SIVA SANKALPAMU-32
సగము మహాదేవుడట సగము మహాదేవి అట
సగము తేట తెలుపట సగము పసిడి పసుపట
సగము చంద్రబింబమట సగము మల్లెదండలట
సగము జటాజూటమట సగము సుందర థమ్మిల్లమట
సగము బూదిపూతలట సగము కస్తురి తిలకమట
సగము నాగ హారములట సగము నానా హారములట
డమరుక దక్షిణ హస్తమట వరద వామ హస్తమట
సగము పులితోలేనట సగము చీనాంబరములట
సగమున తాందవ పాదమట సగము మంజీరములట
చెరిసగము స్త్రీపురుషులట కొనసాగించగ సృష్టి యట
నగజ-అనఘ జతలో మిగిలిన సగమేది అంతే
దిక్కులు చూస్తావేమిరా ఓ తిక్క శంకరా!.
శివ పార్వతులు చెరిసగమైనారు కనుక మిగిలిన సగభాగముల గురించి అడుగగా శివుడు సమాధానము చెప్పలేదు.నింద.
చర్మ చక్షువులు తెలుసుకోలేని ఎన్నో గొప్ప విషయములు జ్ఞాన చక్షువులు తెలియచేస్తాయి.దిక్కులే వస్త్రములుగా గల శివుడు అర్థనారీశ్వర తత్త్వములో తనను పార్వతిలో దర్శింపచేసి అనుగ్రహించాడు.స్తుతి.
Comments
Post a Comment