ఓం నమ: శివాయ-70

శివ సంకల్పము-70

 నీ పిరికితనము చూసి నీ నామము భయపడింది

 ఎందుకైన మంచిదని పొంచి పొంచి దాగినది

 రెండు వేదముల మధ్య యజుర్వేదమును పెట్టింది

 యజుర్వేద మధ్యలో రుద్రాధ్యాయమును

 అష్టమ వాకము రక్షణ అని స్పష్టము చేసినది

 రక్షణదాయినిగా పంచాక్షరిని పట్టుకుంది

 పంచాక్షరి మధ్యములో పదిలముగా కూర్చుంది

 రెండక్షములను దాచలేని దైవము నీవేనంది

 పంగనామము పెడతావని నీ నామము అనుకుంటోంది

 గంగపాలు చేస్తావేమో నన్ను నీ చేతకానితనముతో

 ఇన్నాళ్ళు నమ్ముకున్న నన్ను ఇప్పుడు కాదంటే నేను

 ఎక్కడికి పోతానురా ఓ తిక్క శంకరా.