ఓనమాలు (Onamaalu)

   భావనామాత్ర సంతుష్టా-సంప్రదాయ యోగినులు  ********************************  14 మంది సంప్రదాయ యోగినులు హృదయస్థానమైన సర్వసౌభాగ్యప్రద చక్రమునందు విరాజిల్లుతు సాధకుని మార్గమును సుగమము చేస్తుంటారు.వీరు నాడీ మండలమును పరిరక్షించుచుండుటయే కాక భావోద్వేగములను క్రమబధ్ధీకరిస్తు అనుగ్రహిస్తుంటారు.  సంక్షోభిణి,విద్రావిణి,ఆకర్షిణి,ఆహ్లాదిని,సమ్మోహిని,జృంభిణి,స్తంభిని,,రంజనీ,ఉన్మాదిని,సర్వార్థసాధిని,సర్వసంపత్తిపూరిణి,మంత్రమయి,ముఖ్యముగా ద్వంద్వ క్షయంకరి/సర్వద్వంద్వక్షయంకరీ.   నేను అనే దేహము నాలో దాగిని చైతన్యము రెండుగా నున్నవి అన్న భావనను పోగొట్టే పరమకరుణామయి సంప్రదాయయోగినులుగా మనలోని చిత్తభావములకు అదే మనోప్రవృత్తులకు వాటిని తొలగించే నివృత్తులకు ప్రతీకలు.  మన్వస్రం గా కీర్తింపబడే ఈ చక్రమును పదునాలుగు లోక విశేషములుగాను కీర్తిస్తారు.  నాడీమండలపరముగా కనుక సమన్వయించుకుంటే మానవ సరీరములోని 72000 నాడులను చైతన్యవంతముచేసే యోగినులు.  పరదేవతయొక్క జ్ఞానేంద్రియములు కర్మేంద్రియములు మనస్సు,బుధ్ధి,చిత్తము,అహంకారము అను అంతఃకరణములుగాను కీర్తిస్తారు.  ఇక్కడ మనమొక విషయమును ...

   కులయోగినులు  ************  శ్రీదేవి ఖడ్గమాల/శక్తి శుధ్ధమాలామంత్రములోని ఐదవ ఆవరణములో మనచే కీర్తింపబడుచున్న అద్భుతశక్తుల సాంకేతిక నామమే కులయోగినులు.     అసలు కులము అంటే ఏమిటి?యోగము అంటే ఏమిటి?యోగినులు అనగా ఎవరు? అనే సందేహమును పోగొట్టుకుంటేకాని మనము శ్రీమాత అవ్యాజకరుణాతత్త్వమును అర్థము చేసుకొనలేము.అమ్మదయతో పెద్దలు మనకు అందించిన అనుగ్రహముతో,తెలుసుకునే ప్రయత్నమును చేద్దాము.   శ్రీమాత్రేనమః.   *********  కులము అను పదమును దేహముగా.అవయవముల సమూహముగా మనము కనుక అన్వయించుకోగలిగితే,అప్పుడు మనము  యోగము అను శబ్దము యొక్క గొప్పతమును తెలుసుకునే ప్రయత్నము చేయగలము.  దేహములోదాగి (సూక్ష్మముగా) దానిని చైతన్యముచేయుచున్న మరొకశక్తి మరొకటి గలదని తెలుసుకొనగలుగుటయే యోగము.కన్ను దర్శనశక్తి అనే చైతన్యముపై ఆధారపడి చూడగలుగుచున్నదనుట ఎంత నిజమో ఆ దర్శనశక్తిని కన్నుకు భేదముగా గ్రహించగలుగుటయే యోగము.చూడకలుగుట కన్ను అన్న అవయవము యొక్క యోగ్యత.  ఏవిధముగా దర్శనశక్తి కన్ను అను అవయవముద్వారా ప్రకటింపబడుతున్నదో,అదేవిధముగా మనశరీరములోని ప్రతి అణువు మనలో దాగిన చైతన్యశక్తి యొక...

 హ్రీంకారాసన గర్భితానల శిఖాం సౌఃక్లీం కళాంబిభ్రతీం సౌవర్ణాంబర ధారిణీం వసుధాదౌతాం; త్రినేత్రోజ్జ్వలామ్‌ వందే పుస్తక పాశమంకుశధరాం స్రగ్భూషితాముజ్జ్వలాం తాంగౌరీం త్రిపురాం పరాత్పర కళాంశ్రీచక్ర సంచారిణీమ్‌!!  శ్రీదేవిఖడ్గమాల అమ్మవారి యంత్రస్వరూప వివరనము.పది ఆవరణములలో అమ్మ సంకల్పముతో విస్తరింపబడిన ప్రకృతిశక్తులు సాధకునకు ఆత్మతత్త్వమును అర్థముచేసుకొనుటకు            ఏవిధముగా సహాయపడుచున్నవో ,అడ్దంకులను ఏ విధముగా తొలగించుచున్నవో,ఆకరషణలను ఏ విధముగా దూరముచేయుచున్నవో అమ్మ మనకు వివరించే అనుగ్రహము.   విస్తరించిన అనేకానేక శక్తులలో కొన్ని రహస్యముగా,మరికొన్ని ప్రకటనముగా,కొన్ని దండిస్తూ,కొన్ని దయచూపుతూ,కొన్ని శరీర వ్య్వస్థలను సక్రమముగా నియంత్రిస్తూ,మరికొన్ని మానిసిక స్థిరత్వమును కలిగిస్తూ,ఒక్కొక్క అవరనమనే మెట్టును ఎక్కిస్తూ మనలో దాగిన మనను పరిచయము చేస్తుంది.మనలోని చైతన్యముతో మమేకము చేస్తుంది.    ఐం క్లీం సౌం అను మూడు బీజాక్షరలు నన్ను నాలోఉన్న నన్ను మధ్యలో దాగిన ప్రపంచమనే తెరను ఒకే వేదిక మీద చూపిస్తుంది.    ధన్యోస్మి మాతా ధన్యోస్మి.

