ఓం నమ: శివాయ-33

ఓం నమ: శివాయ -33

నీ క్షమా గుణము చూసి పులి శాంతముగా మారింది
పాపం,పులిని బెదిరిస్తు లేడి తరుముకు వస్తోంది

నీ పిరికితనమును చూసి పులి పిల్లిగ మారింది.
పాపం పిల్లి అనుకుని ఎలుక ఎగిరిపడుతోంది

నీ మంచితనము చూసి అగ్గి కన్ను తగ్గి ఉంది
పాపం తగ్గిందంటు మంచు దానిని ముంచి వేస్తోంది

నీ వ్యాపకత్వమును చూసి పాము తాను పాకుతోంది
పాపం పాకుతోందంటు దానితోక చలిచీమ కొరుకుతోంది

నీ పెద్దతనము చూసి కదలకుండ ఎద్దు ఉంది
పాపం,మొద్దు ఎద్దంటూ జనము దానిని ఎద్దేవా చేస్తోంది

సహనముతో నీ సహవాసము కోరిన వాటి
ఇక్కట్లను చూడవేరా ఓ తిక్క శంకరా.
...................................................................................................................................................................................