SAUMDARYA LAHARI-103

  సౌందర్య లహరి -103

 పరమ పావనమైన నీ పాదరజ కణము 

 పతిత పాలకమైన  పరమాత్మ స్వరూపము

 కైమోడ్పులందించి తరియింపగ తలతుగాని

 పొంచిన పైశాచికము  కొంచపు తలపును దించు

 సంకీర్తనమొనరింప సన్నద్ధమగుదును గాని

 దానవత్వము  దరిచేరి నా దారి మార్చు

 జపతపాదుల నిను కొలువ నిశ్చయింతును గాని

 మదిని నిశాచరము చేరి నే నిష్క్రమింతు

 భావనామాత్ర సంతుష్టమొందు నీ భాగ్య వరమో నా

 దైవ అసుర గుణ ద్వయము శైవ భాసురముగ మారుచున్నవేళ,నీ

 మ్రోలనే నున్న నా కేలు విడనాడకమ్మా,నా

 మానస విహారి ఓ సౌందర్య లహరి