ఓనమాలు (Onamaalu)

 సౌందర్య లహరి-గౌరీదేవి  పరమపావనమైన నీ పాదరజకణము  పతిత పాలకమైన  పరమాత్మ స్వరూపము  తారకాసుర సంహార తరుణమని  భావించి  పరమ శివునితో పరిణయ ప్రతినబూనె  పార్వతి  పంచాగ్నుల మధ్యనుండి ఘోరతపమునాచరించె  పర్ణగా-అపర్ణగా అకుంఠిత దీక్ష దక్షపుత్రి  అరుణకాంతి మాయమాతె-అసితామయమాయె  మేను  గురుతెరిగిన ప్రాణేశుడు  కాళిని గౌరిని చేసెను  అభయ-వరద ముద్రలతో,త్రిశూలము-డమరుకముతో  పెద్దతల్లి  గౌరమ్మ ఎద్దునెక్కి యున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి.  స్కాంధపురాణము-మత్స్య పురాణము-శివ పురాణము గౌరి నామములో అమ్మ తత్త్వమును దర్శించింది.ఆహారమునకు దూరముగా-పంచేంద్రియ లోలత్వమునకు దూరముగా నుండి పరమేశుని భర్తగా పొందగలిగినది తల్లి.కనుక ప్రత్యాహార సమాధి సమాధి భాజాం అని కీర్తిస్తారు.నల్లనిఛాయతో ప్రకాశించే తల్లిని భర్త "కాళి" నల్లని దానా అని మేలమాడినాడని,అందులకు చిన్నబుచ్చుకొని తపమాచరించుటకు కైలాసమును వీడి వెళ్ళగా,ఆసమయమున ఆడి అను అసురుడు పాముగా కైలాస ప్రవేశమును చేసి(మాయా...

 సౌందర్య లహరి-లలిత పరాభట్టారిక  పరమ పావనమైననీ పాదరజ కణము  పతిత పాలకమైన  పరమాత్మ స్వరూపము  బ్రహ్మా0ణడ పురాణంతర్గత  బ్రహ్మాండరూపిణి  ప్రాతఃకాల స్మరణము పరమ రమణీయము  హయగ్రీవ-అగస్థ్య సంవాద సుందరి  ప్రాతఃకాల భజనముసర్వ పాప భంజనము  చిదగ్నికుండ ప్రకటితమైన చిద్విలాసిని  ప్రాతఃకాల వందనము  ఆనందనందనము  వశిన్యాది-వాగ్దేవతా సేవిత శ్రీమన్నగర నాయకి  లలితా పరా భట్టారికగా కొలువుతీరియున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి.  "లాలనాత్ ఇతి లలితా".లాలనతో మనలను అనుగ్రహించు తల్లి లలితాదేవి.జ్ఞాన శాస్త్రమయమైన శ్రీ లలితోపాఖ్యానము,శ్రీ లలిత సహస్ర రహస్యనామ స్తోత్రములు,త్రిశతి,పంచరత్మ్న స్తొత్రము అనేకానేక విధములుగ జగములను ఉద్ధరించుచున్నవి.భక్తుల హృదయములలో క్రీడించు పరాశక్తియే లలిత.అనాది-అఖిలాధారయైన తల్లి,జ్ఞానముచే మాత్రమే దర్శనమును అనుగ్రహించు తల్లి, "లలిత-లలిత-శ్రీ లలిత-విశ్వ మోహిన శ్రీమాతగా భజింపబడుతు,నామ రూపములను అధిగమించి,తత్త్వ ప్రకాశినిగా అవగతమగు...

8:00 AM (1 hour ago)   సౌందర్యలహరి-సరస్వతి  పరమపావనమైన  నీ పాద రజకణము  పతిత పాలకమైన పరమాత్మ స్వరూపము  జిహ్వాగ్రమున వసించు సరస్వతి జ్ఞానశక్తిగా  పలుకులే కావ్య-నాటక-అలంకారములుగా  మీమాంస-పురాణములు తల్లి కంఠపు పైగీతగ  ఆయుర్వేద-ధనుర్వేదములు కంఠపు నడిమి గీతగా  చతుషష్టి కళల చతురత క్రిందనున్న గీతగా  బాహువుల సంకల్పమే తంత్రాది రూపములుగా  అంతర్వాహినిగా  మా ఆపాద మస్తకము బ్రహ్మజ్ఞానముగా   సురపూజిత  భాసురముగ ప్రవహించుచున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి. "కేయూరాని న  భూషయంతి పురుషం హారాన చంద్రోజ్జ్వలా  న స్నానం విలేపనం  న కుసుమం న అలంకృత మూర్ధజాః  వాణ్యేక సమలం కరోతిపురుషం య  సంస్కృత ధార్యతే  క్షీయంతే ఖలు భూషణని సతతం వాగ్భూషణం భూషణం"  ఆభరణముల అలంకరించుకున్నను,విలేపనములు అలదుకొన్నను,పన్నీటి స్నానములు చేసినను,సుగంధ పుష్పమాలములను అలంకరించుకొన్నను విద్యావిహీనుడు వ...

