TIRUVEMBAVAY-27

 

 

  తిరువెంబావాయ్-27

  *****************

 అదుపళ చువయన అముదెన అరిదర్కు

 అరిదెన ఎళిదెన అమరరుం అరియార్

 ఇదు అవన్ తిరువురు ఇవర్ అవన్ ఎనవే

 ఎంగళై ఆండుకొండు ఇంగెళుందు  అరుళుం

 మధువళల్పొళి     తిరుఉత్తరకోశ 

 ముగైయుల్ ఉళ్ళాయ్ తిరప్ పెరుంతురై మన్నర్

 ఎదుఎమ్మై పణికుళం మారదుకేట్పం

 ఎం పెరుమాన్ పళ్ళి ఎళుందళురాయ్.

 మధువన విరాజితాయ పోట్రి

 **********************

  తిరుమాణిక్యవాచగరు మనకు ఈ పాశురములో స్వామి అనుగ్రహము ఏ విధముగా మనచే ఆస్వాదింపబడుతున్నదో ఆత్మీయముగా ఆవిష్కరించారు.

  స్వామి నామ-రూప-గుణ వైభవాస్వాదనము మూడు మధురపదార్థములను గ్రోలుటతో పోల్చినారు.అవి,

 మొదటిది,

1.అదుపళ అరిదర్కు,

 పండ్ల మాధుర్యమును ఆస్వాదించినట్లు.

 ఇక్కడ మనకొక భక్తుని భావప్రకటనము అనిపిస్తుంది.

 కంచర్ల గోపన్న శ్రీనామ స్మరణమును ఆస్వాదిస్తు అన్న పలుకులు అవి.

 శ్రీ రామ నీనామమేమి రుచిరా

 ఓ రామ నీనామ మెంత రుచిరా అంటు,

  కదలీ-ఖర్జూరాది ఫలములకధికమౌ కమ్మన,

 అయిన సంతృప్తిగా అనిపించక,

 

 పనస-జంబు-ద్రాక్ష ఫలరసముల కంటె ఘనమౌ-ఆనందములో మునిగినవారికి పోలికలతో పనిఏమి?

  సమానము-అధికము ఉంటే కద పోల్చటానికి,మైమరచిపోవటము తప్ప.

రెండవది,

చువయన అరిదర్కు,

 మకరందమును మధుపము త్రాగుచున్నట్లు,

 స్వామి మీపాదపద్మముల కరుణ యను మధువును,నీ అనుగ్రహము మమ్ములను మధుపములుగా/తుమ్మెదలుగా చేరి ఆస్వాదించనీ.

 ఇక్కడ మనకు ప్రహ్లాద భక్తి ,

  మందారమకరంద మాధుర్యమును గ్రోలు మధుపంబు పోవునే మదనములకు అన్నట్లు,

 స్వామి నీదివ్య పాదపద్మ సందర్శనా సౌభాగ్యము కన్న అన్యము వద్దు.

మూడవది-

అముదెన అరిదర్కు,

 అమృతము నీ పాదసేవా భాగ్యము.స్వామి అనవరతము ఆనందముతో గ్రోలనీ అమృతమును.

 అదియే పాదారవింద చింతనామృతము.

 స్వామి నీ అనుగ్రహము సులభ-దుర్లభములకు అతీతము.

కనుకనే, అమరరుం-మరణమును జయించిన వారైన అమరులు,

ఇరు అవన్-ఇదియే నీవు అని నిర్ధారించుకొని,తిరిగి అది నీవు అనుకొని,

ఆదు కాదు,ఇదికాదు-అది కాదు,

 అయినప్పుడు ఏది నీవు అని నీ నిజతత్త్వమును కనుగొనలేక,

 అరియార్-నీ సేవకులుగా మారి సత్యమును గ్రహించకలుగుతున్నారు.

 మా అదృష్టమును

 మేమని వర్ణించగలము?

ఓ తిరుపెరుంతురై మన్నార్-ఓ తిరుపెరుంతురై మహాదేవ/మా ప్రభువా

 మా ఊరి ఉత్తరదిశగా నున్న మధువనము,

 నీవు విరాజమానమగుటచే పునీతమైనది.మా మనసులు మధువనమైనవి మహదేవ నీ అనుగ్రహముతో.ఆశీర్వచనముతో.

మన్నార్-మా పాలక!మాదొక విన్నపము.

 అది ఏమిటంటే?

 మారదు కేట్పం-ఉపాయమును నీవే మాకు చెప్పు

 ఏమిటా ఉపాయమంటే,

 మా సేవలు నీకు ప్రీతి కలిగించాలంటే,అవి ఏవిధముగా ఉండాలో చెప్పి,మమ్ములను అనుగ్రహించుటకు మేలుకోవయ్యా-మేలుకొని మమ్మేలుకోవయ్యా.

 

 తిరుపెరుంతురైఅరుళై ఇది.

 సుందరేశన్ తిరువడిగళియే పోట్రి.

 నండ్రి.వణక్కం.