ఓనమాలు (Onamaalu)

  పాశురము-18   ***********  "ఒప్పుకున్న తప్పులన్ని పురుషకార లాలనలో  తప్పిపోవ దండనలు పురుషోత్తమ పాలనలో."    పిరాట్టి అనుగ్రహమనే పురుషకారమును మనకు అందిస్తున్న గోదమ్మకు అనేకానేక దాసోహములను  సమర్పించుకుంటు,పంచేంద్రియ పరమార్థమునందించు విశేషానుగ్రహ పాశురమును అనుసంధానము చేసుకునే ప్రయత్నమునుచేద్దాము.  ఉందు మదగళిట్రన్ ఓడాద తోళ్వలియన్  నందగోపాలన్ మరుమగళే! నప్పిన్నాయ్  కందం కమళుం కుళలీ కడై తిరవాయ్  వందు ఎంగుం కోళి అళైత్తనగాణ్; మాదవి  పందల్ మేల్ పల్కాల్ కుయిల్ ఇనంగళ్ కూవిణగాన్  పందార్ విరలి; ఉన్ మైత్తునన్ పేర్పాడ  శెందామరైక్కైయ్యాల్ శీరార్ వళై యెళుప్ప  వందు తిరవాయ్ మగిందేలో రెంబావాయ్.   నప్పిన్నాయ్-యశోద సోదరుదైన కుంభగోపుని-ధర్మదల కుమార్తె.సుగంధ కేశసౌందర్యము కలది. శెందామరల వంటి చేతులు కలది.శీరార్వళై -ఐశ్వర్యవంతమైన కరకంకణములు కలది.అంతే కాదు  "పందార్ విరలి" చేతిలో కందుకమును/బంతిని ధరించి యున్నది.  నప్పిన్నాయ్ -అనగా  నప్పినాయ్ అమ్మవారిని ముద్దుగా తమిళభాషలో పిలుచుకునే పేరు.అంటే లక్ష్మీదేవి.లక్ష్మీదేవి అంశలు మూ...

   పాశురము-17  *********  "శయ్య శయనిస్తున్నది అతిశయము మీర  శ్యామసుందరు లీల కనుడు కనులార."  ఆధ్యాత్మిక మయమైన నందగోప పాలకుని శయనమందిరమునకు అత్యంత భక్తిశ్రధ్ధలతో, ప్రవేశించిన వారలై,అపురూప భావనము-ఆరాధ్య సేవనముతో,వారు ఎన్ పెరుమాన్-ఎన్ పెరుమాట్టి-త్రివిక్రమ-బలరామ అని వారి మహోన్నతత్త్వమును కీర్తిస్తూ,వారిని నలుగురిని తాము నోముచేయుచున్న ప్రదేశమునకు విచ్చేసి,నోమును సుసంపన్నము చేయమని ప్రార్థిస్తున్న వారితో పాటుగా మనలను అనుగ్రహిస్తున్న గోదమ్మకు అనేకానేక దాసోహములను సమర్పించుకుంటు,పాశురమును అనుసంధానము చేసుకునే ప్రయత్నమును చేద్దాము.  అంబరమే తణ్ణీరే శోరే అరం శెయ్యం  ఎంబెరుమాన్ నందగోపాల! ఎళుందిరాయ్  కొంబనార్కెల్లాం కొళుందే! కులవిళక్కే  ఎంబెరుమాట్టి! యశోదాయ్! అరివురాయ్  అంబరం ఊడరత్త ఓంగి ఉలగలంద  ఉంబర్కోమానే ఊరంగాదు ఎళుందిరాయ్  శెంపోర్ కళలడి శెల్వా బలదేవా  ఊంబియున్ నీయుం ఉరంగేలే రెంబావాయ్. అంబరమే-తన్నీరే-శోరే ను ,అన్నము పరబ్రహ్మ స్వరూపము.అటువంటి అన్నమును-నీటిని-వస్త్రములను ధర్మముగా దానము చేయువాడు. "వైకుంఠము-విరజానది- ఉపనిషత్తులను అంబరమ...