 సౌందర్య లహరి-అన్నపూర్ణ  పరమపావనమైన నీ పాదరజకణము  పతిత పాలకమైన  పరమాత్మ స్వరూపము  భూమిలోని సహనమువై,అగ్గిలోని వేడివై  మేఘములో జలమువై,జలము ఇచ్చు శక్తివై  విత్తులోని చెట్టువై,చెట్టులోని పండువై  పండులోని మధురమై,దాగిఉన్న దుంపవై  భక్ష్య-భోజ్య-చోహ్య-లేహ-పానీయములలో చేరి  పసి నుండి ముసలి వరకు  ఆహారముగా మారి  "భిక్షాం దేహి-మాతాన్నపూర్ణేశ్వరి" దయార్ద్రవై  " అన్నం పరబ్రహ్మ స్వరూపము"గ ఆకలితీర్చుచున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి. " అన్న పూర్ణే-సదాపూర్ణే శంకర ప్రాణవల్లభే   జ్ఞాన వైరాగ్య సిద్ధ్యర్ధం భిక్షాం దేహిచ పార్వతి"   " అన్న పూర్ణే విశాలాక్షి-అఖిల భువన సాక్షి! కటాక్షి" అని దీక్షితారు తరించారు.అన్ని అన్నివేళలా పూర్ణముగా కల తల్లి అన్నపూర్ణ.ఎడమ చేతిలో,దివ్యమైన అమృతాన్నముతోన్నిండిన మాణిక్య పాత్రతో,శుభకర కంకణముల కుడిచేతిలోని బంగారు గరిటతో ,సాక్షాత్ సదాశివునకు భిక్షను అనుగ్రహించుట,పరమేశ్వరార్పణము చేసిన తరువాత ప్రసాదమును స్వీకరించమని మనలకు చెప్పకనే చె...

  సౌందర్య లహరి-రాజేరాజేశ్వరి   పరమపావనమైన నీపాద రజకణము   పతిత పాలకమైన  పరమాత్మ స్వరూపము   ఇచ్చా-క్రియా-జ్ఞాన  శక్తుల అనుగ్రహదాయిని   అష్టసిద్ధులను అనుగ్రహించు సిద్ధిదాత్రివి నీవు   అంబా తత్త్వము వెల్లివిరియ ఆనందదాయిని   రాజాధిరాజులను రక్షించే ఈశ్వరివి నీవు   రజో-తమో-సత్వ భక్తిని మించినదైన పరాభక్తితో   రాగాతీత ఉపాసనను ఉత్కృష్టము చేయుచు   తేజోమయమైన  నీ రాజరాజేశ్వరి  రూపము   అపరాజితగా నాలో విరాజమానమగుచున్నవేళ   నీ మ్రోలనే నున్న నా కేలు విడనాడకమ్మా,నా   మానస విహారి! ఓ సౌందర్య లహరి.

  సౌందర్య లహరి-మహా లక్ష్మి-63   పరమపావనమైన  నీ పాదరజకణము   పతిత పాలకమైన  పరమాత్మ స్వరూపము   పువ్వులలో-ఫలములలో -ధాన్యములో-గడపలో   ముత్యములలో-మణులలో-వృక్షములలో-గోమాతలో   శంఖనాదములలో-శుభ గంటా నాదములలో   త్రిగుణాత్మక దీపములలో-తులసికోట మూలములో   ఆదిలక్ష్మి-ధాన్యలక్ష్మి-ధనలక్ష్మి-వీరలక్ష్మి   విద్యాలక్ష్మి-విజయలక్ష్మి-సంతా న లక్ష్మి-మహాలక్ష్మిగా   పలురూప నామములలో పరిఢవిల్లు నిన్ను చూచి   పాహిమాం-పాహిమాం అనుచు భక్తులు ప్రస్తుతించుచున్న వేళ   నీ మ్రోలనే నున్న నాకేలు విడనాడకమ్మా,నా   మానసవిహారి !ఓ సౌందర్య లహరి.   .  " యాదేవి సర్వభూతేషు లక్ష్మీ రూపేణ సంస్థితా" లక్ష్ అను ధాతువునుండి ఏర్పడిన పదము లక్ష్మి.లక్ష్యమును  నెరవేర్చునది లక్ష్మిదేవి.సర్వశుభలక్షణత్వమే లక్ష్మీతత్త్వము.నారాయణునికి  స్థితికారకత్వమునందు-సర్వ వ్యాపకత్వమునందు సహాయకారియైన తల్లి భృగు మహర్షి-ఖ్యాతి సాధ్విని కుమార్తెగా అనుగ్రహించి,భార్గవి నామముతో ప్రసిద్ధికెక్కినది.సనత్కుమార సేవిత హ...

 సౌందర్య లహరి- గాయత్రి   పరమపావనమైన  నీ  పాదరజకణము   పతిత పాలకమైన  పరమాత్మ స్వరూపము   సత్వ-రజో-తమో గుణములకు తోడుగా   ప్రకృతి తత్త్వము అనేనాల్గవ ముఖముతో   గుణాతీత స్వరూపముగా  ఆ ఐదవ ముఖముతో   ఆదిత్య మండలపు ఆ దివ్యశక్తి నీవుగా   అంతర్ముఖ-బహిర్ముఖ ఆరాధ్యదేవతగా   ఇరవై నాలుగు అక్షరములతో భాసించుచు   గాయత్రీ-సావిత్రీసరస్వతీ రూపాలుగా   మూడు సంధ్యలందు నీవు మూర్తీభవించు వేళ   నీమ్రోలనే నున్న నా కేలు విడనాడకమ్మా,నా   మానస విహారి! ఓ సౌందర్య లహరి.  "గాతారం త్రాయతే యస్మాత్ గాయత్రి"అని దేవీ భాగవతము స్తుతిస్తున్నది.ఎవరు స్మరిస్తారో వారిని రక్షించే తల్లి ఛందోరూపిణిగా భాసిల్లు గాయత్రీమాత.పాంచభౌతిక తత్త్వపు ఐదు రంగులు కల( ముక్తా-ముత్యపు-తెల్లని,విద్రుమ-పగడపు-ఎర్రని,హేమా-పచ్చని పసిమి-బంగారపు,నీల-నీలమణి--ప్రకాశపు నీలపురంగు-ధవళ-వజ్రపు ప్రకాశముతో) ఐదు ముఖములతో,త్రిగుణాతీత తత్త్వముతో,సూర్య మండలములో ప్రకాశించు ప్రాణ శక్తియే గాయత్రీమాత. ప్రత్యక్ష దైవ స్వరూపిణి.గంధం-పుష్పము-...

