ఓనమాలు (Onamaalu)

  మీఢుష్టమ శివతమ-12. ******************** న రుద్రో రుద్రమర్చయేత్-రుద్రుడు కానివాడు రుద్రుని దర్శించలేడు-దయను పొందలేడు. హిరణ్యము కంటె క్షేత్రము విలువైనదా/క్షేత్రము కంటె హిరణ్యమా? ఆలయములో నుండి " అశ్మాశ్చమే-మృత్తికాశ్చమే" అని చమకము ,తనతో మమేకము కమ్మన్నట్లుగా వినిపిస్తూ,.తనదగ్గరికి రమ్మన్నట్లుగా అనిపిస్తోంది. అంటే గట్టి రాళ్ళనేలయందు-మెత్తని నల్లరేగడి నేలయు తానైన పరమాత్మను యజ్ఞసాధనకు-సామర్థ్యమునకు అర్థించమంటున్నదా? ఏమో? విహారయాత్రో/విజ్ఞానయాత్రో బస్సునుండి బిలబిలమంటు దిగారు విద్యార్థులు.వారితో పాటుగా ఉపాధ్యాయులు.వారిలో ఒక పెద్దాయన ఒక తెరను-ప్రొజెక్టరును అమరుస్తున్నాడు.అందరు ఆసక్తిగా అతనినే చూస్తున్నారు. " అదాభ్యశ్చమే" ప్రాణులకు వెలుగు నిచ్చుటలో అలసటలేని వానివలె ఉన్నాడు ఉత్సాహముగా. కదలాలనిపించటములేదు సాధకునకు. కథా-కమామిషు చూద్దామనిపిస్తోంది. వృక్షాశ్చమే. చిత్రము మొదలైనది.ఒకతను చేతిలో మఱ్ఱి విత్తనమును మనకు చూపించి భూమిలో నాటాడు.నీరు పోసాడు.రోజూ వచ్చి చూసి పోతున్నాడు.దానికి కంచె కట్టి కాపాడుతున్నాడు . రీలు వేగముగా తిరుగుతోంది.విత్తనము మొలకగా-మొక్క...

  మీఢుష్టమ శివతమ-11 *********************** న రుద్రో రుద్రమర్చయేత్-రుద్రుడు కానివాడు రుద్రుని దర్శించలేడు.దయను పొందలేడు. అమ్మో రుద్రా! ఎంత గడసరివి.నా దగ్గరికి నిన్ను మాటిమాటికి రావద్దన్నానని ,నేరుగా నన్నే నీ దగ్గరికి రప్పించుకొని,నీ ముందు కూర్చోవాలా అని నా చేతనే అభ్యర్థించి,లింగడుగా ఎన్నో విషయములను సోదాహరణముగా చెప్పుచున్నట్లు నటించి, నేను నీతో తడబడకుండా అన్నీ అప్పచెప్పేద్దామనుకున సమయములో( ఇంకా తరణ సమయమైన తరుణము రాలేదుకదా) చూడప్పా సరిగ్గా నన్ను! అంటూ,నన్ను పప్పులో కాలేసేటట్లు చేస్తావా..చాలా గొప్పతనమేలే నీది.చాలించలేని నీ అల్లరి నీది. " నమః శూరాయచ-అవభిందతేచ" తన భక్తులను ఇబ్బందిపెట్టు శత్రువులను రహస్యముగా మట్టుపెట్టు రుద్రుడు సాధకుని విషయములో అంటి-ముట్టనట్లుండగలడా? అసలే చీకటి? అభిషేకజలములతో పునీతమైనది పుడమి.ఈదలేకపోతున్నాడంటు వీడు, అంటు వాడికాలిని పట్టుకుండి బురద ఆ ఆదమరుపు ఏమిటని? తెలిసినది సాధకునికి తనకాలు బురదలో ఇరుక్కుపోయిందని/బయటకు రావట్లేదని. "నమః సూద్యాయచ-వైశంపాయచ" బురద తానైన రుద్రుడు సాధకునికి తన చేయినందించాడు ప్రీతితో. చేసేదిలేక దానినందుకుని ...

