SAUMDARYA LAHARI-28
సౌందర్య లహరి-28
పరమపావనమైన నీపాద రజకణము
పతిత పాలకమైన పరమాత్మ స్వరూపము
నిలబడ గలిగానని నిలువెత్తు పొంగితిని కాని
నీ శక్తితో నిలబడ్డానని తలచనే లేదు
అడుగుమడుగులొత్తాలని అనుకున్నానేగాని
నీ శక్తి నన్ను తడబడనీయలేదని తలచనే లేదు
పలుకు కులుకు చాటిచెప్ప పలుకరించానే గాని
నీ శక్తి చిలుక నా పలుకని తలచనే లేదు
అన్నీ నేనే చేసానని అహంకారమొకటి చేరె
నా మూర్ఖత్వమే చర్చకు తర్కముగా మారువేళ
నీ మ్రోలనే నున్న నా కేలు విడనాడకమ్మా,నా
మానస విహారి ఓ సౌందర్య లహరి.
Comments
Post a Comment