       పాశురము-16    ***********   హరి  "నీవేకావాలంటున్నది ప్రతితలపు   నీవెవరవంటున్నది ప్రతి తలుపు"    ఆ తలుపు 1 అష్టాక్షరి-ప్రణవము ఒక రెక్క-మంత్రశేషము మరొకటి 2.ద్వయి మంత్రము-పూర్వ ఖండము  ఒక రెక్క-ఉత్తరఖండము మరొకటి 3.చరమశ్లోకము-పూర్వార్థము ఒక రెక్క-ఉత్తరార్థము మరొకటి.   ఆ తలుపు "నేశన్నిలైకడవం-గట్టుగా  బిగించబడిన గడియను కలిగిఉంది.అన్వయప్రధానమైన     ఆ తలుపునకు "ఆచార్యసిద్ధి" అను గడియవేసిఉన్నది.దానిని తెరచుశక్తి" ఆచార్య సమాశ్రణమే" కలిగియున్నది.  "ఉన్నిమీషతి-అథోనిమీషతి" భగవాన్ అన్న ఆర్యోక్తిని సవరిస్తూ "ఆచార్యాన్ సర్వం ఉన్నిమీషతి"  బుద్ధి కర్మానుసారిణి -కర్మఫలితములను అనుభవించుటకు తగిన బుద్ధులను ప్రసాదించువాడు భగవంతుడైతే,బుద్ధులను సవరించి ఉద్ధరించువాడు ఆచార్యుడు    అన్న ఆచార్యవైభవ ప్రస్తావనమును తెలిపిన గోదమ్మకు అనేకానేక దాసోహములను సమర్పించుకుంటూ.అనుగ్రహించినంతమేరకు అనుసంధానమును చేసుకునే ప్రయత్నమును చేద్దాము.  నాయగనాయ్ నిండ్ర నందగోపనుడయ  కోయిల్ కాప్పానే కొడితోన్రుం తోరణ...

   పాశురము-15  ***********  ప్రతి నాదము- హరి అష్టాక్షరి  ప్రతివాదము -హరి స్పష్టాకృతి.    పదిమంది గోపికలు ప్రగతికి కరదీపికలు.పరిపూర్ణ వైష్ణవ ప్రతిరూపములు,కొందరు భగవదాదేశము కనుక పరమార్థతత్త్వమును బోధించవలెననుకొనువారు,ఇంకొందరు తమను సమీపించినవారికి సన్మార్గమును చూపువారు,కొందరు తమ ధర్మముగా అడుగకున్నాను ఆదుకోవాలనుకొనువారు,   మరికొందరు తమకుతామె కుతూహలముతో కృష్ణసన్నిధిని చేర్చువారు,బహుముఖములుగా భాసించుచు పాశురములుగా మనలను ఆశీర్వదించువారు.   లేతచిలుక ప్రస్తావన సంకేతముగా మనలను సంస్కరించబోతున్న గోదమ్మకు అనేకానేక దాసోహములను సమర్పించుకుంటూ,గోపికలను మేల్కొలుట యను రెండవ భాగము నందలి చివరి/ప్రస్తుత పాశురమును అనుసంధానము చేసుకుందాము.పది ఇంద్రియములు పరిశుద్ధములైనవి కనుక ఇక వాదోపవాదములుండవు.సూటిపోటి మాటలుండవు.పరాచికములుండవు.పరిహాసములుండవు.  లెక్కలుండవు-ఎక్కువతక్కువలుండవు.ఒక్కటే లక్ష్యము.ఒక్కటే లక్షణము.అరమరికలను అధిగమించిన పరిపూర్ణ పారమార్థికము.  ఎల్లే! ఇళంగిళియే ఇన్నం ఉరంగుదియో శెల్లెన్మ్రాళే యే మిన్ నంగవీర్ పోదాగిన్రే వల్లై ఉన్ కట్టురైగళ్ పండే ఉన్...

