దగించుటయా ఘనత?
నా ఇంద్రియ రాగములను అడ్డుకొనుటయే ధీరత.
తులసిదళములతో సమముగ తూగుటయా ఘనత?
అతులిత మంగళములు అందచేయుటయే ఉదారత.
మన్నుతిన్న నోటను యశోదకు మాయచూపుటయా ఘనత?
కన్ను మిన్ను కానరాని నన్ను సవరించుటయే చతురత.
కురుక్షేత్రమున నరునికి గీతను అందించుటయా ఘనత?
మనసుకు సుశిక్షిత నడవడికను అందించుటయే ఆధ్యాత్మికత.
"మహా నందాంగనా డింభకుడు" అని మెప్పులను పొందుటయా ఘనత?
మదాంధకారయుత డింభకునికి కనువిప్పును కలిగించుటయే ఆర్ద్రత.
"శ్రీ కృష్ణం వందే జగద్గురుం"అంటూ పూజలందుకొనుటయా ఘనత?
నికృష్టపు మందబుద్ధిని పూజ్యము చేయుటయే పూజ్యత.
పరిహాస హాస వాసనలు నీ పాదము చేరుటయా ఘనత?
నే యమునాతీరమున రాసక్రీడల తేలుటయే భావుకత.
"అష్టాక్షరీ" ఆనందాబ్ధి ఓలలాడుటయా ఘనత?
దుష్టుడైన నన్ను నీ మ్రోల నిలబెట్టుటయే పరమార్థత.
నవవిధ భక్తుల జగములు నిన్ను కొలుచుట ఘనత,
**నే**
అనవతర భక్తిని "భజరె నంద బాలం" అనుటయె ధన్యత.
"శ్రీ కృష్ణ నిరవధిక కరుణామృత ప్రాప్తిరస్తు".
Comments
Post a Comment