సౌందర్యలహరి-105
పరమపావనమైన నీపాదరజకణము
పతిత పాలకమైన పరమాత్మ స్వరూపము
తల్లి గర్భములో నేనుండగా సహస్రారముద్వారా
క్రిందకు పయనమై, మూలాధారముచేరి,పైకి వస్తూ
దేహేంద్రియాదుల కన్నా ఇతరములేవి లేవను
అజ్ఞానపు బ్రహ్మగ్రంధి ముడిని,నీ దయతో విడదీస్తూ
సూక్ష్మ శరీరము నాదికాదను బోధద్వారా
విష్ణుగ్రంథి ముడిని విడదీస్తూ,సాగుతూ
శరీర భ్రాంతియైన రుద్రగ్రంధిని చేదిస్తూ
నన్ను కట్టివేసిన ముడులను నీ కరుణ విప్పుచున్నవేళ
నీమ్రోలనే నున్న నా కేలు విడనాడకమ్మా
నా మానస విహారి! ఓ సౌందర్యలహరి.
No comments:
Post a Comment