MEDUSHTAMA SIVATAMA-13
మీఢుష్టమ శివతమ-13
*********************
న రుద్రో రుద్రమర్చయేత్-రుద్రుడు కానివాడు రుద్రుని అర్చించలేడు.
గురువుగా రుద్రుడు నన్ను శిష్యునిగా అంగీకరిస్తాడా/కపటమాటలతో కాదంటాడా/కనికరిస్తాడో/కఠినముగా ఉంటాడో!
అనుకుంటుండగా కదిలి రానే వచ్చాడు కైలాసము నుండికైలాస గిరినుండి కాశికా-కాశికా పురినుండి దాసునికై అన్నట్లు.
కదిలిస్తూనే ఉన్నాడు సాధకుని జ్ఞానసముపార్జనకు ఆలోచనలను .
నన్ను గురువుని అంటున్నావు నాకేమి తెలుసని అంటు పరిహాసమును ప్రారంభించాడు సాధకునితో.
నిటలాక్షా! నీవే యంతవు-నియంతవు.సమస్తగోళములను-గ్రహములను -జీవులను వాటి వాటి నియమిత స్థానములందు స్థాపించి,వాటి పనులను నియంత్రించుచు,వాటి కర్మానుసారముగా రక్షణ/శిక్షణ చేయువాదవు నీవే.నన్ను నీశిష్యునిగా కాదనకు-కనికరించు అంటు కరములు జోడించి వేడుకున్నాడు.కాదనగలడా రుద్రుడు.
సరే నేను నీకేమి బోధించాలో కూడా నీవే చెప్పు.దానికి నేను ఒప్పుకుంటాను.తప్పదుగ అంటు బదులిచ్చాడు.
నువ్వే గురువువి కాసేపు.మరికాసేపు నువ్వేశిష్యునిగా మారి నాకు ఏమికావాలో ఎలా వాటిని కోరుకోవాలో సెలవియ్యి నా భద్రనెరిగిన రుద్రా అంటూ అర్ద్రతతో అర్థించాడు.
అవధులు లేని అవ్యాజానుగ్రహమా అన్నట్లు అదగటం ప్రారంభించాడు సాధకుడు.
కృషిశ్చమే-నేనొక కర్షకుడిగా మారాలి.ఆ నా సేద్యమునకు నీ అనుగ్రహమను వర్షము ఆలంబన కావాలి.అందుకే కృషిశ్చమే-వృష్టిశ్చమే అని అర్థిస్తున్నాను.సరే అల్లాగే కానీ.దానితో ఏమి ఉపయోగము నీకు?అడిగాడు రుద్రుడు అసలేమి తెలియనివాడిలా.
అదేమిటయ్యా అలా అంటావు.కృషి-వృష్టి కలిసి నాకిచ్చిన పుష్టితో నేను ఐహిక బంధములను జయించగలుగుతాను ఆ శక్తిని కూడ నేను జైత్రంచమే అని అడుగగానే ఇవ్వు.
మళ్ళీ అప్పుదేమవుతుందని అడుగుతావేమే నన్ను పరీక్షించాలని.నీకు తెలియనివి కాదులే.అయినా చెబుతాను విను.నీ అనుగ్రహము ఆధ్యాత్మిక పంటను పండించే సుక్షత్రముగా నా మనసుని మలచినది.నీ కరుణ అనే అమృతవర్షము దానిని సారవంతము చేస్తున్నది.నీ క్ష్ప్రపరసాదత్వము దానిని "ఔభిద్యంచమే" అని నాచే నిన్ను అర్థింపచేసి,అధ్యాత్మిక భావముల మొలకలను తీగెలుగా పైపకి ఎదిగేటట్లు చేస్తున్నది.వాటి స్థిరపరుస్తు కొన్నింటిని గుబురులుగా మలుస్తూ గురువు కరుణను గుబాళింపచేస్తున్నది కదయ్యా అనగానే దానిని పారిపోకుండా పట్టుకునేందుకు ప్రయత్నించు అంటూ తెరచాటయ్యాడు రుద్రుడు.
అణువు అణువుశివమే-అడుగు అడుగు శివమే.
కదిలేవికథలు-కదిలించేది కరుణ.
ఏక బిల్వం శివార్పణం.
Comments
Post a Comment