  సౌందర్య-బాలాత్రిపుర సుందరి   పరమపావనమైన నీ పాదరజకణము   పతిత పాలకమైన  పరమాత్మ స్వరూపము   ఉద్దండ భండాసుర సుతులను ఖండింపగ   తల్లి కవచమందించిన  పాలవెల్లి నీవుగ   కర్తవ్యమును నెరవేర్చగ కల్ హార వాసిని   హంసలున్న రథమెక్కిన  ప్రాణశక్తి నీవుగ   నవనవోన్మేషముతో  నవ వర్ష బాలికగ   నవ్యాలంకృతులతో నవరాత్రి పూజలందు   మాలా-పుస్తక-వరద-అభయ హస్తాలతో   బాలా త్రిపుర సుందరివై పాలించుచున్న వేళ   నీ మ్రోలనే నున్న నాకేలు విడనాడకమ్మా,నా   మానస విహారి! ఓ సౌందర్య లహరి.   " భండాసుర వధోద్యుక్తా బాలా విక్రమ వందితా"    కాముని భస్మమునుండి జనియించిన వాడు  భండుడు.మూర్ఖుడు. కొందరిని సంస్కరించి మరికొందరిని సంహరించి అమ్మ వానిలోని అసురతను తన ఆయుధమస్పర్శ ద్వారా తొలగించి వానికి ముక్తిని అనుగ్రహిస్తుంది..భండుని కుమారులు తల్లిపై పగ తీర్చుకొనుటకు చారుబాహుని పంపగా,తల్లి సువర్ణ కవచము నుండి ఆవిర్భవించిన బాల అసుర సంహారమునకు తాను వెడలెదనని,అనుమతించమని శ్రీ మాతను కోరెను.తొమ్మిది వ...

సౌందర్య లహరి-59 పరమ పావనమైన నీపాదరజ కణము పతిత పాలకమైన పరమాత్మ స్వరూపము అమ్మ మహిమ గుర్తించని చిమ్మచీకట్లలలో విజ్ఞత వివరము తెలియని యజ్ఞ వాటికలలో అటు-ఇటు పరుగులిడు తలపులను ఇటుకలతో సంకల్ప-వికల్పములను సుక్కు-శ్రవములతో విచక్షణారహితమను సంప్రోక్షణలతో కుతంత్రాల తతులనే కుటిల మంత్రాలతో తమస్సులో తపస్సులను బహులెస్స హవిస్సులతో నా అజ్ఞానము సర్వము యజ్ఞముగా మారుచున్న వేళ నీ మ్రోలనే నున్న నాకేలు విడనాడకమ్మా,నా మానస విహారి! ఓ సౌందర్య లహరి. " యజ్ఞ ప్రియా-యజ్ఞ కర్తీ-యజమాన స్వరూపిణీ" అని శ్రీమాతను శ్రీ లలితా సహస్ర రహస్య నామావళి కీర్తించినది.యజ్ఞమును ఇష్టపడి-కావలిసినవి సమకూర్చి-యజమానిగా తల్లి వ్యవహరిస్తుందట.స్థితికారిణి యైన తల్లికి మనము కృతజ్ఞతను తెలియచేసుకొనుటకు తల్లి ఇచ్చిన అవకాశము యజ్ఞము.మనము అమ్మకు గోరుముద్దలు తినిపించి పులకరిమ్హిపోతున్నట్లు.ఎంతటి మహా భాగ్యము ! యజుర్వేద విధానముగా ,ఋగ్వేద మంత్రసహితముగా నిర్వర్తించు అగ్ని కార్యము "యజ్ఞము"." యజ్ఞాత్ అన్న సంభవ " అని భగవద్గీత ప్రశంసించుచున్నది.అగ్నికార్యము ద్వారా దేవతలు యజ్ఞ ద్రవ...

   సౌందర్య లహరి-సకల శాస్త్రాలు   పరమపావనమైన  నీ పాదరజకణము   పతిత పాలకమైనపరమాత్మ స్వరూపము  శ్రీమాత జిహ్వ నుండి వెలువడిన సరస్వతీ రూపాలు  పలుకులు అనే కావ్య-నాటక- అలంకార రూపములు  మీమాంస -పురాణాదులు తల్లి కంఠపు  పై గీతగ  నడిమి గీతలేకద  ఆయుర్వేద -ధనుర్వేదములు  చతుషష్టి కళల సొంపు కంఠపు మూడవగీత  బాహువుల సంకల్పమే  తంత్ర రూపాదులుగా  శ్రీనాథుడు దర్శించగ "జయ జయ జనయిత్రిగ"  సరస్వతీ-శాస్త్రమయిగ నిన్నుచూచుచున్న వేళ  నీమ్రోలనే నున్న నా కేలు విడనాడకమ్మా,నా  మానసవిహారి! ఓ సౌందర్య లహరి.