 పాశురము-14 ***********  ప్రతి పదము-పరమ పథమే  పతి పదము-పరమపదమే.  నంగాయ్-నాణాదాయ్-నావుడయాయ్ అంటు గోపికను మేల్కొలుపుతున్న గోదమ్మకు అనేకానేక దాసోహములను సమర్పించుకుంటూ,  "నెగిళిందు-కూంబిణగాం" అను ముకుళితము-వికసనము "  అను పరమార్థమైన పదములను ,పాశురమును అనుసంధానము చసుకునే ప్రయత్నమును చేద్దాము.  ఉంగళ్ పుళక్కడై తోటత్తు  వావియుల్   శెంగుళునీర్వాయ్  నెగిళిందు ఆంబల్వాయ్ కూంబిణగాం  శెంగళ్పొడి కూరై వెణ్పల్ తవర్ తవర్  తంగళ్ తిరుక్కోయిల్ శంగిడువాన్ పోదందార్  ఎంగళై మున్నమెళుప్పువాన్ వాయ్పేశుం  నంగాయ్! ఎళుందిరాయ్! నాణాదాయ్! నావుడైయాయ్  శంగొడు శక్కరం ఏందు తడక్కైయన్  పంగయ కణ్ణానై  ప్పాడు ఏలోరెంబావాయ్.    లక్ష్మీనారాయణులు లీలగా ఒకసారి దాగుడుమూతలాడుకొనుచున్నారట.స్వామికి కనిపించకుండా/స్వామిని పట్టుకోనీయకుండా మహాలక్ష్మి పద్మములున్న తోటలోనికి వచ్చి,వాటిని విప్పారకూడదని శాసించి తాను అందులో ఒక విశాలమైన అందమైన పదముములో కూర్చుండి దానిని ముకుళింపచేసినదట.స్వామి అమ్మను వెతుకువెతుకుతు తోటలోని పద్మములన్ని ముకుళించియుండుటన...

   పాశురం-13  *********  నన్నాళాల్-పుళ్ళుం శిలబినకాణ్ అను పదములు మనకు ప్రథమపాశురములో నన్నానాళ్-పుళ్ళుం శిలంబినకాణ్ పుళ్లరయన్ అంటు మరల ప్రస్తావించుట లోని అంతరార్థమును అనుగ్రహించనున్న గోదమ్మకు అనేకానేక దాసోహములను సమర్పించుకుంటు,పాశురమును అనుసంధానమును చేసుకుందాము. పదమూడవ పాశురం **************** పుళ్ళిన్వాయ్ కీండానై ప్పొల్లా అరక్కనై క్కిళ్ళి క్కళైందానై క్కీర్తిమై పాడిప్పోయ్ పిళ్ళైగళ్ ఎల్లారుం పావై క్కళం పుక్కార్ వెళ్ళి ఎళుందు వ్యాళంఉరంగిట్రు పుళ్ళుం శిలంబినకాణ్! పోదరికణ్ణినాయ్! కుళ్లక్కుళిర క్కుడైందే నీరాడాదే పళ్ళికిడత్తియో? పావాయ్! నీ నన్నాళాల్ కళ్ళం తవిరందు కలందేలో రెంబావాయ్ .  ఓం నమో భగవయే వాసుదేవాయ నమః.  ************************  పొల్లా అరక్కన్-నల్లా అరక్కన్ అని జన్మను బట్టి రక్షసులే అయినప్పటికి,కర్మను బట్టి ఒకరు (విభీషణుడు) స్వామిచే రక్షింపబడినాడు.మరియొకరు (రావణుడు) అదే శ్రీరామునిచే శిక్షింపబడినాడు.దానికి కారణము రావణుని ఇంద్రియలోలత్వము.  అదేవిధముగా పొల్లా అరక్కన్ - 1. పొల్లా-మాయావి యైన,  భావ మాలిన్యముతో నిండిన బాహ్య సౌందర్యముతో అసురుడు అక్కడ...

