ఓనమాలు (Onamaalu)

" మాణిక్యవీణాం ఉపలాలయంతీం మదాలసాం మంజుల వాగ్విలాసాం మాహేంద్ర నీలద్యుతి కోమలాంగీం మాతంగ కన్యాం మనసా స్మరామి. చతుర్భుజే చంద్రకళా వతంసే కుచోన్నతే కుంకుమరాగ శోణే పుండ్రేక్షు పాశాంకుశ పుష్ప బాణ హస్తే నమస్తే ! జగదేక మాతః." అని మహాకవి కాళిదాసుచే ప్రస్తుతింపబడిన తల్లిని,అశుభములలో-అశుభ్రతతో మిళితమైన కాలుష్యశక్తిగా భావించి,చండాలిక నామముతో గుర్తించుట అలుముకున్న మన అజ్ఞానమునకు ప్రతీకయే కాని మరొకటి కాదు.చీకటి-వెలుగులు తల్లి కనుసన్నల కదలికలు కనుకనే ఒక్కొక్కసారి నీలశ్యామలగా-మరొక్కసారి సరస్వతిగా ప్రకటింపబడుతూ,అంతర్-బహిర్ తత్త్వములకు అద్దముపట్టుతుంది అమ్మ. స్థూలజగతిలో మతంగ ముని కన్యగా ప్రస్తుతింపబడు తల్లి సంగీత-సాహిత్య సమలంకృత.సంపూర్ణ శబ్దస్వరూపము అయిన మాతంగి మనలను ఏ విధముగా శబ్దస్వరూపమై శాసిస్తుందో-మనలో శ్వాసిస్తుందో తెలుసుకునే ప్రయత్నము చేద్దాము. స్పందన గుణము కలది శబ్దము.స్పందనశక్తి శబ్దమును వివిధస్థితులలోనికి పయనింపచేస్తుంది.ప్రయాణములో వచ్చిన మజిలీలలో,శబ్దము తన సహజగుణమును కొంత విడిచిపెట్టి,కొత్తదనమును మరికొంత పుణికిపుచ్చుకొని,సరికొత్తరూపుతో సాగుతుంటుంది...

ప్రపశ్యంతీ మాతా-08 ******************** యాదేవి సర్వభూతేషు బగలముఖి రూపేణ సంస్థితా నమస్తస్త్యై నమస్తస్త్యై నమస్తస్త్యై నమోనమః సమ్మోహనము-సంస్తంభనము అను విరుధ్ధకార్యముల విశేష అనుగ్రహమే బగలముఖి మాత.బగల అను పదమునకు వధువు,తాడు అను అర్థములను పెద్దలు చెబుతారు.ఏ విధముగా పాశముతో తన భక్తులను రక్షిస్తూ,పశుపతిగా పరమాత్మ కీర్తింపబడుతున్నాడో.అదేవిధముగా తల్లి సమ్మోహనపరచి తన పిల్లలను నొచ్చుకొనునట్లుచేయువారి వాక్కును స్తంభింపచేస్తుంది.విజ్ఞానశాస్త్ర పరముగా ఆలోచిస్తే,ఈ దేవి శబ్ద-కాంతుల సమన్వయమును చేస్తూ, శిష్ట రక్షణ-దుష్ట శిక్షణ గావిస్తూ,ధర్మసంస్థాపనను చేస్తుంది. స్థూలముగా ఆలోచిస్తే పరాశక్తి విశ్వపాలనకై ఉత్కృష్ట స్థూల రూపముగా ఉర్వి నిండి ఉండగలగు. జ్ఞానుల కొరకు నిరాకారముగా,అజ్ఞానులమీద కరుణతో సాకారముగా ప్రకటింబడుతూ హద్దులు మీరిన అరాచకములను అణచివేస్తూ,వాటిని సత్కర్మలుగా మలుస్తూ,ప్రకృతిని సస్యశ్యామలము చేస్తుంది.ఉదాహరణకు పంచభూతములలోని జలము ఉదృతమై చెలియలి కట్తను తెంచుకొని వరదలై పంటభూములను ధ్వంసముచేస్తుంటే,తల్లి తన తాడుతో ఆ నీటిఉద్రిక్తతను ఆనకట్తలవైపునకు మళ్ళించి పంటభూములకు మరింత సాయపడుతుంది.దు...