సందర్య లహరి-58  పరమపావనమైన నీ పాదరజకణము  పతిత పాలకమైన  పరమాత్మ స్వరూపము  వేదోచ్చరణనుతెలుపు శిక్ష అను శాస్త్రము  దోషరహిత పద సంస్కారమైనవ్యాకరణము  గణముల కలయిక మెళకువలు తెలుపు ఛందము  వేద మంత్ర ఉత్పత్తిని తెలియచేయు నిరుక్తము  కాల నియమ వివరణ విధానముగా జ్యోతిషము  యజ్ఞ-యాగ మాచరించ విధానమైన కల్పము  అమ్మ చుబుకమే తమకు పుట్టినిల్లనుచును  ఆమ్నాయముల అధ్యయమునకు ఆలంబనమైన వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సందర్య  లహరి.  ఛందోబద్ధమైన వేదమును ఋక్కులు అనుటచే దానికి సంబంధించినవేదమును"ఋగ్వేదము" అనియు,గద్యాత్మకమైన వేదమును యజస్సు గలది కనుక "యజుర్వేదము" అనియు,గీతాత్మకమైన వేదము సామం కనుక " సామవేదము" అంటారని,పద్య గద్యాత్మకమైన వేదమును "అధర్వణ వేదము" అని అలంకారికులు విశ్వసిస్తారు.వారుఈ విషమును,వేదమును"త్రయి" అనుటకు మూడు వేదములే అన్న వాదనసరికాదని,జ్ఞాన-కర్మ-ఉపాసన అను మూడు సంస్కారములను తెలియచేయునవి వేదములు అని కీర్తిస్తారు.అమ్మ చుబుకము (గడ్డము) నుండి ఆవిర్భవించిన ఆరు వేదాంగముల...

 సౌందర్య లహరి-57  పరమపావనమైన నీ పాదరజ కణము  పతితపాలకమైన పరమాత్మ స్వరూపము  ఎడమనేత్ర కాంతిమారె లక్ష్మితత్వముగ  ఎడతెగక నడిపించె స్థితికార్యపు మాతృకగ  కుడినేత్ర కాంతిమారె పార్వతితత్వముగ  విడనాడక కాపాడగ కరుణకు ప్రతిరూపముగ  మూడవ నేత్ర కాంతిమారె సరస్వతి తత్వముగ  మూఢత్వము తొలగించగ సారస్వత రూపముగ  ఉద్ధరింపగ మమ్ములను ముగ్గురమ్మలను అందించిన  నీ ఊపిరి నాలుగు వేదములైన వెలుగుచున్న వేళ  నీ మ్రోలనేనున్న నా కేలు విడనాడకమ్మా,నా  మానస విహారి ఓ సౌందర్య లహరి.  "విద్" అను ధాతువునకు తెలియుట అను అర్థమును మనము అన్వయించుకుంటే భగవంతునిద్వారా తెలుపబడినవి "వేదములు." వీనిని శృతులు-ఆమ్నాయములు-అపౌరుషేయములు అని కూడా కీర్తిస్తారు.కావలిసిన వాటినిచ్చి,అక్కరలేని వాటిని దగ్గరకు రానీయని శక్తిగలవి వేదములు.వేదము అనగా జ్ఞానము-నిజము అని కూడా అర్థముచేసుకోవచ్చును.వేదరాశి వ్యాసమహర్షిచే, నాలుగుగా క్రమబద్ధీకరించబడినవి.అవి ఋగ్వేదము-యజుర్వేదము-సామవేదము-అధర్వణవేదము. ఆది శంకరులు ప్రశంసించిన ఋగ్వేదము కామితార్థప్రదము.యాగ విధానమును తెలియచేయునది యజుర్...

 సౌందర్య లహరి-35   పరమపావనమైన  నీ పాదరజకణము   పతిత పాలకమైన  పరమాత్మ స్వరూపము   అజ్ఞాన అంధకార సాగరములో  అనవరతము   మునకలే  ముచ్చటనే  మూఢులమైన  మేము   ఇడుములనే  ఉడుములే చేరెను మా సమీపము   నిస్సార సం సారము చేసెను మమ్ము సమ్మోహనము   చింతలతో చిన్నబోయి ఖిన్నులమై  ఉన్నారము   లోతైన లోయలో లేవలేక ఉన్నారము   నిఖిల జగము  వగచుచు  నీట మునిగియుండగా   నీ పాదరేణువు  ఆదివరాహపుకోరయైన వేళ   నీ మ్రోలనే నున్న నా కేలు విడనాడకమ్మా,నా   మానస విహారి! ఓ సౌందర్య లహరి.  జయవిజయులు సనకసనందనాది శాపగ్రస్తులై నారాయణ విరోధులుగా మారిరి.హిరణ్యాక్షుడు భూమాతను సముద్రములో దాచివైచినపుడు అమ్మపదిగోళ్ళనుండి సృష్టించిన పది అవతారములలో మూడవదైన వరాహమూర్తి భూమాతను రక్షించి,అసురునకు ముక్తిని ప్రసాదించెను.కలియుగములో పాపముల సంఖ్య మితిమీరి అశక్తులైన ఆర్తులను రక్షిచుటకు ,అమ్మ అనుగ్రహము ఆదివరాహపు కోరయై,ఆశ్రిత రక్షణమును చేయుచున్న సమయమున,చెంతనే నున్న నా చేతిని విడిచిపెట్టకమ్మా.అనేక నమస్కారములు.

  సౌందర్య లహరి-82   పరమ పావనమైన  నీ  పాదరజకణము   పతిత పాలకమైన  పరమాత్మ స్వరూపము   సకలశాస్త్ర సమూహముల  సారమైన నీ అందెలు   సామవేద సంగతుల  స్వరమైన నీ అందెలు   నీ పాదములు తాకలేని నీలకంఠ వదనుని   చిత్తరమైన కొత్త తత్తరపాటును చూసి   అవ్వ? ఇది ఏమి సోద్యము?   మేము చూసినామంటూ చేసే సవ్వడులు   చిత్తుగ ఓడిపోయి ఏమిచేయలేని  మన్మథుని   చిత్తపు పరిహాసముగ పకపక నవ్విన వేళ   నీ మ్రోలనే నున్న నా కేలు  విడనాడకమ్మా,నా   మానస విహారి! ఓ సౌందర్య లహరి.   అదిశంకరుల అద్భుతభావనా విన్యాసము.అనుపమాన లీలా విశేషములు ఉపమాలంకార విరచితములు.లలిత లలిత శృంగార ఉత్తుంగ తరంగాలు.లాస్యము చేయుచున్న అమ్మ ముగ్ధమనోహర పాద, మంజీరములను స్వామి ఒకసారి తాకవలెనను తలపుతో కొంచము వంగినపుడు,పరమ సాధ్విమతల్లి భంగిమను మార్చి స్వామికి అందకుండిన,ఎవరైనా చూసినారేమో అని తత్తర పాటుతో నున్న శివుని ముఖమును చూసినపుడు వచ్చిన మువ్వల సవ్వడి,మన్మథుని చిత్తములో నేను చూసినానులే అని నవ్వినట్లున్న సమయమున,చెంతనే నున్న నా చేతిని విడిచి...