   పాశురము-12  ************ తాదాతంత్యతను వీడి  జాగరూకము కమ్మా...   ఒక్కొక్క సారి భాషను అధిగమించి భావము భాసిస్తుందనుటకు, ఈ ఉపాధికి గోదమ్మ అనుగ్రహించిన "తాదాతంత్యతను వీడి  జాగరూకము కమ్మా:...దాసోహములు తల్లి.  అంత్యత -పరాకాష్ఠ దశలో నున్న   తాదాత్-మమేక భావము.  మనము మేల్కొలుపుచున్నది గోపికల రూపములో నున్న ఆళ్వారులను.వారు స్వామికి-చేతనులకు మధ్యనున్న నిచ్చెనలవంటివారు.  వారెందరెందరినో స్వామి సమక్షమునకు చేర్చు ప్రక్రియలో కిందమెట్టుమీదనున్న చేతనులకు సహాయపడుటయే స్వామిసేవగా భావించు స్వభావము కల సహృదయులు.వారి చేయూతకై నిచ్చెన కిందిమెట్టుపై వేచియున్న చేతనులెందరో.  వారు అంతర్ముఖమును వీడితేకాని అది సాధ్యపడదు.  కనుక గోదమ్మ బాహ్యమునకు దోషముగా కనిపించే ఉదాహరణములతో వారి గుణ వైభవమును మనకు అందిస్తుంది .  మనము నిత్యానుష్ఠానమే ప్రధానము అనుకునే సమయములో దానిని సైతము వదిలివేసిన ,సంపన్నుని చెల్లెలా అని ప్రస్తుత గోపికను మేల్కాంచమంటున్నది.      ఓశై పడుత్త తైరరవం అని చల్లచిలుకు శబ్దమును,   ఎరుమై సిరువీడు మేయాన్ పరందన కాణ్ మిక్క...

  పాశురము-11  *************  కుండలినిశక్తిలా చుట్టుకునియున్న జీవాత్మా  నీవు అనేక గ్రంధులను ఛేదించుకొనుచు ముగిల్వణ్ణన్ అను  సహస్రారమును  చేరవలసిన పున్మయిల్ వనమయూరివి.తాదాతంత్యతను వీడి  జాగరూకము కమ్మా అంటూ అన్యాపదేశముగా యోగరహస్యములనందించుచున్న గోదమ్మకు అనేకానేక దాసోహములను సమర్పించుకుంటు,అమ్మ అనుగ్రహించినంతమేరకు పాశురమును అనుసంధానము చేసుకునే ప్రయత్నము చేద్దాము.    కట్రుక్కరవై కణంగళ్ పలకరందు    శెట్రార్తిరళలియం శెన్రు శెరుచ్చెయ్యుం    కుట్రం ఒన్రిల్లాద కోవలరం పొర్కిడియె    పుట్రు రవల్గున్ పునమయిలే పోదారాయ్    శుట్రుత్తు తోళీమార్ ఎల్లారుం వందు నిన్    మూట్రం పుగుందు ముగిల్ వణ్ణన్ పేర్పాడ    శిట్రాదే-పేశాదే సెల్వన్ పెండాట్టి, నీ    ఎట్రుక్కు ఉరంగుం పొరుళేలో రెంబావాయ్.    నమో భగవతే శిఖి పింఛాయ నమః.    ************************  ప్రస్తుత పాశురములో :కుట్రం ఒన్రిల్లాద" ఒక్క దోషమును,లేశమైనను కానరాని గోపిక నిదురలేపబడుచున్నది.  మరొక్క విషయము కణంగళ్ -సమూహములు...

   పాశురము-10  *************  మనకు రామావతార విశేషములను పరిచయముచేస్తున్న గోదమ్మకు అనేకానేక దాసోహములను సమర్పించుకుంటు,పదవ పాశురమును అనుసంధానము చేసుకునే ప్రయత్నమును చేద్దాము.  ఓం నమో భగవతే వాసుదేవాయ నమః. *************************** పాదములలదుకున్నవి వేదగంధమును పెదవులందించునుగద నాదగంధమును నలువనందించిన నడుమున కమలగంధంబు మెడమీడ నడయాడు తులసిగంధంబు నిస్తులమైన నుదుటను కస్తురిగంధంబు ఎన్నిగంధంబులు తన్ను బంధించుచున్నను గోద పూమాలల గంధంబు మోదమందించుట నిర్వివాదము ఆహా!.సర్వసుగంధునకు.    తులసిగంధముతో పరిమళించు ప్రస్తుత పాశురములో,  నోట్రుం చువర్కం పుగుగిన్ర అమ్మణాయ్ మాట్రావుం తారారో వాసల్ తిరవాదార్ నాట్రా తుళాయ్ ముడి నారాయణన్ నమ్మాళాల్ పోట్రా పరైతర్రుం పుణ్ణెయనాళ్ పండొరునాళ్  కూట్రత్తిన్ వాయ్ వీళ్దం కుంబకరణనుం తోట్రుం ఉనక్కే పెరున్ తుయిల్ తాన్ తందానో అట్ర అనందన్ ఉడయాయ్ అరుంగలమే తేట్రమాయ్ వందు తిరవేలో రెంబోవాయ్.       ఐదవ గోపికను గోదమ్మ "అమ్మణాయ్"( స్వామిని) అంటు మేల్కొలుపుతోంది.బాహ్యమునకు ఈమె నివాసము శ్రీకృష్ణుని ఇంటి పక్క ఇల్లు.ఎప్పుడు స్వామి తనన...

