TAPAS MASA-PUSHA
" పుష్ణాతి ఇతి పూషా". తన కిరణ శక్తులచే సర్వ జగములను పోషించువాడు పూషా నామధేయ ఆదిత్యుడు.మధ్యాహ్న సమయమును అధిష్టించియున్న సౌరశక్తి.గౌత ముని వేదపారాయణతో శుభారంభమునుచేయుచుండగా తపస్ మాస నిర్వహణకు తరలుచున్నాడు స్వామి.ఘృతాచి అప్సరస ఆనందముతో అడుగులు కదుపుచుండగా,సుసేన గంధర్వుడు గానమును ప్రారంభించాడు.ధనంజయ సర్పము రథ పగ్గములను పరిశీలించి,పటిష్టము చేయుచుండగా సురుచి అను యక్షుడు సప్తాశ్వములను స్వామి రథమునకు అనుసంధానము చేయుచున్నాడు.వాల రాక్షసుడు రథమును ముందుకు జరుపుచుండగా జగత్ పోషణకు జగన్నాథుడు తన కిరణములను జరుపుచున్నాడు.
తం పూషా ప్రణమామ్యహం.
Comments
Post a Comment