. ప్రపశ్యనీ మాతా-07 *********************** యాదేవి సర్వభూతేషు ధూమావతి రూపేణ సంస్థితా నమస్తస్త్యై నమస్తస్త్యై నమస్తస్త్యై నమోనమః. " ఏకానేక రూపములు దేవి క్రీడలు" ఏకం సత్ విప్రా బహుదా వదంతి.ఒకే ఒక మూలమును విశేషప్రజ్ఞకలవారైన వారు బహువిధములుగా దర్శించి-తాదాత్మ్యమును పొందుతారు. పొగనుండి పుట్టినదని కొందరు-పొగచే కప్పబడినదని కొందరు తల్లిని ధూమావతి అని సంబోధిస్తూ-సంకీర్తిస్తుంటారు. పొగ-నిప్పు అను ద్వంద్వములుగా ప్రకటింపబడుతు క్రమేణా నిర్ద్వంద్వతను మనకు పరిచయము చేస్తుంది తల్లి.నామరూపాతీతమైన నెనరును చూపిస్తుంది. తల్లి క్రీడాసక్త కనుక మనతో దాగుడుమూతలు అను ఆటను తన ఆవరణ-నిక్షేపక గుణముల ద్వారా ఆడుతుంది.మనకు అర్థము చేయిస్తుంది.ఉదాహరణకు మన చర్మచక్షువులు ఒక మఱ్ఱి విత్తనమును చూశాయనుకోండి.అవి దాని కొమ్మలను ఊడలను మిగిలిన శాఖలను చూడలేవు.ఎందుకంటే అమ్మ విత్తులో వాటన్నిటిని దాచివేసి,పైకి కనపడకుండా చేస్తుంది.అదియే మాయ ఆవరణ.అదే విత్తనము పంచభూతాత్మక సమ్మిశ్రితమై మహావృక్షమై మన కనులకు మనసుకు విందులు చేస్తుంది.అదే ప్రకటనమనే నిక్షేపకము.అదే విధముగా జగద్వ్యవహారములను నడిపిస్తుంది తల్లి...

ప్రపశ్యంతీ మాతా-06 ******************* యాదేవి సర్వ భూతేషు ఛిన్నమస్తక రూపేణ సంస్థితా నమస్తస్త్యై నమస్తస్త్యై నమస్తస్త్యై నమో నమః. పనసపండు ముళ్ళతో మనకు దర్శనమిస్తుంది.తొనలు చూస్తే మధురమే.సీతాఫలము కళ్ళతో కనిపిస్తుంది కాని లోపల మధురమే.రూపము కొంచము ఇబ్బంది కరముగా నున్నప్పటికి అర్థము చేసుకోగలిగితే ఇష్టమైనదే అవుతుంది.తేజస్సును రేణువులుగా విభజించి కాంతిసంవత్సరమును (మిల్కి వే) సృష్టించి,అది అథోముఖముగా పయనించుటకు మార్గమును ఏర్పరచి,స్థూల విశ్వము దానిని గ్రహించుటకు తన కట్లను విప్పుకుని పైపైకి ఎగబాకి అమృతధారలను తాను ఆస్వాదించుటయే కాక అఖిలజగమును అమృతమయము చేయించగల శక్తి ఛిన్నమస్తక దేవి.తల్లి వర్గీకరణను నాడీవ్యవస్థ ద్వారా మనకు పరిచయము చేయుచున్నది.యుక్తాయుక్తముతో కూడినది ఈ వర్గీకరణ.పైనుండి కురియుచున్న అమృతధారలను అందుకోవాలన్న-ఆస్వాదించాలన్న పైకెగిరి పట్టుకోగలగాలి.విశ్వము అమృతమయము కావాలంటే నిరోధములు లేని నిచ్చెన వంటి ఊర్థ్వ మార్గము కావాలి.పట్టు తప్పకుండా ఉండాలి లేకుంటే పడిపోవుటయే కదా.అందులకు విశ్వ మార్గము వజ్రాయుధము వంటి గట్టితనమును కలిగియుండాలి.పైన పట్టుకోగలవారుండాలి అందుకే తల్లి తేజోశక్తి...

ప్రపశ్యంతీ మాతా-05 ******************* భగత్వ-రమణత్వ-వమనత్వముల మేలు కలయికయే భైరవీమాత.కాంటి భగత్వము-సౌందర్యము రమణత్వము-శక్తివంత చలనము వమనత్వము.ఉదయిస్తున్న అనంత సూర్యుల కాంతి సమూహమును భైరవిగా కీర్తించవచ్చును.భ అనగా కాంతి,ర అనగా శబ్దము.తేజోపూరిత శబ్దమే భైరవి శక్తి.అఖండ మేధా శక్తి.అనంత ప్రాణ శక్తి.విశ్వ పరిణామములను నిర్దేశించే విశేష శక్తి యైన తల్లిని జాగృత కుండలిని అని కూడా అంటారు.కుండలినీ శక్తి తటస్థ స్వభావముతో మూలాధార చక్రములో నిదురిస్తుంటుందంతారు.ఆ నిద్ర మన నిద్ర వంటిది కాదు.పరిసర జ్ఞానమును విస్మరించిన అపరిణత దశ.సస్వరూపమును స్వశక్తిని గుర్తించలేని మందత్వము.ఆ మందత్వమును తోసివేసి తన వేడిచే-వెలుగుచే కుండలిని తన చుట్లు విప్పుకుని,పైపైకి ఎగబాకి పరమాత్మ తో పరిచయము చేసే శక్తి.అంతే కాదు తల్లి దుర్గ అను నామముతో రెండు విధములైన దుర్గములను మనకు చూపిస్తూ,దేనిని మనముండుటకు ఎంచుకోవాలో తెలియచేసే శక్తి.అరిషడ్వర్గమనే ఎత్తైన గోడలు గలిగి మనలను బంధించు దుర్గమునకు దూరముగా ఉండి అవ్యాజ కరుణ-ఆశ్రిత వాత్సల్యము-ఆనందాబ్ధి మొదలగు ఎత్తైన గోడలతో కట్టబడిన అమ్మ దయ అనే దుర్గమును ఆశ్రయించవలెనను విషయమును వివరించు మ...