       పాశురము-08       ************   గోదమ్మకు అనేకానేక దాసోహములను సమర్పించుకుంటు,అనుగ్రహించినంతమేరకు పాశురమును అనుసంధానము చేసుకుందాము.  కీళ్వానం వెళ్ళెండ్రు ఎరుమై సిరువీడు  మేయాన్ పరందన కాణ్ మిక్కుళ్ళ పిళ్ళైకళుం  పోవాన్ పోగిన్రారై పోగామల్ కాత్తు  కూవువాన్ వందునిన్రోం కోగులం ఉడయ  పావాయ ఎళుందిరాయ్ పాడి పరై కొండు  మావాయ్ పిళందనై మల్లనె మాట్రినాయ్  దేవాదిదేవనై శెన్రునాం సేవిత్తాల్  అవావెన్రు ఆరాయంద్రు అరుళేలో  రెంబావాయ్.   ఓం నమో నారాయణాయ   ********************  తెల్లవారుచున్నది.తూరుపున వెలుగురేఖలు కనబడుచున్నవి.పశువులు చిరుమేతకు తరలినవి. దేవాదిదేవుని నోమునకు వెళ్లుచున్నవారిని/వెళ్లుటకు సిద్ధమగుచున్నావరిని,కొంతసమయము నిలువమని మేము నిన్ను మేల్కొలుపుటకు వచ్చి,నీ గుమ్మము ముందర నిలబడి నిన్ను పిలుస్తున్నాము.అన్నది వాచ్యార్థము.  కోగులం ఉడయ-కుతూహలము కొత్తచిగురులు తొడుగుచుందగా   1.తూరుపుదిక్కు చీకట్లను పారద్రోలుచు వెలుగు రేఖలను ప్రసరించుటకు కుతూహల పడుచున్నది.   2.పశువులు (ఎరుమై) కొంచము...

     పాశురము-07    **********  గోదమ్మకు అనేకానేక దాసోహములను  సమర్పించుకుంటు.అనుగ్రహించినంత మేరకు అనుసంధానమును చేసుకుందాము.  కీశు కీశెన్రెంగుం ఆనైచ్చాత్తు కలందు పేశిన పేచ్చరవం కేట్టిలైయో? పేయ్ పెణ్ణే కాశుం పిరప్పుం కలగల ప్పక్కై ప్పేర్తు వాశ నరుం కుళల్ ఆయిచ్చియర్ మత్తినాల్ ఓశై పడుత్త తైరరవం కేట్టిలైయో? నాయగ పెణ్ పిళ్ళాయ్ నారాయణన్ మూర్తి కేశవనై పాడవుం నీకేట్టే కిడత్తియో దేశం ఉడయేయాయ్ తిరనేలో రెంబావోయ్.  నారాయామంత్రం-శ్రీమన్నారాయణ భజనం.  ******************************     ఓ కర్ణేంద్రియమా జాగృతము అయ్యి శ్రవణభక్తిని ఆచరించి ఆస్వాదించు పరమాత్మ ప్రసన్నతను అంటూ ఆరవ పాశురములో చెప్పినట్టుగానే,  కేట్టిలియో?-వినలేదా అని లోపలనున్న గోపికను ప్రశ్నించుచున్నది.  ప్రస్తుత పాశురములో నాసికను సైతము జాగృతముకమ్మని   ఆయిచ్చ్నర్ వాసనరుం కుళల్   గొల్లపడుచుల సుగంధకేశపాశముల పరిమళములను ఆస్వాదించుము అని మరొక ఇంద్రియ ప్రస్తావన తెచ్చినది.  నారాయణమూర్తి కేసవనై-పాదవుం  అంటూ వాక్కును సైతము హెచ్చరించినది.  నిదురించుచున్న వార...

