ఓం నమ: శివాయ-42
శివ సంకల్పము-42
మౌనము మాటాడునట మాయేదో చేసావులే
మేధా దక్షిణామూర్తిగా బోధించే మాయేలే
మూగయు మాటాడునట మాయేదో చేశావులే
మూక పంచశతి అట కీర్తించే మాయేలే
కాళ్ళకింద పద్మాలట మాయేదో చేసావులే
పద్మపాదుడు అతడట గురుభక్తి మాయేలే
పూవులే పళ్ళట మాయేదో చేసావులే
పుష్పదంతుడు అతడట పుణ్యాల మాయేలే
బోడిగుండు శివుడట మాయేదో చేసావులే
శంకర భగవత్పాదులట శంక లేనే లేదులే
మాయా సతిని చూసి అమ్మయ్య అని నువు మోస్తుంటే నే
బిక్క చచ్చి పోయానురా ఓ తిక్క శంకరా.
Comments
Post a Comment