  సౌందర్యలహరి పరమపావనమైన నీపాదరజకణము పతిత పాలకమైన పరమాత్మ స్వరూపము తల్లి గర్భములో నేనుండగా సహస్రారముద్వారా క్రిందకు పయనమై, మూలాధారముచేరి,పైకి వస్తూ దేహేంద్రియాదుల కన్నా ఇతరములేవి లేవను అజ్ఞానపు బ్రహ్మగ్రంధి ముడిని,నీ దయతో విడదీస్తూ సూక్ష్మ శరీరము నాదికాదను బోధద్వారా విష్ణుగ్రంథి ముడిని విడదీస్తూ,సాగుతూ శరీర భ్రాంతియైన రుద్రగ్రంధిని చేదిస్తూ నన్ను కట్టివేసిన ముడులను నీ కరుణ విప్పుచున్నవేళ నీమ్రోలనే నున్న నా కేలు విడనాడకమ్మా, నా మానస విహారి ఓ సౌందర్య లహరి "సహస్రాంబుజారూఢా సుధాసారాబ్ధి వర్షిణి" సహస్రారములో జగన్మాత అమృతవర్షిణిగా మనలను అనుగ్రహిస్తుంది. జీవుడు స్థూల-సూక్ష్మ-కారణ శరీరములను కలిగియుంటాడు. సాధకుని కుండలినీశక్తి మూలాధారమునుండి సహస్రారము చేరుటకు మధ్యలో మూడు అవరోధములను ఎదుర్కొనవలసి వచ్చును.అందులో మొదటి అవరోధమును "బ్రహ్మ గ్రంధి" అంటారు.మనకున్న ప్రాపంచిక బంధములు దట్టమై చిక్కుముడిగా మారి స్వాధిష్ఠానమును దాటి పైకి వెళ్ళనీయక అడ్డుపడుతుంటాయి.తల్లి అనుగ్రహముతో చిక్కు ముడిని విడదీసి మార్గమును సుగమము చేయుటచే,సాధకునికి తనకు స్థూల శరీరమున...

  సౌందర్య లహరి-53   పరమపావనమైన  నీ పాదరజకణము   పతిత పాలకమైన పరమాత్మ స్వరూపము   అధిష్ఠాన దేవునిగ  ఆ పరమాత్ముడుండగ   ధ్యానము-ధ్యేయము-ధ్యాతలను  ఏకము చేస్తు   నూట ఇరవై ఉపదళములున్న ఎమినిది దళములలో   అక్షరములను మించిన శుభలక్షణములు నిలుపుకొని   పంచతత్త్వములను మించిన కృష్ణతత్త్వముతో   కుండలినీ శక్తిని శివశక్తిగా  మలచుచు   బ్రహ్మరంధ్ర  సమీపమున పరబ్రహ్మ స్వరూపిణి   సహస్రారములో  సచ్చిదానందమై  సాక్షాత్కరించుచున్నవేళ   నీ మ్రోలనే నున్న  నా కేలు విడనాడకమ్మా,నా   మానస విహారి  ఓ సౌందర్య లహరి.  సహస్రార చక్రమును "మకుట" చక్రము అని గౌరవిస్తారు.  సహస్రార చక్రమును "మకుట" చక్రము అని గౌరవిస్తారు.   "కులాంగనా-కులాంతస్థా-కౌళిని-కులయోగిని    అకులా-సమయాంతస్థా" అని " శ్రీ లలితాసహస్ర రహస్యనామ స్తోత్రము" లో శ్రీ మాత షట్చక్రముల-సహస్రారము గురించి మనకు అనుగ్రహముతో వివరించింది.    కులము అను పదమునకు ఉన్న అర్థములలో సమూహము అనునది ఒకటి.ఆ అర్థమును అ...

 సౌందర్య లహరి-52  పరమపావనమైన  నీపాదరజకణము  పతిత పాలకమైన పరమాత్మ స్వరూపము  అధిష్ఠానదేవునిగ ఆ ఈశ్వరుడుండగా  కనుబొమల మధ్యనున్న  సంకేతములుగా  పరమేశ్వరి కనుసన్నల ప్రకాశతత్త్వముగా  పంచాక్షరి ముందునున్న "ఓం" కారముగ నీవు మారి  హ-క్షం అను అక్షరములు  రెండింటిని  రెండు దళములుగలు గల పద్మములో ప్రకటించుచు  విచక్షణ జ్ఞానము అను అయిస్కాంత శక్తితో  ఆజ్ఞాచక్రములో మహారాజ్ఞిని చూచుచున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి.   ఆత్మజ్ఞాన దర్శని-త్రికాల దర్శిని కనుక ఆజ్ఞాచక్రమును " త్రినేత్ర చక్రము" అని కూడ కీర్తిస్తారు.శుద్ధ సత్వ రూపముగా భాసించు ఆజ్ఞా చక్రమును చేరిన కుండలినీ శక్తి అజ్ఞాన తిమిరములను తొలగించుకొని,పైనున్న సహస్రారమును చేరుటకు సిద్ధమవుతుంటుంది.విజ్ఞాన చిహ్నమై సాధకుని ఆధ్యాత్మిక పురోగతికి సహాయపడుతుంటుంది.ఊదా రంగులో నున్న రెండు దళములు స్థూల-సూక్ష్మములకు,చీకటి-వెలుగులకు,నిరాకార-సాకారములకు-సద్గుణ-నిర్గుణములకు ప్రతీకలుగా పరమాత్మను దర్శింపచేయుటకు ప్రధాన సహాయకారు...