1. సుందరి సుమంగళి నిరంతరి దురంధరి జ్యోతిస్వరూపమే నీవు శుక్రవారమునాటి నీదివ్యదర్శనము కిల్బిషము కడతేర్చునమ్మా నీ పాద చింతనమే భవతాపహరణము భావనామాత్ర సంతుష్టవు జగమంత నీ మాయలో మునిగిన తరుణాన నేనేమని కీర్తించగలను నీ సొంత సంతతిని వేగమే రక్షించు బిరుదు నీకున్నదమ్మా శివ శివ మహేశ్వరి పరమనిలయేశ్వరిశిరోన్మణి మనోన్మణియు నీవే శాంకరి శుభంకరి యశోధరి పరాత్పరి అనాధరక్షకియు నీవే అవ్యాజ కరుణతో కాంచిలో కొలువైన అమ్మ కామాక్షి ఉమయే. **** 2. ముత్తైదువ మెట్టెలు పావనపాదముల ప్రకాశముల దండగొలుసు చీల మండలమున పచ్చ వైఢూర్యముల మువ్వల సవ్వడులును ముత్య ముక్కుపుడక రత్తన పతకములు హారములు కడుసుందరం గరళకంఠుని సతిగ మంగళముగ అలరారు తాళి ఘనము శరణన్న వినిపించు చెవులకు కమ్మలు కరుణకరముల కంకణములు జగములన్నింటికి వెలుగుతానైనది జనని నీ వదన మిహిర. అత్తి వరదుని చెల్లి శక్తి శివ రూపిణివి అథముడిని వర్ణింపగా అవ్యాజ కరుణతో కాంచిలో కొలువైన అమ్మ కామాక్షి ఉమయే *********** 3.నిన్ను నెరనమ్మి నీ పాదాలపై వాలి శరణుశరణన్నగాని తగదమ్మ నామీద కనికరమునే మరువ,తాత్సారమది యేలనో కఠినాత్మురాలవను విషయము తెలియక మనసార నమ్మినానే క్షిప్రప్రసాదినిగ దాసుని రక్షింప జాగు...

    అమ్మా! కామాక్షి శరణం.   ************************* శ్రీ మాత్రే నమః ************* " శుక్లాంబరధరం విష్ణుం శశివర్ణం చతుర్భుజం ప్రసన్న వదనం ధ్యాయేత్ సర్వ విఘ్నోప శాంతయేత్" భగవత్స్వరూపులారా! నమస్కారములు. వాచక-కాయక-మానసిక పాపశేషములు జీవులను జన్మ అనే గుంజకు కర్మ అనే పాశముతో కట్టి,జనన-మరణ చక్రములో దారి-తెన్ను లేక తిరుగుతుండేలా నిర్దేశిస్తాయి.అమ్మలకన్న అమ్మ తన అవ్యాజకరుణతో (కరుణించుటకు మనకు ఏ అర్హత లేనప్పటికిని)మనలను ఉధ్ధరించుటకొక ఉపాధిని అనుగ్రహించి,మన కదలికలను ధర్మబధ్ధముగా జరుపుతు,మనలో మార్పులు తెస్తూ-తెస్తూ,ఏ మార్పులేని స్థితిని చేరుస్తుంది.పాశములను తొలగించివేసి,పశుపతితో/పశుపతిలో పరవశమయే భాగ్యమును ప్రసాదిస్తుంది. తల్లి నిర్హేతుక కృపాకటాక్షమేమో,ఏ మాత్రము పట్టులేని నా చేతిని పట్టుకుని, ద్రవిడభాషా శిరోభూషణములైన కామాక్షి అమ్మ విరుత్తము-నటరాజ పత్తులను స్పూర్తులుగా అనుగ్రహించి,ప్లవ నామ సంవత్సర దేవీ శరన్నవరాత్ర పుణ్యసమయమున, తమిళము నా మాతృభాష(తాయి మొళి) కాకపోయినప్పటికిని,వాటి అద్భుతానుగ్రహములను అందరికి పంచవలెనను చిన్న కోరికను నా మనసులో చిగురింపచేసి, " కామాక్షి-కామదాయిని" అను త...