ఓం నమ: శివాయ-41

      Om nama: Sivaaya -41

బావిలోన నీవున్నావని భక్తుడిగా నేవస్తే
బావిలోని కప్ప నిన్ను తనతో పోల్చుకుంది

కొండమీద నీవున్నావని కొలువగ నేవస్తే
బండరాయి కూడ నిన్ను తనతో పోల్చుకుంది

బీడునేల నీవున్నావని తోడు కొరకు నేవస్తే
జోడువీడు అంటు బీడు తనతో పోల్చుకుంది

అటవిలోన ఉన్నావని అటుగా నేవస్తే
జటలు చూడు అంటు అడవి తనతో పోల్చుకుంది

చెట్టులోన ఉన్నావని పట్టుకొనగ నేవస్తే
పట్టులేక ఉన్నావని చెట్టు తనతో పోల్చుకుంది

సఖుడివి నీవై సకలము పాలిస్తుంటే
ఒక్కరైన పొగడరరేర ఓ తిక్క శంకరా.