OM NAMA SIVAYA-72

  ఓం నమః శివాయ-72
  *****************

 పాలుతాగి విషము కక్కు పాముమీది మోజుతో
 పాలకడలి విషము మింగ పావుగా మారావు

 అసత్యమాడిన ఆ బ్రహ్మ ఎంత చతురుడో
 తన కపాలమును చూపి దొంగవని అంటాడు

 ఫాలములో దాగిన కన్ను ఎంతచుప్పనాతిదో
 అసలు తెరువనీయవని అలుకతో ఉంటుంది

 తలపైని తైతక్కల గంగకెన్ని నిక్కులో
 అటుఇటు కదలనీయవని ఆడిపోసుకుంటుంది

 కుదురుగ ఉండలేని చంద్రునికెంత కినుకో
 రాహుకేతు బాధను కబళించవు అంటాడు

 కొంచమైనగాని  మంచి-చెడులు గమనించక
 తొక్కేస్తున్నవట గదర ఓ తిక్క శంకరా,