   ఆరవ పాశురం. *************  ఆండాళ్ తల్లికి అనేకానేక దాసోహములను సమర్పించుకుంటూ, అనుగ్రహించినంత మేరకు మేల్కొలుపుల ప్రారంభ పాశురమైన ఆరవ పాశురమును అనుసంధానము చేసే ప్రయత్నమును చేసుకుందాము. పుళ్ళుం శిలంబినకాణ్ పుళ్ళరయన్ కోయిలిల్ వెళ్ళై విళి శంగిన్ పేరరవం కేట్టిలైయో? పిళ్ళాయ్! ఎళుందిరాయ్! పేయ్ ములై నంజుండు కళ్ళచ్చగడం కలక్కళియ క్కాలోచ్చి వెళ్ళత్తరవిల్ తుయిల్ అమంద విత్తినై ఉళ్ళత్తు కొండు ముని వర్గళుం యోగి గళుం మెళ్ళ ఎళుందు అరి ఎన్న పేరరవం ఉళ్ళంపుగుందు కుళిరేలో రెంబావాయ్.  వెళ్ళత్తరవిల్ తుయిల్ అమంద విత్తినై  ***********************   పాలకడలిపై శేష తల్పమున పవళించేవా దేవా.          మూలవిరాట్టు  దర్శనమునకు ముందు ఆలయ ప్రాకార ప్రదక్షిణము వలె భాగవత గృహ ప్రదక్షిణమును మనతో గోదమ్మ  చేయిస్తున్నది.   ఇంద్రియములు ప్రకృతిని అనుసంధానముచేసుకుంటే ప్రపంచము.అవే ఇంద్రియములు పరాత్పరుని అనుసంధానము చేసుకోగలిగితే పారమార్థికము.  ఆ విషయమును మనము సులభముగా గ్రహించుతకై గోదమ్మ "పుళ్ళుం"శబ్దమును ప్రయోగించినది.  పుళ్ళుం అంటే తెలుగుభాషలో పక్షులు.అ...

   ఐదవ పాశురం *************** మాయనై మన్ను వడమదురై మైందనై తుయపెరునీర్ యమునై యరైవరై ఆయర్ కులత్తినిల్ తోన్రుం మణివిళక్కై తాయై క్కుడల్ విళక్కం శెయద దామోదరనై తూయోమాయ్ వందు నాం తుమలర్ తూవి త్తుళుదు వాయినాల్ పాడి మనత్తినాల్ శిందిక్క పోయ పిళైయుం పుగుదరువా నిన్రనవుం తీయనిల్ తూశాగుం శెప్పు ఏలోరెంబావాయ్. ఓం నమో భగవతే వాసుదేవాయ. మోహనరూపా గోపాలా-ఊహాతీతము నీ లీల ******************** " పూర్ణమదం-పూర్ణమిదం  పూర్ణాత్ పూర్ణమిదుచ్యతే"  అన్నది వేదవాక్యము.దానిని విశదముగా ఈ ఐదు పాశురములలో సమన్వయపరచినది గోదమ్మ.మరింత స్పష్టము చేయుచు,నారాయణుడని వైకుంఠ ప్రస్తావనచేసినది పూర్ణస్వరూపమునే.దాని పొందుట బహుదుర్లభము.సుదీర్ఘ ప్రయాసతో కూడుకొనిన ప్రయత్నము.ఘోర తపశ్శక్తి  సంపన్నులకు మాత్రమే సాధ్యము.దానికంటె కొంచము సులభమైనది క్షీరాబ్ధిశయనుని  శయనునిది పూర్ణస్వరూపమే( పొందగలుగుట).బ్రహ్మాది దేవతలకు తమ వినతులను మాత్రమే సమర్పించుకొను సదవకాశమును కల్పించునది.అందరికి దుర్లభము.దానికంటె  కొంచము సులభతరమైనది అవతారమును  పూర్ణస్వరూపమే. వైభవము.కాని అది కాలపరిమితిని-కారణ పరిమితిని అనుసరించు ని...

