SAUMDARYA LAHARI-65
సౌందర్య లహరి-65
పరమ పావనమైన నీ పాదరజకణము
పతిత పాలకమైన పరమాత్మ స్వరూపము
అన్ని ఆకారములకు మూలమైన నిరాకారము నీవని
అన్ని రాగములకు ఆలవాల నీరాగము నీవని
భవ సం హారమును చేయు భావనా సంతుష్టవని
ఏ వర్ణము లేని సూర్యకాంతి సప్తవర్ణమగునను
ఏ రూపము లేని కాంతి ఎన్నో రూపముల భాతియని
కనుగొని నంతనే నా ఉలికిపాటు తొలగిపోయి
మెలకువతో నా ఉనికి మూలము పరిచయమై
నన్నావరించిన మాయ తను మాయమగుచున్న వేళ
నీ మ్రోలనే నున్న నా కేలు విదనాడకమ్మా,నా
మానస విహారి! ఓ సౌందర్య లహరి.
Comments
Post a Comment