SIVATANDAVA STOTRAMU(SIVETI MAMTRAMUCHCHAREN KADA-WHEN)-13
.jpg)
కదా నిలింపనిర్ఝరీనికుంజకోటరే వసన్విముక్తదుర్మతిః సదా శిరఃస్థమంజలిం వహన్ |
విముక్తలోలలోచనో లలాటఫాలలగ్నకః
శివేతి మంత్రముచ్చరన్ సదా సుఖీ భవామ్యహమ్ || 13 ||
క్రిందటి శ్లోకములో సాధకునకు కావలిసిన మనోస్థితిని సమస్థితిగా వివరిస్తూ,అట్తి స్థితిని పొందుటకు బాహ్యవస్తువులలోని వైవిధ్యమును గమనిస్తూ ద్వంద్వములో దాగియున్న మూలమును గ్రహింకలిగే సంస్కారమును పొందాలి అని చెప్పబడినది.
ప్రస్తుత శ్లోకములో ఆసనమును గురించి ఎటువంటి ప్రదేశము అనువైనది నాలుగు విధములుగా ఐదవది ఫలితముగా చెప్పబడినది.అవియే 1.వసనము 2.స్మరనము 3.లగ్నము 4.వందనము 5.సుఖము
1.వసనము.
*******
బాహ్యమునకు
నిలింపనిర్ఝరీ ప్రవాహ తటమున కల కుటీరము అనువైనదట.భ్రూమధ్యక్షే త్రమైన కాశీక్షే త్రమున ప్రవహించుచున్న గంగానదీ తీరమున నున్న పవిత్ర ఆశ్రమములో అధిష్ఠించి ఉపాసనను ప్రారంభించవేల్ననెను.
మనసులో కదిలే ఆలోచనలన్నీ నిలింపనిర్ఝరీ తరంగములు కావలెని.వాటి తీరమున నున్న హృదయ కుహరము కుటీరముగా కావించుకొనవలెను.
అగస్త్య మహాముని కాశీక్షత్ర గంగాతీరమున నున్న బిల్వనమున ఆసనమునేర్పచుకొని పరమేశ్వర ధయానము చేసెననునది ఇతిహాసికము.
2.స్మరణము
********
స్మరనము నందు ఉపభాగములుగా ముద్ర-వహనము అనగా కొన్నింటిని విడిచి-కొన్నింటిని స్వీకరించాలి.
స్వీకరించవలసినది నమస్కార ముద్ర.
వహనము/విడువ వలసినవి దుర్మతి-చెడు ఆలోచనలు
మనసునుండి చెడు ఆలోచనలను త్యజించి,అంజలి ముద్రను స్వీకరించవలెను.
3.లగ్నము
******
చిత్తము ఈశ్వరాయత్తము కావలెను.అనగా అనగా ఏకాగ్రతను బిందుస్థానమునకు చేర్చుకొనవలెను.అదియే సాధకుని జ్ఞాననేత్రముగా అద్భుతములను దర్శింపచేయును.
4.వందనము
********
నమస్కారము.అనగా న మ నేను అనుకునేది నేనుకాదు.నాలోనున్న నీవు అని తెలిసికొనుటయే వందనము.సస్వరూపమును అనగా తన ఉపాధిలో నున్న చైతన్యమును గుర్తించి-గౌరవించుట ప్రారంభమయితే
అహం నేను సదా ఎల్లవేళల
సుఖావస్థలోనే ఉండెదను గాక అన్న ఆకాంక్షను వ్యక్తపరుస్తున్నాడు సాధకుడు.
ఏక బిల్వం శివార్పణం
Comments
Post a Comment