సౌందర్య లహరి-29
పరమపావనమైన నీపాద రజకణము
పతిత పాలకమైన పరమాత్మ స్వరూపము
ముల్లోకములు నిన్ను ముదముద స్తుతియింప
శుకములు పరుగులిడు స్తుతులను నినుచేర్చ
ప్రియముగ విని తాము పులకించిపోవ
తమను మురిపించునని తాటంకములు ఆడె
ఆ కర్ణాంత నయనములు ఆ దారినే సాగ
అటుఇటు పోలేని అసహాయపు నయనము
అందపు కెందామరాయె చేరి నీ అనునయము
నీ పాద ధూళి రేణువు నా ఆధారమైన వేళ
నీ మ్రోలనే నున్న నా కేలు విడనాదకమ్మా,నా
మానస విహారి ఓ సౌందర్య లహరి.
No comments:
Post a Comment