సౌందర్య లహరి-51 పరమపావనమైన నీ పాదరజకణము పతిత పాలకమైన పరమాత్మ స్వరూపము అధిష్ఠాన దేవునిగ ఆ జీవుడుండగా అచ్చులను అందముగ కంఠములో పొదవుకొని పంచభూతములలోని ఆకాశతత్త్వముగా పంచాక్షరి నామములోని "య"కారముగ నీవుమారి సర్వలక్షణశోభిత స్వరములు పదహారింటిని పదహారు దళములుగల పద్మములో ప్రకటించుచు వాక్కును అందించుచున్న వశిన్యాది రూపములుగా విశుద్ధ చక్రములో వింత కాంతులీను వేళ నీమ్రోలనే నున్న నా కేలు విడనాడకమ్మా,నా మానస విహారి! ఓ సౌందర్య లహరి. జగద్రక్షణార్థము మహేశుడు గరళమును తనకంఠమునందుంచి,దానిని శుద్ధిచేసి దోషరహితము గావించెను కనుక శుద్ధిచేయబడిన పద్మమును నీలకంఠ చక్రము అను కూడా కీర్తిస్తారు.అ-ఆ-ఇ-ఈ-ఉ-ఊ-ఋ-ౠ- ఎ-ఏ-ఐ-ఒ-ఓ-ఔ-అం-అః అను పదహారు అచ్చులను పదహారు దళములు గల పద్మములో పొదవికొని వాగ్రూపముగా ప్రకాశిస్తూ ఉంటుంది.అచ్చుల సహాయము లని హల్లులు అసంపూర్ణములు.పంచభూత సూక్ష్మరూపముగా మనలోనున్న అగ్ని సహాయముతో కుండలినీ శక్తి విశుద్ధము వరకు వచ్చి,మనము గుర్తించి సద్వినియోగపరచుకోలేకున్న తిరిగి మూలాధారములోనికి జారి నిరుపయోగమవుతుందని పెద్దలు చెబుతారు.కనుక జాగరూకతతో ఆ శక్తిని ఆజ్ఞా చక్రము వైపు మరలించుటకు ...

 సౌందర్య లహరి-50  పరమపావనమైన నీ పాదరజకణము  పతిత పాలకమైన  పరమాత్మ స్వరూపము  అధిష్ఠాన దేవునిగా ఆ రుద్రుడుండగా  వ్యాధినిరోధకత్వమైన అతి సున్నితచక్రముగా  పంచభూతములలోని వాయు తత్త్వముగా  పంచాక్షరి నామములోని "న" కారముగ నీవు మారి  క-ఖ-గ-ఘ-ఙ-చ-ఛ-జ-ఝ-ఞ-ట-ఠ                అను అక్షరములు పన్నెండింటిని  పన్నెండు దళములుగల పద్మములో ప్రకటించుచు  హృదయములో నెలకొనిన బీజశక్తి రూపముగా  అనాహత చక్రములో నిన్ను చూచుచున్న వేళ,నీ  మ్రోలనే నున్న నా కేలు విడనాడకమ్మా,నా  మానస విహారి ! ఓ సౌందర్య లహరి. " చింతామణి గృహాంతస్థా" గా అమ్మవారు కీర్తింపబడేది ఈ అనాహతచక్రమే.అనాహత చక్రమునే అనంత చక్రము-నిరంతర చక్రము అని కూడ అంటారు.లేతనీలిరంగు పన్నెండు దళములతో ప్రకాశించు అనాహతము అజపామంత్ర స్థానము.సో-హం అను నిరంతర చింతనతో,శాంతి-సహనము.క్షమ-దయ-ప్రేమ-సంతోషముతో అలరారుతు భక్తుని యొక్క పరిపక్వతకు తగినంత స్థానమును కలిపిస్తుంది.యోగిహృద్యాన గమ్యం అయిన పరమాత్మ దర్శన పరిశోధన పటిష్ఠమై,అవ్యక్తాన...

సౌందర్య లహరి-49  పరమ పావనమైన  నీ పాదరజకణము  పతిత పాలకమైన  పరమాత్మ స్వరూపము  అధిష్ఠాన దేవునిగ ఆ నారాయణుడుండగ  అవరోధములను అధిగమించి మరికొంచము పైకిపాకుతు  పంచభూతములలోని అగ్నితత్త్వముగ  పంచాక్షరి నామములోని " శి"అక్షరముగ మారి  డ-ఢ-ణ-త-థ-ద-ధ-న-ప-ఫ అను అక్షరములు పదింటిని  పది దళములుగల పద్మములో ప్రకటించుచు  నాభిస్థానము వెనుకనున్న జ్ఞానశక్తి రూపముగా  మణిపుర చక్రములో నిన్ను చూచుచున్న వేళ  నీ మ్రోలనే నున్న  నా కేలు విడనాడకమ్మా,నా  మానస విహారి! ఓ సౌందర్య లహరి.   మణిపుర చక్రమును నాభికమల చక్రము అని కూడ అందురు.తిరోధానముగ నున్న త్రికోణ చిహ్నమును (తలక్రిందులుగ నున్న త్రిభుజము) కలిగి ప్రాణ-అపాన వాయువులకు కలయిక స్థానముగా ఉంటుంది.పసిమి రంగు పది దళములతో ప్రకాశిస్తుంటుంది.సౌర-అగ్నితత్ త్వ మిళితమైన అరోగ్యప్రదాయిని.మంచిగుణములను మణులతో ,లక్ష్మీ-నారాయణ రూపముతో ప్రకాశించుచు,అనుగ్రహించుచున్న శ్రీ మాతను మణిపురచక్రములో నేను దర్శించగలుగుచున్న సమయమున చెంతనే నున్న నా చేతిని విడిచిపెట్టకమ్మా.అనే...

