SAUMDARYA LAHARI-104

  సౌందర్య లహరి-104

 పరమపావనమైన నీ పాదరజకణము

 పతిత పాలకమైన పరమాత్మ స్వరూపము

 శారీరక సౌందర్యములు అశాశ్వతమను తెలివిలేక 

 ఐహిక సుఖములు బహు స్వల్పములను ఊహ లేక

 సం సార సాగరమును నిస్సారముగ ఈదలేక

 అహంకార ప్రాకారపు హుంకారము వినలేక

 నిరాకార నిరంజన నిర్మల ఆకారము చూడలేక

 మూర్తీభవించిన అనుగ్రహమును కీర్తించలేక

 పాతాళమునకు జారి అటుఇటు పారిపోవ దారిలేక

 పడిపోవుచున్న నన్ను పట్టి నీ కృప కాపాడుచు నున్నవేళ,నీ

 మ్రోలనే నున్న నా కేలు విడనాడకమ్మా,నా

 మానస విహారి ఓ సౌందర్య లహరి