     నాల్గవ పాశురము ************* ఆళిమళై కణ్ణా! ఒన్రు నీ కై కరవేల్ ఆళియుల్ పుక్కు ముగందు కొడార్ త్తేరి ఊళి ముదల్వన్ ఉరువం పోల్ మెయికరుత్తు పాళియన్ తోళుడై ప్పర్బనాబన్ కైయిల్ ఆళిపోల్ మిన్ని వలంబురి పోల్ నిన్రదిందు తాళాదే శార్ఙ్ ముదైత్త శరమళై పోల్ వాళ ఉలగనిల్ పెయిదిడాయ్ నాంగళుం మార్గళి నీరాడ మగిళిందు ఏలోరెంబావై. ఓం నమో భగవతే వాసుదేవాయ నమః *********************  గోకులములోని వారందరు తాము వింటున్నది-కంటున్నది-అంటున్నది కృష్ణునినే తక్క అన్యము కాదని భావించు భాగ్యశాలురు.వారి సమయము-సంభాషణము-సమస్తము శ్రీకృష్ణుడే.వారెవరిని తలచుకొనినా-కలుసుకొనినా-పిలుచుకొనినా వారి సంబోధనము మాత్రము ఒక్కటే.అదే, కణ్ణా! గోదమ్మ ప్రస్తుత పాశురములో పరమాత్మ పంచాయుధములను-పంచభూతములను-పంచేంద్రియములను సమన్వయపరుస్తూ,ప్రళయానంతరమున ప్రకటింపబడిన, పద్మనాభస్వామిని వరుణదేవునిగా ప్రార్థిస్తున్నది.  భావములోన-బాహ్యమునందున గోవింద గోవింద అన్నది వారి జీవనము.  నిత్యకర్మానుష్ఠానమునకు/మార్గళి స్నానమునకు కావలిసిన జలములను పుష్కలము నిమ్మని వారు స్వామిని వేడుకుంటున్నారు.   మగిళిందు మార్గళి నీరాడ   మనస్ప...

   రెండవ పాశురము-02 *************** వైయత్తువాళ్వీర్గాళ్ నాముం నం పావైక్కు చ్చెయ్యుం కిరిశైగళ్ కేళీరో పార్కడలుళ్ పైయత్తు ఇన్ర పరమన్ అడిపాడి నెయ్యిణ్ణోం పాలుణ్ణోం నాట్కాలే నీరాడి మై ఇట్టు ఎళుదోం మలరిట్టు నాం ముడియోం శెయ్యాదన  శెయ్యోం తీక్కురళై శ్శెన్రు ఓదోం ఐయముం  పిచ్చైయుం ఆందనైయుం  కైకాట్టి ఉయ్యుమారు ఎణ్ణి ఉగందు ఏలోరెంబావాయ్.    ఓం నమో భగవతే వాసుదేవాయ నమః    ***********************************  ప్రథమ పాశురములో నారాయణుని దయార్ద్రహృదయమును సంకీర్తిస్తూ,స్వామి మనమీది వాత్సల్యముతో రేపల్లెలో శ్రీకృష్ణునిగా అవతరించినాడని, ,నోము నిర్వాహకునిగా తానుండి , మనలతో కలిసి ఆడి-పాడి ,అనుగ్రహిస్తాడని , వారుచేయవలసిన వ్రతవిధానమును వివరించుచున్న ఆండాళ్ అమ్మకు అనేకానేక దాసోహములను సమర్పించుకుంటు,రెండవ పాశురమును అనుసంధానముచేసుకునే ప్రయత్నమును చేద్దాము.   ప్రస్తుత పాశురములో అమ్మ నిశ్చయ -జ్ఞానము గోపికలను" వైయత్తు వాళ్వీర్గాళ్ అంటు గోపికల భూసురత్వమును గుర్తుచేసినది.మొదటి పాశురములో చిరుమీర్గాళ్ పసివారు అన్నది.అయినప్పటికిని శెల్వ చిరు మీర్గాళ్-అంటు వారి సంపదను ప...