సౌందర్య లహరి-48 పరమపావనమైన నీ పాదరజకణము పతిత పాలకమైన పరమాత్మ స్వరూపము అధిష్ఠాన దేవునిగ ఆబ్రహ్మదేవుడుండగ పాము చుట్ట విప్పుకొని కొంచము పైకి పాకుతు పంచభూతములలోని జలతత్త్వముతో పంచాక్షరి నామములోని "మ" అక్షరము నీవై ప-భ-మ-య-ర-ల అను అక్షరములు ఆరింటిని ఆరు దళములు గళ పద్మములో ప్రకటించుచు జాగృతమొనరించుచున్న క్రియాశక్తి రూపముగా స్వాధిష్ఠాన చక్రములో నిన్నుచూచుచున్న వేళ నీమ్రోలనే నున్న నా కేలు విడనాడకమ్మా,నా మానస విహారి! ఓ సౌందర్య లహరి. స్వాధిష్ఠానచక్రము మూలాధార చక్రమునకు మూడు సెంటిమీటర్ల పైన, ఆరు దళములు గల పద్మముగా,లేత ఎరుపు రంగులోనుండును.ఇందులో జాగృతమైన మన చెడు భావనలు కుండలినీ శక్తిని మణిపుర చక్రమువద్దకు పోనీయక అడ్డుపడుచుండును.ఫలితముగా ఒక్కొక్కసారి కుండలిని అథోముఖమై మూలాధారమును చేరవలసి వస్తుంది.స్వాధిష్ఠాన చక్రము యొక్క చిహ్నము మొసలి.మరల మరల కార్య సిద్ధికి ప్రయత్నముచేసే స్వభావములేనిది.అలసత్వముతో (సోమరిగ) నుండును.రుచిని తెలుపుటకు-పునరుత్పత్తికి సహాయపడుచున్న స్వాధిష్ఠాన చక్రములో (అమ్మ దయతో) సూక్ష్మ రూపమున శ్రీమాతను గుర్తించుచున్న సమయమున,చెంతనే నున్న నా చేతిని విడిచిపెట్టకమ్...

 సౌందర్య లహరి-46  పరమ పావనమైన నీ పాదరజ కణము  పతిత పాలకమైన పరమాత్మ స్వరూపము  అధిష్ఠాన దేవుడిగ  ఆదిపూజ్యుడుండగా  పాము చుట్ట చుట్టినట్లు నెమ్మదిగ పడుకొని  పంచభూతములలోని పృధ్వి తత్త్వముగ  పంచాక్షరి నామములో "న" కారముగ నీవు మారి  వ-శ-ష- స అను అక్షరములు నాలుగింటిని  నాలుగు దళములుగల పద్మములో ప్రకటించుచు  అండ-పిండ-బ్రహ్మాండ కుండలినీ శక్తిగా  మూలాధార చక్రములో నిన్ను చూచుచున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి.  "అరుణాం కరుణాంతరంగితాక్షిం" తల్లి ఎర్రనైననది. కరుణతో నిండిన కన్నులు కలది .ఒక విధమైన అర్థమైతే,కరుణతో నిండిన అంతరంగము కలది అని కూడా మనము అన్వయించుకోవచ్చును.అదే విధముగా మూలాదార చక్రములో,మూడు చుట్టలు చుట్టుకొన్న "కుండలినీ శక్తి" కూడ అమ్మదయ ప్రసరించుటచే ఎర్రని రంగును కలిగి,పైకి పాకి మనలను చైతన్య వంతులను చేయుట అను స్వభావమును కలిగియున్నది.ఈ మూడు చుట్లు భూత-వర్తమాన-భవిష్య కాలములకు సంకేతములుగా భావిస్తారు.మూలాధార పద్మములోని నాలుగు దళములను మానవ...

  సౌందర్య లహరి-46  పరమపావనమైన నీపాద రజకణము  పతిత పాలకమైన పరమాత్మ స్వరూపము  సర్వ వర్ణోపశోభితము  సహస్రారము కాగా  హంసవతీ-క్షమావతీ ఆజ్ఞా చక్రముగా  అమృతాది మహా శక్తులతో విశుద్ధిచక్రముగా  కాళరాత్రాది రేకులతో అనాహత చక్రముగా  డామర్యాదివిరచిత మణిపుర చక్రముగా  బందిన్యాది సమన్విత స్వాధిష్ఠాన చక్రముగా  వరద-శ్రీ షండ-సరస్వతీ మూలాధార చక్రముగా  నీ త్రివిక్రమ పరాక్రమము శ్రీచక్రముగా మారుచున్న వేళ  నీ మ్రోలనే నున్న నా కేలు విడనాడకమ్మా,నా  మానస విహారి! ఓ సౌందర్య లహరి. " శ్రీచక్రరాజ సింహాసనేశ్వరి శ్రీ లలితాంబికయే" అని అమ్మవారిని స్తుతిస్తున్నారు ఎందరో భక్తి ప్రపత్తులతో.  మన శరీరములోని విసర్జకావయమునుండి పైకి ఒక ఎముకల వలయము సాగుతుంది.(వెన్నెముక) దీనిని సుషుమ్నా నాడి అంటారు.ఆ నాడి తనలో ఆరుచోట్ల పద్మములవలెనున్న ఆరు చక్రములను కలిగిఉంటుంది.అవి మూలాధారము-స్వాధిష్ఠానము-మణిపురము-అనాహతము-విశుద్ధము-ఆజ్ఞా చక్రము అనునవి.వీనిని దాటిన లభించునది సహస్రారము.అదియే పరమాత్మ స్థానము.ఈ చక్రములు పంచభూత తత్త్వ...

