TIRUPPAAVAI-04

ఆళిమళైకన్నా! ఒన్రు నీకై  కరవేల్
ఆళిఉళ్ ఉక్కు ముగందు కొడు ఆర్తి ఏఱి
ఊళి ముదల్వ నురువం పోళ్ మెయ్ కఱుత్తు
పాళియన్ తోళుడై పఱ్పనాబన్ కైయిల్
ఆళిపోళ్ మిన్ని వలంబురిపోల్ నిన్ర అదిరింద్
తాళాదే శార్ఙ్ ముదైత్త సరమళైపోల్
వాళ ఉలగినిల్ పెయ్ దిడాయ్ నాంగళుం
మార్గళి నీరాడ మళిజింద్ ఏలో రెంబావాయ్.

ఓం నమో నారాయణాయ-4
*************************

విచిత్రముగ నామది " శ్రీ విల్లిపుత్తూరుగా" మారినది
" విష్ణు చిత్తీయమై" శ్రీహరిని కీర్తించుటనే కోరుతోంది.

పాండవ రథ సారథి " శౌర్యపు గర్జనయైన"
కడలినీరు కడుపునిండ " గర్జనవలె త్రేంచు మేఘములో"

దుష్టశిక్షణార్థము " రాముని శరవేగ పోలికయైన"
వేగముతో వర్షించే " అలుపెరుగని మేఘములో"

శిశుపాలుని వధియించి శ్రీకరముగ" మెరయుచున్నదైన"
"సుదర్శన చక్రము" వలె " మెరయుచున్న మేఘములో"

" నామ,రూప,సారూప్యములు" అవిభాజ్యములైన
"సాక్షాత్ నీలమేఘ శ్యాముడైన" ఆ నీలి మేఘములో

తెల్లవార వచ్చెనమ్మ చెలులారా రారె
తెల్ల బరచగ భక్తిపూల మాలలతో నేడె.

భావము

శ్రీ కృష్ణుని పరాక్రమము వలె గర్జించు మేఘములో,రామబాణ వేగముతో సమానమైన వేగముతో వర్షించు మేఘములో,శిశుపాలుని వధించి,తెల్లనైన కాంతితో మెరయుచున్న సుదర్శన చక్రము వంటి మెరుపులున్న మేఘములో,ఇన్ని మాటలేల! సాక్షాత్ ఆ నీల మేఘ శ్యామునితో అభేదమైన ఆ నీలిమేఘములో నిమగ్నమైన నా మనసు,పాశురములను కీర్తించుచు,భక్తి అను పూలను శరణాగతి అను దారముతో అల్లిన హారములను స్వామికి సమర్పించ, చెలులారా కదిలి రండి.తెల్ల వారుతోంది.
( ఆండాళ్ తిరువడిగళై శరణం )