ప్రపశ్యంతీ మాతా-04 ****************** యాదేవి సర్వభూతేషు భువనేశి రూపేణ సంస్థితా నమస్తస్త్యై నమస్తస్త్యై నమస్తస్త్యై నమోనమః వేదములచే అదితి ( అఖండము) గా కీర్తింపబడుచున్న భువనేశ్వరి మాత,ఇచ్ఛా-క్రియా శక్తుల సంగమమై,తన బిడ్డల కోసం ఆకాశాన్ని సృష్టిస్తుంది.అవసరమైతే తానే ఆకాశముగా మారుతుంది.అందులో ఎన్నో మనకు ఉపయోగపడే వాటిని నియమిస్తుంది.మన ఆరోగ్యము కోసము కాలమును వికసింపచేసి దిక్కులను స్పష్టపరుస్తుంది.సూర్య మండల మధ్యస్థయై సూర్య కిరణములను తన కరములతో సస్యములుగా-శాకములుగా-పండ్లగా-కలి (ఆహారము) రూపమును దాల్చి,సారవంతమై,మన ఆకలిని పోగొడుతుంది.మాతృవాత్సల్య పూరిత ఇచ్ఛాశక్తి కనుక అమ్మ "ఈక్ష" అని కీర్తింపబడుతు,తన సూచనలతో,స్థూలజగతిని సుభిక్షము చేస్తుంది. తల్లి సూక్ష్మ స్థితి-గతులను పరిశీలిస్తే,బయటి ఆకాశము వలె,మన లోపల నున్న దహరాకాశము (హృదయము) తల్లి నివాసస్థానము.నిజమునకు మన అన్నకోశము-ప్రాణ కోశము-మనోమయ కోశము-విజ్ఞాన కోశము-ఆనంద కోశము జడములై ప్రేతస్థితిలో పడియున్నవేళ,భువనేశి,నిద్రాణమై యున్న కుండలినిని జాగృత పరచి వాటిని శక్తివంతము చేస్తుంది.అన్న కోశము ఆకలిని గుర్తించి ఆహారమును వెతుకుతు...

ప్రపశ్యంతీ మాతా-03 ****************** యా దేవి సర్వభూతేషు షోదశి రూపేణ సంస్థితా నమస్తస్త్యై నమస్తస్త్యై నమస్తస్త్యై నమోనమః. కాళి-తార మాతలు వామాచార పధ్ధతులలో పూజింపబడుతుంటే దానికి విరుధ్ధముగా వినూత్నముగా దక్షిణాచారా పధ్ధతిలో పూజింపబడు తల్లి షోడశి.తన నామములోని పదహారు మంత్రాక్షరములను చంద్రుని షోడశ కళలుగా ప్రకటింపచేసిన నిత్య కళయే షోడశిమాత. తన ముందరి శక్తులైన కాళి-తార బ్రహ్మవిద్యారూపాలుగా కనుక మనము పరిగణించగలిగితే,బ్రహ్మవిద్యతో పాటుగా సుందరీయోగమును జోడించి,తాను మాత్రమే కాకుండా,సకల జగములను సర్వాంగ సుందరముగా తీర్చిదిద్దినది.పూవులు-పళ్ళు-పక్షులు-నెమళ్ళు-వివిధ వృక్షములు-సువాసనలు-శుభసంకేతములు.అద్భుతము అద్వితీయము తల్లి కల్పనాచాతుర్యము. వీటన్నిటితో ఆడుతు-పాడుతు తల్లి లలితయై ,సుందరియై(,కాళి తత్త్వమును సత్యము అనుకుంటే-తారా తత్త్వమును శివముగా భావిస్తే)-షోడశి సుందరమై కను విందు చేస్తున్నది. సుందరము అంటే బాహ్యము తాత్కాలికము కాదు అనే విషయమును తెలియచేయుటకై తల్లి సత్యమును-శుభమును కలుపున్న సుందరత్వముగా భాసించుచున్నది. కాళి-తార మాతలు తటస్థమును అధిరోహిస్తే,షోడశి మాత పంచకృత్య సింహాసన...