  మీఢుష్టమ శివతమ-10 ******************* న రుద్రో రుద్రమర్చయేత్-రుద్రుడు కానివాడు రుద్రుని దర్శించలేడు.దయను పొందలేడు. దొంగవ్యాపారి ఆ రుద్రుడు.కనుకనే దివ్యమైన శరీరమును ఒక చిన్న సంఖ్యతో పోలుస్తున్నాడు.పైగా ఒకే ఒక్కసారి ఉపయోగపడేది.అదికూడ కొన్ని సెకనుల వరకే.ఒట్టి పిచ్చివాడు రుద్రుడు. నమో హరికేశాయోపవీతనే పుష్టానాం పతయే నమః. ఇంక రానేరానన్నాడు వెళ్ళిపోతు.కాని ఎంతవరకో ?చెప్పలేము.రుద్రుడు చెప్పలేదు. అమ్మో ఈసారి రుద్రునికి చిక్కనే చిక్కకూడదు .ఒకవేళ చిక్కినా బిక్కముఖం అసలు వేయగూడదు. తనతో ఆడుకునే ఆలోచనలను నెట్టుకుంటు పనులు చుట్టపెట్టుకుందామని లింగని ఇంటివైపుగా వెళుతున్నాడు.వాడెలాగో చాలారాత్రి వరకు నగలను చేస్తూనే ఉంటాడు. అసలే కార్తికం.అందులో ప్రదోషం. " హిరణ్యబాహవే సేనాన్యే దిశాంచపతియే నమో నమః." ఆలయములో నుండి వినిపిస్తున్నది. బంగారు బాహువులవాడట రుద్రుడు.అది నిజమేనని నమ్మి, "హిరణ్యంచమే" అని బంగారమును అర్థిస్తున్నది చమకము. సాధకుని ప్రశ్నిస్తోంది సహవాసము ఏమిటా హిరణ్యము? మేలిమి అపరంజియా? లేక మెరుస్తున్న ఆభరణమా? ఉన్న పాటుగా ఉలిక్కిపడ్డాడు సాధకుడు. ...

  మీఢుష్టమ శివతమ-09 *************** న రుద్రో రుద్రమర్చయేత్-రుద్రుడు కానివాడు రుద్రుని సేవింపలేడు. తేలికపడిన మనసుతో నిద్రకుపక్రమించాడు సాధకుడు. ఆటను మధ్యలో ఆపేస్తాడా రుద్రుడు తాను సంపూర్ణానుగ్రహమును అందించకుండా.అది ఎప్పటికిని జరగని పని. "ప్రతరణాయచ-ఉత్తరణాయచ" అందుకే జరుపుతున్నాడు పావులను పారమార్థిక చింతనవైపుకు. " ఆత్మాచమే-శరీరానిచమే" అత్యద్భుతముగా ఆలపిస్తున్నారు చమకమును ఆలయములో. అల్లకల్లోలమైన మనసుతో ఇదేమిటి? నిన్ననేగా అనుకున్నాము అహం ఏకో బ్రహ్మం అని అది నిజమైతే చమకము రుద్రుని ఆత్మను-శరీరమును అనుగ్రహించమని ఎందుకు అర్థించమంటున్నది? ఆత్మ శరీరమునకు ఆధారమా?శరీరము ఆత్మకు ఆధారమా? అసలు వీటికి సంబంధము ఉందా?లేదా? పిచ్చిగా పిచ్చిగాఉందంటు వచ్చి పచ్చిక మీద కూర్చున్నాడు. పక్కననున్నవాడి రేడియోలో వ్యాపారప్రకటన మొదలైనది.నల్లని జుత్తుకు ఫలానా తైలము వాడండి.ఫలితమును చూడండి అంటూ.మళ్ళీ రెండు ముక్కలు వినిపించాయో లేదో పచ్చని మీ శరీర కాంతికి..మిమ్మల్ని మీరే నమ్మలేరు. యథాలాపముగా విన్నా యథార్థము తెలిసినది.శరీరమునకే ప్రాముఖ్యత కాని ఆత్మకు కానేకాదని అలవోకగా అర్థమయినది. నమః ఆసీనేభ్య శ్శయనేభ్య్శ్...