  సౌందర్య లహరి-45  పరమపావనమైన  నీ పాదరజకణము  పతిత పాలకమైన పరమాత్మ స్వరూపము  బిందువుగా  సృష్టి ప్రారంభమును కేంద్రీకరిస్తూ  దయా సింధువుగా  పంచభూత తత్త్వముతో  వ్యాపిస్తూ  శ్రీచక్ర సింహాసినివై  ఋతువులను  ఋతముచేస్తూ  సర్వకాల సర్వావస్థలలోను నీ అస్థిత్వమును ప్రకటిస్తూ  జగములను మోడుబారనీయని తోడునీడగా వీడక  అండ-పిండ బ్రహ్మాండములలో నిండిన అండవని తెలియక  జనన- మరణములు చర్విత చరణమగుచుండగా  శిశిరమైన చిత్తమునకు  చైత్రము నీవైన  వేళ  నీ మ్రోలనే నున్న నా కేలు విడనాడకమ్మా,నా  మానస విహారి ! ఓ సౌందర్య లహరి. ' " మృణాల మృదుదోర్లతా' అనియు," బిసతంతు తనీయసీ " అనియు శ్రీ లలిత సహస్ర నామములలో తల్లిని కీర్తిస్తారు.మృణాలము అంటే తామరతూడు.తామరతూడు కంటే మృదువైన మృదుత్వము కలవి అమ్మ చేతులు.అందుకే అవిఆశ్రిత మందారాలు.ఇక్కడ మన సుషుమ్నా నాడి షట్చక్రములనెడి పద్మములతో ప్రకాశించుచు,ఇళ-పింగళ నాడులు రెండు రెండు చేతులుగా మనలకు ఆధారమగుచున్నవి.సుషుమ్నా నాడి అను పద్మభరిత కాండమునకు గల రెండు మృదువైన కొమ్మలు.నయన ...

సౌందర్య లహరి-44 పరమ పావనమైన నీ పాదరజ కణము పతిత పాలకమైన పరమాత్మ స్వరూపము దుర్గ,లక్ష్మి,సరస్వతి,గాయత్రి,రాధ ప్రకృతి పూర్ణరూపములు గంగ,చండి,తులసి,షష్టి,మానసా దేవి ప్రధానాంశ రూపములు అనసూయ,అరుంధతి,శచీదేవి,లోపా ముద్రా అమ్మ కళాంశ రూపములు పెద్దమ్మ,పోలేరమ్మ,ఎల్లమ్మ,మైసమ్మ అమ్మ అంశ రూపములు ప్రతి స్త్రీమూర్తిలో పవిత్ర అంశాంశను పదిల పరచగ ప్రతి స్త్రీరూపము పరమేశ్వరి ప్రతిరూపమే కాగ ఇలను పూర్ణముగా-అంశలుగ-అంశాంశలుగ-జానపదముగా గడ్డుతనము తొలగించి బిడ్డలను కాపాడుచున్నవేళ నీ మ్రోలనేనున్న నా కేలు విడనాడకమ్మా,నా మానస విహారి ఓ సౌందర్య లహరి పరాశక్తి-పరమేశ్వరి భక్త సంరక్షణార్థము పలురూపములను ధరించి,పరిపాలించుచున్నది.భక్తుల మానసిక స్థితిగతులకు అనుగుణముగా, " ఒక సూర్యుండు సమస్త జీవులకు తానొక్కక్కడై తోచు రీతి" భగవతి తన రూపమును-స్వభావమును-పూజా విధానమును అనేకముగా చేసినను,అనుగ్రహమును మాత్రము అవ్యాజముగా(అనుగ్రహించవలసిన కారణము లేక పోయినను) వర్షించుననుటకు పెక్కు ఉదాహరణలు కనిపించుచున్నవి. "శివ శక్త్యా   యుక్తా  ప్రభవతి" అని ఆదిశంకరులు కీర్తించినా,లోపా ముద్రార్చిత శ్రీమత్ చ...

సౌందర్య లహరి-43 పరమ పావనమైన నీ పాదరకణము పతిత పాలకమైన పరమాత్మ స్వరూపము ఆకలిలో దాగియున్న అగ్నిహోత్ర జ్వాలగా ఆహారములో సాగుచున్న సృష్టి-స్థితి లీలగ అక్షరములనేలుచున్న విలక్షణ స్వరముగా వీక్షణముల బ్రోచుచున్న సాక్షాత్తు కరుణగా కదలని కనురెప్పల కరుణే కనుసన్నలుగా ఋతువులు మార్చుచున్న కాలాతీత రూపిణిగా సర్వకాల సర్వావస్థలలో సన్నిహితముగా బ్రహ్మాండములతో నీవు బంతులాడుచున్న వేళ నీ మ్రోలనే నున్న నా కేలు విడనాడకమ్మా,నా మానస విహారి ఓ సౌందర్య లహరి. " అండజ వాహన నువు బ్రహ్మాండంబులు బంతులట్లు ఆడగ "అని శ్రీ కృష్ణ శతకములో గోవర్ధనపర్వతమును చిటికెన వేలితో ఎత్తినపుడు గోపాలురు ప్రస్తుతించిరట.అదే విధముగ శ్రీమాత పదునాలుగు భువన భాండములను బంతులుచేసి లీలగ వానిని తిప్పుచుండును.మణిద్వీప వర్ణనలో ఒక సంఘటన గురించి పెద్దలు ఇలా చెబుతారు.ఒకసారి బ్రహ్మదేవునకు ( అమ్మ అనుగ్రహముతో) సృష్టికర్తగా ఇంతటి వైభవమును పొందగలుగుచున్నాను.ఈ వైభవమునకు కార...